影片
电话号码
+853 28768648
付款方式
以上资料只供参考，请与餐厅确认详情
嚟到澳門氹仔舊城區，依間人氣火鍋店以旺旺黃金多多蜆作為招徠，更加被「卜卜蜆關注組」大力推薦！➖✨ 旺德福火鍋.餐廳裝潢風格現代時尚，座位寬敞，環境舒適。除咗提供傳統的火鍋配料，更有多款創新特色菜式。➖🥢 旺旺黃金多多蜆｜$288（⭐招牌）.依道「旺旺黃金多多蜆」賣相十分精緻吸引！滿滿沙白蜆整齊地排列成花瓣咁，中間仲有一隻可愛小熊造型點綴，極具視覺效果！湯底以蒜蓉、辣椒、牛油和米酒簡單調味，搭配爽口鮮甜嘅蜆肉，味道清甜！➖🥢 頂級美國牛小排｜$238（⭐推薦）.牛小排切薄片，疊成火山嘅外型，十分有視覺衝擊！牛小排油花豐富，肉質柔嫩，簡單涮煮幾秒，牛肉入口即化，牛味濃郁。➖🥢 美國牛板腱｜$148.牛板腱油花分佈均勻僅僅中間帶著一條嫩筋，而且脂肪比較少。食落有咬口而且肉味濃郁。➖🥢 黑毛肚｜$78.黑毛肚七上八下淥一下就食得，涮煮後依然保持爽脆彈牙口感。➖🥢 新鮮魷魚｜$68.魷魚筒肉質爽口彈牙，吸收煮過沙白蜆嘅牛油蒜香湯底，味道鮮甜！➖🥢 黑松露墨魚滑｜$88.黑松露香氣濃郁，手打墨魚滑口感爽滑彈牙，十分不錯。➖🥢 彈脆蟹籽蝦滑｜$88.蝦滑質地彈牙，搭配蟹籽嘅咬感，口感層次豐富。➖🥢 窩蛋鮮奶牛肉｜$88.嫩滑嘅牛肉片配上鮮奶和蛋液，微微涮煮後，牛肉更加絲滑柔嫩，風味十足。➖🥢 蜂巢豆腐｜$38.豆腐吸盡煮過沙白蜆嘅牛油蒜香湯底精華，口感軟嫩爆汁。➖🥢 勁爆芝士牛肉丸（4粒）｜$78.牛肉丸用匙羹呈上，造型獨特，牛丸外層彈牙，咬開香濃的芝士內餡，香氣撲鼻，芝士控不能錯過！➖🥢 旺旺麻辣三寶｜$108（⭐推薦）.作為涼拌前菜，麻辣三寶包含了花甲、花螺及鮑魚，爽嫩鮮甜嘅花甲及花螺，配上秘製麻辣汁，辣得過瘾又開胃；而鮑魚就用上磯煮鮑魚，肉質厚實而且軟韌細嫩。➖🥢 旺旺麻辣燻蹄｜$58.同樣涼拌前菜，豬手切薄片鋪滿碟面，加上蒜醋汁及辣椒碎，微辣惹味又開胃。➖🥢 青島啤酒｜$25.➖➖➖➖➖➖➖➖➖➖➖➖➖➖#Ming_Course #澳門 #澳門一日遊 #澳門好去處 #澳門探店 #澳門火鍋 #澳門美食 #氹仔美食 #旺德福火鍋 #旺旺黃金多多蜆 #卜卜蜆關注組
继续阅读
同老公去咗澳門玩🇲🇴夜晚就Search下附近有邊度有得食卜卜蜆。發現最近係旺德福，所以就直接去。餐廳唔算大，不過都乾淨企理。我哋一坐低就叫左佢個卜卜蜆先!! 好大盤，係牛油蒜蓉卜卜蜆!! 微辣口味!!新鮮又好味，蜆肉又大又滑👍🏻好正! 老公仲叫左一份麻辣螄蚶🌶️一向唔食螄蚶嘅我，都試左一隻，又大又滑又醃得好惹味~ 老公都大讚😋最後仲叫左份烤金菇，外表平凡，但一樣都好正!!仲有一杯正常發揮嘅咸檸七! 值得一提，餐廳服務幾好，店員俾咗個盤我哋放蜆殼，基本上8成滿就會幫我哋清，非常勤力，感覺良好。絕對會再幫襯。(⁎⁍̴̛ᴗ⁍̴̛⁎)
继续阅读
上網睇澳門卜卜蜆是必食的，見到人推薦同埋有卡通造型牛油便來試試～一上枱蜆排列得好整齊，湯底看似非常清，有一些蒜蓉和辣椒，煮滾黎，一粒粒蜆卜開，幾得意，但係食落超級淡味🥲最尾要叫碟豉油黎點先得😮💨價錢亦都幾貴，可以不來～
继续阅读
我地五個人食，野食黎到先知份量咁少，真係呆左，一個人食就差唔多，你地員工又冇同我地講份量少會唔夠食，已經唔平架啦，個拼盤25蚊一粒牛肉粒，早知散叫冇咁嬲，食到一肚氣價錢同份量唔成比例，叫左拼盤完全中哂伏，問員工可唔可以轉返散叫又唔理。牛小排$88-3塊豬腩片$48-3塊肥豬肉牛肉粒98蚊-4粒響鈴$26蚊-3舊
继续阅读
呢間旺德福火鍋，其實已經係第二次返去食嚕~😝主要係自己本身係好鐘意食卜卜蜆，同埋上次食過都覺得呢間無論海鮮定牛都好新鮮！所以今次過澳門玩又再encore🥳朋友們都表示滿意👏🏻值得一讚係員工態度好好，同埋飲品係大大杯🙌🏻旺旺黃金多多蜆充滿牛油加蒜既組合，蜆肉索滿啲汁，所以吾點豉油都好夠味！蜆肉吾算好大隻，但係新鮮同埋無沙的。呢個蜆煲適合2至4人左右食。食完蜆就可以開始打邊爐嚕！🤗🍲自選拼盤(6項或8項)今次牛肉揀咗牛板腱，牛小排同埋肥牛。個人認為牛板腱最重牛味同埋性價比較高🥩另外仲揀咗黑松露墨魚滑同埋福袋，墨魚滑好彈牙，淡淡嘅黑松露味，都幾好食。不過個福袋就一般🤣奇妙醬烤黃金粟米呢個烤粟米，可以係話我人生食過最好味嘅粟米！冇誇張😖搽滿沙律醬係面層，食落去有烤香咗嘅味道，每粒粟米都有甜甜嘅醬包住，係幸福既味道🥹🌽
继续阅读
您可能会有兴趣的...