添發碗仔翅美食

营业中

休息中

📍澳門 - 添發碗仔翅美食澳門嘅一間老店，門口成日都會排唒隊（大約半小時），如果唔趕時間都不妨可以試吓！星期六日嘅時間可能比較多人，如果想唔使排隊排咁耐去食嘅話不妨試吓平日先去。佢作為一間開咗咁上下嘅舖頭，係值得可以試吓嘅。店舖內佢位置得比較迫，背脊貼背脊咁😣，如果有攜帶大型行李嘅話唔係咁適合。-▫️豪華碗仔翅 𝟝𝟝 ▫️招牌海參花膠煲仔翅𝟠𝟝 ▫️瓦煲花膠魚翅 𝟙𝟚𝟘-佢仲有好多其他唔同款式嘅嘢食 大家可以自己去試吓是適合快食的地方

大山巴行過來好方便，以前呢度叫「紅門」，成條街啲窗都係紅色，唔知點解現在全是綠色，係咪要改叫「綠門」呢？添發算係老字號食平民翅，長期都有人排隊，價錢有高有低你自己選擇🥣紅燒湯豪華碗仔翅：湯頭好香濃，有酒樓飲宴效果，當然無咁多翅，但以$55來說翅量係合理的，香港假翅都要$2X喇，所以再來仲會再食的😋😋

因為朋友話好出名同埋食翅係佢今次澳門即興遊嘅其中一項任務，（佢幾年前食過），所以先至30幾度下烈日當空陪佢排隊食，排咗大約半粒鐘，我食完同朋感覺講，老老實實，真係唔值得咁辛苦排隊去食。我哋叫咗一個招牌煲仔細翅同埋一個招牌煲仔大翅埋單MOP195。兩款煲仔翅，啲翅嘅份量其實好少好少，味道又勁重胡椒粉味，我覺得去婚宴擺酒食嗰啲仲好食。其實行前少少都有翅食，下次再去澳門，會試啲唔使排隊嘅，睇下係咪差天共地？

還記得以前有一齣電視劇叫《十月初五的月光》，當時在播出之後令到十月初五街出現在遊客面前，澳門特別的舊式建築和傳統小店一直吸引遊客慕名前來打卡。 澳門出名的美食之一是砂煲翅，幾十塊的價錢可以吃到魚翅性價比很高，因為最出名的譚家魚翅實在太多人排隊，所以去了附近一樣出名的添發碗仔翅美食，記得以前門面不是這樣，可能在疫情期間裝修過。上桌時熱氣騰騰香味十足，但味道就普普通通，跟平時酒樓辦桌時差不多，下次還是去最出名的譚家好了🤪🤪🤪

今日去左平時唔會去既巷仔食翅，大股東話呢到既翅好好食，話1定要帶我黎食，所以就去左食喇🤤入到去好有7、80年代既感覺，裝修重係用緊紙皮石，感覺好懷舊，會諗起好多細細個既回憶🙈今次我地2個都叫左招牌海花參膠大隻翅食🤪個翅黎到好大碗，係用瓦煲裝住，份量算多，亦都有好多參花膠，食落去啖啾翅，好好食～👍總結: 我食完之後好滿足，翅唔會好似去飲個啲咁杰，但食落係有口感，而且非常足料，值得再次去幫襯，有機會會再去食多次🥰

🇲🇴添發碗仔翅美食·海蔘花膠煲仔翅$85 l 豪華碗仔翅$55之後喺上大三巴之前我哋決定食多少少嘢先 見上網好多人推介 就決定試下呢間煲仔翅 不過老實講我自己覺得佢一般般 而且都幾貴🫢兩碗既話佢個煲仔翅算係比較好食啲 入面真係有啲碎翅既 啲翅口感都唔錯 個海蔘都發得幾好 不過佢個湯係比較多羹既 飲落無咁正🤣之後個碗仔翅我就真係麻麻啦 佢呢個真係成個都係羹黎 食落好漿口 而且入面得啲雞絲同一舊仔花膠 所以都無咩口感 我地最後都無食曬🙊😂😂同埋建議大家如果真係想食嘅話唔好太早嚟 因為佢其實12點先開門 之後12點半先開始有嘢食 所以你早嚟嘅話其實去流好慢 我哋係差唔多等左9個字 係我地等得最耐既野食🙈🙈·📍新馬路福隆新街18號地舖

對上果次食應該係5-6年前，我印象入面係足料有高湯味，總括嚟講係可以有下次！今日再去食，一碗$40嘅碗仔翅，有5-6梳幼過手指尾嘅翅，幾條肉絲都唔緊要，$40有真翅食喎，ok啦，但重點係完全無高湯味，唔香，生粉水我都明白係正路，但可以溝到「杰」到碗翅有唔同溫度！另外仲叫咗一碗係$85，呢碗好啲，無咁「杰」，不過味就真係差咗好多！總結，以後唔會再有下次，5點半去都要排10分鐘，食完出嚟見到有2-30個人排緊

香港的朋友介紹福隆新街這邊有一家很有名的添發碗仔翅🦈🦈來到福隆新街已經可以看得到在同一條街上已經有好幾家不同的碗仔翅店😋後來我才發現原來店裡面非常非常小所以座位不夠的狀況下 外面的人要排久一點🤔在排隊的過程中可以先想好吃什麼因為店員會確認你要點的是什麼她大概會詢問前三組客人這次我大概排了10到20分鐘左右❗️注意喔❗️店裡面是非常非常小的所以不要帶太多東西過來我們這一次點了$3️⃣5️⃣的還有$5️⃣0️⃣的翅🦈可是呢其實兩個喝起來的感覺都差不多一個就是魚翅比較多另外一個是比較少而已他們都是用同一個湯做的😋🍽 這個他非常非常的濃稠P.S. 因為店裡面非常小的關係，所以希望大家過來吃的時候，吃完可以快點離開喔，免得外面的人排隊排太久了😎因為排隊的時候你也不想等那麼久吧對不對🌞

捐窿捐罅去澳門揾美食,當然要好多謝我澳門朋友的帶路同我去食。唔係我自己真係唔識揾今次就去左位於新馬路紅窗門的添發碗仔翅聽朋友講它地係由車仔檔的碗仔翅起家的咁像手信鋪的發蹟史的去到添發碗仔門外，其實係一間很細的店鋪，有3 張圓台和一張長台，大約容納15 人左右。每次去都要係門口排隊等位haha,所以我唔會選夏天去因為係門口企係太陽下等又曬又熱每次去到我都係選砂鍋翅，內有花膠﹑大翅﹑海參，真係在鍋上煮滾上台，所以每次起埋等10 分鐘攤涼dd先可以食到落口。

朋友話黎到一定要食下去到見到好多人排隊鋪頭好細間 所以都要等一段時間每人最少都要叫一樣今次試左個$35既碗仔翅無網上講得咁好食可能期望愈大 失望愈大😂如果對碗仔翅唔感太大興趣會覺得唔抵食

見到朋友嚟食過發相好吸引,就過嚟試下,地址唔算難搵,就係大三巴附近,中午12點先營業,1點前嚟到，已經開始要排隊，由於店鋪面積唔大，所以位置唔多，同埋人少一定係要搭臺一齊坐。排隊嘅時候差唔多拍到會要求點好餐，所以一坐落唔使等太耐就已經上到臺。點咗個「招牌花胶海参煲仔」，份量都幾多，因為係碗仔翅，所以湯頭唔會好濃，適合直接飲，可以自行添加調味料，不過個人唔鐘意加胡椒粉或者醋，鐘意食原味，整體味道唔錯，材料都幾多下，值得試試。

接近有兩年幾冇幫襯過呢間店。今次嚟到澳門都接近4點；順路去食食填下個肚。今次點了海參花膠大隻翅；味道咁多年都無變；但價錢就貴了一點；要$100一人；翅有兩隻算接受、花膠係鱈魚膠，口感一般、海參就略遜色；好薄身。以前唔識野；依家對海味多左研究；覺得唔太值呢個價。今次平日去到依然要排隊；等左大約15分鐘就有位。比起昔日大排長攏的光景好大分別了。地方好窄，一家三口帶住小B去確實坐得唔舒服兼好迫；整體環境都叫乾淨。

同男朋友夜晚去食翅，記得以前有黎過新馬路食煲仔翅係好味，所以又返黎食嚕。我地大概8:30pm入座，由於時間較夜，所以都唔需要排隊等位。不過鋪頭仍然係好細座位較窄。原本想同男朋友叫兩個唔同（一個$75煲仔翅，一個$110大煲翅）但原來佢話夜晚無$110大煲翅。咁就算啦，叫左兩個$75煲仔翅。翅一到，就要即刻比左錢先。見到個翅熱辣辣好多bubble係度bulubulu個人都好興奮好期待🤪不過一用匙羹一不起，覺得會唔會太杰身。。。。。不過再試下個味道，都係以前既味道。加埋麻油同醋，好好味😛雖然煲翅熱辣辣但都好快jap晒😋強烈建議大家如果唔趕時間可以夜晚先黎食，第二日再去睇門口條隊都排左6-7個人。

去澳門，睇旅遊書一定會介紹的美食，＂魚翅＂，添發係我睇書得知的一家平價小店，差不多次次幫襯，所以都結集到D心得，由於百物騰貴，佢已經說不上平價了，而且地方細，服務就唔好有太大期望，味道只可以說是ok，勝在碗仔翅價錢食到真翅質素，但其實食完都會好口渴，就我理解，翅的價格如何，味道都是一樣，只是內𥚃的材料不同，而$110的一款叫濃湯瓦煲花膠魚翅，不是紅燒湯嚟，想食碗仔翅款勿叫這個~單人價錢由$35～$230。有設最低消費，多人可叫3～6人份量，另有干鮑魚叫，都唔平，如果只係想試下，食個竹笙雞絲碗仔翅就可以吃到真翅~但要比D耐性排隊等候

比15蚊食假翅定30蚊食真野？傻都知道啦！！！澳門快閃最後一站，去到添發碗仔翅，其實以前行過幾次都無食過，今次5點老婆特別話要陪我去，梗系去啦。裡面都坐滿人，外面有一枱5個人等緊，等左大概3分鐘，就叫我地兩個可以入去啦。入去前已經問定要食乜，佢話價錢吾同系魚翅大小同分量，湯系一樣的；好在等緊我地已經睇過餐牌同定好，太有效率啦！裡面其實只有三張圓枱同一張長枱，所以要快。坐系廚房前面，所以睇到裡面做緊乜，有3個女士在裡面，他們在洗和準備魚翅，所以肯定是真的；等了大概5分鐘，真系熱辣辣的一碗($35)和一鍋($75)就上來啦。魚翅湯都幾似平時15蚊的碗仔翅味道，但魚翅是真的啊！就算35蚊一碗都算幾大塊，當然75蚊就更大啦，只是嫌它真的味道比較腥，應該準備功夫不夠啦！雖然湯底落左幾多(或者說太多)的胡椒粉，都掩蓋不住啊！75蚊只是多了花膠和海參，都做得幾好，吾會淋曬，分量就系大好多啦！以咁的價錢，食到真魚翅，物超所值啦！