添發碗仔翅美食

营业中

休息中

見有人龍，以為係正野，咪又排下隊。入到去6個人要面壁（實際只可坐5人），跟住話每人要最低消費一碗翅，ok...明嘅，叫了4碗60元，2碗普通40元。。。60元那碗只有翅裙邊兩小梳，海參粒幾粒，大量竹笙。。個湯底勁多胡椒粉。40元那碗 只有翅裙邊一小梳，冇海參，少量竹笙， 湯底又係勁多胡椒粉6人一致承認。。中伏。。。

之前去過澳門, 個個都話會去食翅, 但實咗太多人排隊, 冇等到, 今次再去試過!上一次假日過澳門, 人山人海, 排隊都排咗20-30人出舖頭, 但今次平日去澳門, 諗住冇上次咁多人, 但都排咗10幾人, 因為上次冇試的關係, 所以今次冇放棄!舖內地方唔算太大, 放咗幾張圓枱, 坐到滿滿的, 比較狹窄叫咗85蚊大隻翅, 唔洗等咗好耐就上菜, 夠火喉, 上到枱重滾緊材料都幾足, 有2隻大翅, 重有幾舊花膠海參, 湯底好濃, 花膠唔算腥, 好淋賣相相當吸引, 熱烘烘, 糊椒粉味不重, 下次可以再試不過翅既選擇唔多, 同埋價錢算貴!

環保風氣下，依家好多食肆停售魚翅，想食碗翅已經係難上加難...今趟澳門掃街一日遊，正好俾個機會我地大快朶頤 呢!行程中既一環節就係去福隆新街街尾既"添發"食翅 嘞...福隆新街係d舊式既横街小巷，小巷內有好多古色古香既街舖林立，見到白牆紅窗果間就係"添發"了。靚女搞手話呢樹出名食又平又大煲既翅, 唔信？！入去試試吧！排左半粒鐘，終於有位俾我地，店舖細小又擠迫 ，要分四個四個人，兩張枱併埋先坐囉....拿拿聲落單，八個人點左兩個花膠海参大隻翅 (85蚊煲)、五個花膠海参煲仔翅 (60蚊煲)、一個豪華碗仔翅 (40蚊碗)...熱辣辣超燙手既魚翅煲 上枱喇……輪賣相，當然係85蚊果款大隻翅殺食, 魚翅足料大大塊，果然真材實料，湯底濃郁！我呢煲60蚊都唔弱，同85蚊煲相比，只係相差小小姐，一樣有花膠(無甘厚大)、魚翅(無甘大隻姐)、海參(比較細小)、竹笙等，但個個食後都話60蚊抵食d 。至於40蚊果款，朋友話只係比普通街頭賣既碗仔翅好些小！食飽就即刻走，因為實在太迫夾了……下次再來，識揀啦！

添發這個名字打從麗梅姐仲有做藝員同飲食節目的時候就已經聽過, 如雷貫耳, 門口總是排滿著一條人龍的。從前的人龍除一大部分是因為遊客效應之外, 相信澳門街坊也會因其價抵料足而光顧。然而到我上一次幫襯(大概最少四年前吧!), 幾乎絕大部分都是遊客吧!面門十年如一日, 窄窄的門口, 兩道小玻璃門, 一般長期開著一邊, 方便客人出入。可是鋪面一點都不大, 入門左排三張中形圓枱, 右邊則一排面壁如迴轉壽司座位, 中間走廊僅一個人多少少的空位。玻璃門邊的門口除放有些相片及報導外, 當然少不了大大張的餐牌, 以供客人排隊時想好進店吃什麼, 或給外賣人士而用。餐牌亦無大變動, 變的只是價錢。當然, 星期四的下午六時, 哪會有人龍呢? 所以不用等位便能魚貫直入, 然而要提一下, 這裡的店員都是急性子, 而且熟悉店內所有產品, 所以難免會有點被摧促的壓力。此做法對排滿人龍時, 這樣的做法絕對能提高效率, 但當清閒感覺就有點生硬了。進店沒有多想, 只是要了個最普通的碗仔翅。沒有點上砂鍋翅, 因翅群大小, 花膠海參等一併入鍋, 有點太飽。然而餐廳餐牌上剩下碗仔翅和豪華碗仔翅兩款, 而以我從前的認知, 豪華碗仔

熱烘烘的煲仔翅到了，賣相相當吸引，忍不住立刻試一口，但我只食到糊椒粉的味度，而且仲好咸……  另外，舖內環境十分狹窄，坐得一點也不舒適，仲好似一食完就會立即被趕離場一樣。對我來說是名大於實，可一不可再。

個個都話,去澳門要食翅.其實魚翅度度都有,點解要去澳門?為左探究一下,決定試下最多人O個間環境勁細勁多人勁迫,食得好唔舒服,加上我地身形又霸氣,真係好想走佬去第二間但係坐低左又怕醜就算啦唔記得叫邊款,但材料係有花膠,海參的份量大約有飯碗1.5碗左右熱辣辣食一口,都幾咸,也有重的胡椒味.煮得不會太杰,海參彈牙,但份量不多,花膠也是細細的.魚翅就真係極小,食4口才會品嚐到小小.湯的份量佔左7成.大約85蚊左右.感覺上同酒樓的質素有一點距離,因為靚翅要用好多材料去煮,也要用好耐時間去煮.這裡的感覺係一分錢一分貨,味道其實很像碗仔翅,咁點解唔直接食碗仔翅仲抵.其實計番也不便宜,佢咁少材料賣我85蚊,如果我去酒樓食靚翅,足料既話收我3百蚊一位,而且質素高很多我想這裡係捉人貪平的心理吧

有兩款湯底, 我最喜最平果款湯底的, 年幾冇食, 再食番, 差左... 碗野深色左咁多, 味道俗了, 冇左以前果種獨特味道, 同埋食完係口乾, 以前絕對唔會的, 湯底真係差了.... 家陣賣點係, $25都有三塊翅...

一直以黎都因為懶 , 所以黎親澳門都留o係氹仔 , 食黎食去都係水蟹粥 , 榴蓮雪糕 , 木糠布甸等等 ,好少會周圍搵路捐癃捐罉去橫街小巷尋找特色美食今次我地決定先o係澳門呢一邊周圍食完先過氹仔搵食資料睇過後 , 首當其充必試o既係真材實料碗仔翅比較過有名o既好幾間 , 從價錢 , 地點便利等各方面 ,最後選定了位於新馬路福隆新街o既添發碗仔翅美食幸好 , 呢條街一 d 都唔難搵 , 因為基本上未正式上到去就己經見到一大堆人群同一大條人龍 , 統統都係同一目的就係為左食翅 , 人多到無可能擠得入去 , 好多人都買外賣企晒o係路邊食 , 我地都唔例外 , 買左一碗雞絲竹笙碗仔翅兩份碗仔翅味道好濃 , 稀稠程度不錯 , 但真係有 d 點過咸 , 竹笙好似有兩片 , 雞絲得好少 , 反而翅就有一大片 , 口感爽軟 , 好有膠質 , 無可否認我係唔識得分佢真定假 ,但個人黎講我鍾意食一條條翅多過咁樣一片翅裙 ## 食完都幾口渴 , 比我期望o既略為一般 , 其實最想都係堂食我見有 d 係用小鍋滾熱辣咁上 , 有機會或有興致再黎過碰運氣吧

我想講，我係香港和澳門（什至亞洲地區），周圍食左十幾年，係openrice做cd rom都好多年，從未想過寫食評，因為覺得有太多高手前軰，我文筆唔好，無謂多寫，今次第一次寫都唔係食評，只係好想同大家分享我既經歷幾個家庭來澳門玩，吃完晚飯約晚上十點，有些小朋友要瞓，所以宵夜環節，只有5大2小出動，剛剛食完晚飯，其實都好飽，難得放下年幼子女，當然想盡情吃，但無奈實在太飽關係，打算分吃可以少食多滋味，如果好好吃，明天便跟缺席者再來這店平時很多人排隊，這晚十時過少少到達，見不用等位，當時店內只有一枱客，大家都輕鬆坐下，當我們商量吃那一款的時候，疑似老闆已不停提醒我們要一人一碗，不能分吃如果在人多時段，我是非常明白，不要令人減少收入嘛，我們見最平一碗$25，如果我們5人都叫$25碗，即整枱最低消費是$100，於是我們叫了3碗$60的，5人當中，有2人胃口偏小，只想試2啖（不用分碗），3煲羹上桌後，我們要求多2隻匙，未開口，老闆便一輪咀不客氣地向我們說了一些有的沒的說話，內容大約說我們香港人不要幫襯最好，他店明明十點關門但仍樂於接待我們（我們離開時也有新客坐下），已表示他們的誠意，可是我們卻沒誠意

由於住左係氹仔，晚上專登坐的士過來食翅食宵夜~來到已經接近11點，店員在做清潔，見到我們一行四，又安排我們坐下，真好彩，唔駛摸門釘。叫了2煲瓦煲花膠魚翅($85)，另叫了2碗豪華碗仔翅($38)~我們分來吃，發覺原來兩款翅的味道都是一樣，只是貴價的一款有埋花膠啫，而且煲翅好濃味，我唔知係加左好多鹹定係好多味精，但我食得好唔舒服，對於味精之類的化學品，我的胃有點受不了，這次是我第一次幫襯，亦是最後一次了

朋友帶我來食碗仔翅. 原來這店都挺出名. 上次來澳門看到門口大排長龍, 看到廿多元一碗的碗仔翅還是走了. 今次9時多到達, 店內不多人. 隨意坐下叫了幾碗翅.份量不多, 但都幾真材實料吧. 雖然知不會是真的, 但食起上來滿口索索聲, 挺過癮. 而且味道不錯, 主要是因為狂落旁邊的麻油和醋調味.但不竟它不是大碗而且味道和香港食的分別不大, 香港的還只賣$15, 我自己的話就不會再來. 若朋友想來食我也不妨再食一次.

黎得澳門就緊係喪食架啦, 今次又點少得食魚翅既一份呢? 四人行夜晚8點左右就黎到, 都仲有個人排緊隊, 大慨等左10分鐘左右先入得呀! 呢個雞絲竹笙砂鍋魚翅係3-4 人份量的, 裡面真係有翅架, 有d仲好大塊添, 好正!豪華碗仔翅, 哩個d 料比較少, 味道冇砂鍋翅咁濃, 可能我鐘意較濃味少少, 所以覺得砂鍋魚翅好味d.呢度岩哂我哩D 窮鬼, 冇錢買翅食, 哩度好抵食又好味! 下次再黎一定ENCORE 砂鍋魚翅!

兩年前去澳門已經想試下, 但幾次經過都排好長的隊, 所以都放棄了.今次再去澳門, 出奇地竟然只得三四個人, 所以便走埋去排, 但都要等上15分鐘! 都仲要跟另外兩個朋友分開坐! 咁我哋因為唔咪好餓, 只是想試下, 便打算兩個人叫一個. 個阿姐便有點寸咁話, 一定要一人叫一個. 咁我哋就叫了一個$38的豪華碗仔翅, 同$55的花膠海參煲仔翅. 咁兩碗嚟到, 我食$55那煲, 老公食$38那碗, 我想分啲比老公, 咪叫佢比隻碗仔囉! 點知個阿姐好差態度咁話, 兩碗一樣味架, 只係一個有花膠海參一個無. 點呀? 想要個碗仔都唔得? 我咪話, 我要落醋落麻油, 我老公唔食, 所以咪要隻碗仔. 個阿姐之後就黑晒口面好唔願意咁攞了隻碗仔比我哋! 後來我哋的朋友(佢哋坐另一枱)食完出來, 仲講我哋知, 同佢哋枱有一對男女, 兩個都叫了煲仔翅, 咁因為熱, 佢哋想要個碗仔, 分出來歎涼食. 個阿姐又係同一番話, 兩煲一樣, 唔駛用碗仔分. 其實大家都已經各叫了一煲, 比隻碗仔有幾辛苦佢? 辛苦佢要洗多隻碗? 真的百思不得其解.至於味道....真係有點失望囉! 以前見啲人係咁排隊都要食, 以為好好味,

整理好行李後, 我們馬上去找回上次吃魚翅的地方.下午茶時間, 還是要排隊等位. 大約15分鐘就有位了.另一半叫了個海參魚肚煲仔翅怎麼跟上次吃的差那麼多? 湯底稀絲絲的, 魚翅一小塊也不見, 只看到很多魚肚......我的是貴一點的海參魚肚大隻翅只是魚肚更多更大塊....魚翅....不太找得到.吃完後我倆一致覺得比以前差太多了, 下次可以不用再來.

食完祥記行前一分鐘就係添發碗仔翅，己經有十幾人排隊，等咗三十分鐘先到我哋，才發覺得三張四人枱，同埋靠牆幾個位，怪不得要等咁耐，堂食人頭計，就算叫窩百幾蚊砂鍋魚翅都唔得，我只是一嘗心態，點了最平$22鷄絲翅，當然不能有所要求，都叫做新鮮滚熱辣~