影片
电话号码
+853 85983077
+853 85983076
开饭介绍
澳门旅游学院是一所酒店及旅游业大学，而这间餐厅是学生们实习的地方，是全澳门唯一一间的教学餐厅。
继续阅读
奖项殊荣
米芝莲绿星餐厅 (2023-24)
以上资料只供参考，请与餐厅确认详情
相关文章
差唔多一個月之前book定。原來check返上一次嚟係疫情之前，超過四年喇Book嘅時候，都冇為意係2月29號 萬萬都估唔到，今次係我一個人自己嚟世事真係風迴路轉，原來十幾年嘅時間，離離合合，個天都係覺得我哋唔適合一齊又唔知點解我嘅堅持自己一個人都要嚟一趟，從來都未試過一個人遠門（都算遠㗎啦，要轉兩程長途車又要過關）就當比自己一個試煉囉，遲早都要自己一個人飛㗎啦😭坦白講真係有少少怯，特別係回程嘅時候⋯⋯一個人嚟食，其實都有啲怪同有啲慘！好彩我另外見到兩台人都係咁樣（仲要都係女仔）其實可能而家女性嘅地位真係提升咗好多獨立咗好多講返我個lunch 先，四年前book枱嘅時候佢已經問定我哋會揀啲乜嘢菜式，四年後嘅今日，只係book咗枱去到先揀。由於今次一個人嚟，冇得揀兩set試多啲嘢😭今次自己揀咗3course 頭盤：原種番茄餡撻配布拉塔芝士、羅勒忌廉及海藻魚子醬主菜：草飼安格斯牛柳配雞肝摩士、苦白菜、松露麵包和馬德拉牛肉汁甜品：無花果撻配「公平貿易’朱古力及無花果醬$240 價錢貴咗$20都仍然係冇+1其實三個course最鍾意就係個主菜，不論賣相、擺盤、食物嘅味道都好啱我口味！牛柳medium剛剛好，配炸苦白菜，on top仲有雞肝醬啊頭盤同甜品唔係唔好味，不過其實份量可以扣減10%左右啦！事實上fine dining擺盤上食物既佔比應該可以下調少少，當然唔係話佢性價比高唔好，好似頭盤咁嗰層芝士厚嘅程度簡直無話可說不過佢配搭嘅味道有的確好清新，綠色嘅汁加埋新鮮蕃茄，的確好開胃🤤甜品都係一樣啦，叫咗個無花果撻啲無花果多到一個點，我諗喺香港食一半都唔知有冇😅敗筆在個撻皮有啲硬身最上層加咗一塊白朱古力薄片同埋金箔 ，由於我本人對白朱古力冇乜好感，同埋整體上又唔係特別好味，再加上自己已經飽飽地，所以食淨咗部份（其實一開始個麵包籃總共有四款麵包任你食，基本上每一款都好好味，我諗我食咗夾埋差唔多兩個包）最吸引一個有煙肉嘅包另外個蕃茄包都出色。可能我去咗洗手間啦，我見隔籬枱侍應會細心講解埋附上嘅三種配麵包牛油、葡腸醬同埋橄欖油服務今次好似多咗好多侍應咁，當然有實習生亦都見到有好幾個senior 在旁邊教導。其實四年只係加價$20仍然都係物超所值嘅，當然今次自己食心情一定有啲影響嘅唔知今日我堅持要自己過去澳門有冇選擇錯 好似好孤單同空虛咁。仲要走嘅時候兜咗好多冤枉路 ，天氣又麻麻地🫣
继续阅读
一定要訂枱，服務員一百分，叫了一個西餐和葡餐。第一上枱是麵包，真係難吃，石頭麵包又硬又唔好食，自己在家用焗爐加少許水整得都好食過佢，第二道菜豬肉卷同埋唔知乜鬼嘢菜卷，食落口感麻麻，第三個菜就係南瓜湯同埋龍蝦湯，黑胡椒又無，調味料得鹽同埋胡椒粉，吃完更加覺得普通，主菜係雞同埋三文魚，雞好似葡國雞，魚食落有腥味，每一道菜也是普通，沒有驚喜！甜品雖然有好多種選擇，但係全部都係普通嘢，加上十年如一日的菜式有些失望，大眾點評卻是必去的餐廳！
继续阅读
7/06 /2023我哋係遊客去澳門玩兩天，知道間餐餐係米芝蓮推介，我哋冇之前訂位，由12:00開始打電話問餐廳是否當天還有位，但一直沒人接聽，我哋決定照去試吓，途中不停打電話但都冇人接聽，去到餐廳一點鬆啲，門口接應嘅女仔話當天好忙好忙，所以冇得閒接電話＇一間所謂嘅旅遊業餐廳竟然係冇人接電話，跟住話當天已經滿座冇可能招呼我哋，我哋明白，只不過唔明白點解一間咁大嘅餐廳，仲要係旅遊業推介但都冇人接電話😤
继续阅读
澳門兩天行的最後一餐，選擇了在旅遊學院教學餐廳用膳。餐廳的侍應生，都是旅遊學院的導師和學生，導師在旁指導學生款客，無論擺餐具，收餐盤，倒水的方法等等，也相當有要求。令身為客人的我也拘謹和緊張起來，生怕自己發生了什麼意外，令學生們捱罵就慘了！午餐～自選頭盤，主菜及甜品一份（咖啡或茶）（$220)點餐後奉上麵包籃，麵包是學院自製，上桌時是暖烘烘的，有誠意。麵包款式有三四款之多，抹醬亦有牛油，橄欖油，葡國腸醬供選擇，足以令人心大心細。試了法式軟包，口感煙韌有麵粉香。葡腸醬不是經常見到，必試！味道鹹香。學院自製煙燻三文魚他他配馬鈴薯醬，窩夫，檸檬果醬配鹹蛋好像一道分子料理般，泡泡好像戳也戳不穿，magic~泡泡其實是馬鈴薯醬，有淡淡的馬鈴薯味，更突出的是像白汁的奶香味。煙三文魚是學院自家製作，誠意十足。味道保留了三文魚的鮮美，卻有絲絲煙燻的餘韻，加入了沙律醬汁做成他他。我認為有少許浪費，始終比較喜歡吃完整一片的煙三文魚呢！意大利雲吞配意大利芝士，橄欖，菠菜及水瓜柳醬圓形的雲吞皮內包裹著芝士餡。芝士有點拉絲的效果，香軟煙韌。汁醬有葡菜的風味，白汁中加入了橄欖，水瓜柳醬，味道有奶香之餘，更有點醃菜的微酸。烤沙朗牛配鹽焗乾蔥，煙燻芝士炸餅及番荽忌廉醬外層煎烤至焦脆。點了七成熟，牛扒橫切面的肉色仍然是嫩紅。肉汁豐富，每咬一口也能嚐到油脂香。肉質嫩滑細膩，牛肉味亦濃郁。在香港點一份七成熟的牛扒，多數換來粗糙不堪的貨色，這裡的味道真的令我喜出望外！忌廉芝士蛋糕配檸檬和薄荷白朱古力的外殼，包裹著如雪糕口感的忌廉芝士蛋糕。有芝士的濃，有檸檬的微酸，亦有白朱古力的香甜，吃完一個都不會膩，味道非常有驚喜！澳葡傳統甜品有三款不同的甜品，最適合心大心細，想試多幾款甜品的你！芒果布甸啖啖都是芒果肉，味道盡是天然的芒果酸甜，絕不是人工布甸粉所製的可比擬。葡撻的酥皮層次分明，酥脆非常，有牛油香。蛋漿滑捋捋，蛋味香濃，面層更灑上肉桂粉，很有特色！木糠布甸被白朱古力外層包圍，令木糠布甸能夠豎立起來。兩者皆是我十分喜歡的甜點！布甸奶味濃郁，香軟細滑。馬利餅碎則口感香脆。無論服務，食物，環境也近乎完美。真的不枉此行，為澳門之旅劃上完美的句號。
继续阅读
一直以來這間餐廳風評都不錯，而且還是米芝蓮一星，所以就帶老婆來了但是，希望愈大，失望愈大我們是中午過來的，點了兩份套餐，說真的收費已經是米芝蓮級的收費了但是出來的菜大多數都是涼掉的，本來應該是熱菜也是涼的只有頭盆和甜品是較為好吃其他也沒有特別好吃，只是擺盆很好看而已，味道真的很普通，就像一般家庭主婦看完YOUTUBE的教學然後開始學做西餐的水準差不多，和任何一間米芝蓮餐廳都相差十萬八千里我給它評價那麼低，是因為食物吃不出食物本身的鮮味，調味沒有特別香料的味道，沒有香味，尤其是中間那個牛肉餅，難吃到死我和老婆都覺得，可能是教學餐廳，我們應該是吃到學生做的菜，而米芝蓮的評審是吃到老師做的菜，所以大家的體驗差了那麼多抱著期待的心期，幾百元一個人，吃到這樣的東西，完全是食環境，真係冇乜心情影相只是隨便拍了兩張，好不好吃你們自己看吧，還有完全是吃麵包吃飽的，很辛苦
继续阅读
您可能会有兴趣的...