影片
以上资料只供参考，请与餐厅确认详情
食家推介
招牌菜
貓人每次過大海，必定揾阿媽，這位阿媽並不是貓媽，而是火龍媽媽！這裡沒有葡式殖民味，沒有奢華裝潢、甚至偶然沒開冷氣。為的就是在緩緩吊扇下，重拾家的味覺，找回清新的海鮮風味。位於澳門福隆新街的火龍媽媽，開業十多年，是食街裡少見的樸素街坊小店，相當平易近人。主打以新鮮魚和蝦，熬製而成的海鮮靚湯底，再加入各式泡飯及米線。滿口無添加鮮味，讓貓人每次到來，皆喝湯至一滴不留。今次我倆品嚐了魚湯蟹泡飯（MOP$118），在乳白色魚湯裡，蘊藏了原隻水蟹、十多隻花蛤、相當足料，鮮嫩清甜；打底的鴛鴦紅白米泡飯拌以蕃茄粒及豆腐粒，既健康又富口感！另外也點了必食名物 ~ 沙翁墨魚肉多士 （MOP$40)，片片金黃色，外脆內彈，唔會炸過龍，略略點少量砂糖，滋味又滿足！特別一讚是老闆特意走來問我們，覺得味道如何，貓人坦言凍柑桔蜜味道較清淡，老闆即叫店員再沖杯俾我們，猶如媽媽一樣貼心呀！
继续阅读
於澳門新馬路附近有一間小店 - 火龍媽媽, 早前嘗過後一直念念不忘趁著做完Sofitel So Spa後就當然要到附近的福隆新街火龍媽媽最有名氣的是火龍湯底, 是以多種新鮮海鮮制而成, 湯底超清甜叫了個雞扒米配火龍湯底, 本想改為烏冬麺條, 但居然要多收MOP 15, 太貴了! 魚湯浸小白菜我覺得火龍湯底最好是配飯, 就點了個蠔仔鴛鴦米火龍湯泡飯蠔仔比平常吃到的肥美, 飯粒盡吸收火龍湯的濃濃海鮮精華, 最後全都給我喝光而且喝完並不覺得口渇啊
继续阅读
每次去澳門， 都必定會去火龍媽媽食飯。每次水準都一樣，好好味。好過好多都出左名嘅店舖， 水準每次都唔同。推介1)咸檸雪碧$18，好好飲， 飲完喉嚨好舒服。推介2) 煎蝦米餅$110，蝦用蒜蓉炒過，好香，煎米粉餅夠脆又香口， 加埋佢秘製嘅辣椒醬，正正正推介3) 芝士黃金蝦$36
，好香口，價錢超抵食另外一品米線$68, 都好味，個湯底好香，好飲，另外海鮮又夠多, 加埋佢秘製辣椒醬， 夠晒惹味
继续阅读
DBIRD兄介紹, 查查臨去食先....呢間D野食真係平呀! 好多款都只係$25-$28, 已經有蠔仔/蝦/青口....為左食菜, 嗌左個娃娃菜鯪魚滑, 飲啖湯先, 原來係魚湯, 好好飲! 都算重魚味, 飲完唔會口渴! 同魚米家差唔多!跟住食我既海鮮泡飯轉火龍海鮮湯, 飲啖湯, 完全無味! 好明顯畀之前個魚湯蓋過晒d味! 友人之魚湯肥牛米線我以後只嗌魚湯!!!!
继续阅读
中秋追月日，第三站地點是傍晚開餐地 -火龍媽媽。我的朋友早前曾極力推介其出品- 真材實料，難得趁馬交之行必去走訪一遍啦 。店舖很易找，置身其中仿似走進時光機，重現昔日繁華一面.....傳統建築再伴以一致的色彩和風格，感覺氣氛確與眾不同，保育功夫應記一功。時間尚早，剛好六時，我與老公仔是第一檯的顧客呢。地方簡潔舒適，稍微不夠冷氣 (後來才知店舖營業時間是: 12pm - 4pm, 6pm-11pm)，晚市才剛開始 ，怪不得。店方其實好細心，將大部份的菜式照片張貼於店內，並附中英文菜名，果然之後大為方便之後入座的一對外籍遊客點選海鮮美食。當時我倆不太肚餓，望過餐牌後，最終點選其招牌火龍海鮮湯底的米線系列，Let's (1) 海鮮米線 ($25) 份量勁多，用料十足，海鮮有兩隻蝦, 魷魚, 蟹柳, 魚片，配料新鮮很鮮甜。米線爽口彈牙，湯底呈少訐乳白色，混合了各款海鮮的鮮味，再配以新鮮蕃茄粒, 芽菜和豆腐粒，色清但味濃，超好味。喜海鮮的不得不試。 (2) 蠔仔米線 ($25)另一推介之選。超.....多及大粒的蠔仔。好鮮甜及粒粒都沒有沙的，白雪雪的，可以好放心及盡情享用蠔的體驗很難得，好好味呀! 湯底同海鮮米線的一樣， 配上新鮮蕃茄粒和豆腐粒，不過呢碗有更多的芽菜，爽爽的芽菜加上口感軟腍肥美的蠔仔，有豐富的口感集於一身，令人一試難忘。吃得出店主對煮食的誠意及對美食的追求，加油。
继续阅读