瑪嘉烈蛋撻店

营业中

休息中

盡管安德魯嘅葡撻比瑪嘉烈好味，但每次去澳門，一落船，第一站總會去瑪嘉烈食葡撻當早餐。去到見到排成70幾人嘅龍，怕怕，轉去陳光記食燒鴨先，翻轉頭得十幾人排隊，唔洗排好耐，okay，排隊幫襯！嘩！個葡撻好熱！熱到辣咀！香港嘅撻，分牛油曲奇底同酥皮底，自己中意酥皮底，瑪嘉烈嘅酥皮底，好脆，好多層，但唔係好厚，係香港食唔到哩種口感，正！食咗瑪嘉烈十多年，品質保持不變，感恩！ps:一直感覺澳門食巿好鬼有性格，今次幫襯瑪嘉烈，聽到老闆娘兜口兜面話d內地人無禮貌！型呀！

朋友同我講，澳門的呢間蛋撻好好食，所以同另一半遊澳門，都專乘要去試試。來到門口，無論排隊或者門外的食客都好多，果然很有人氣。所以忍唔住買咗半打，一打開個盒，濃濃的蛋香散發出來。拎上手係暖暖地，外皮係好厚身。一咬落去係酥皮的口感，而且好重蛋香，質感跟外皮同樣地厚，也帶有點點焦糖的甜味，朋友果然冇介紹錯~

タルトの中にプリンが入っているような食感でとても美味しかったです。日曜で周りの、お店はお休みが多い日だからなのか、1-2分ほどであまり待つことも無く食べられました。

每次去到澳門出差一定要抽時間黎一趟瑪嘉烈，今次就剛剛好趕及六點收鋪前最後一爐，是星期日所以遊客眾多，人龍排左幾十人，睇黎瑪嘉烈葡撻仍然係咁受歡迎。位置係葡語學校旁邊的一條橫街。有職員指示先到櫃面買飛，然後再排隊攞野食。六點正準時出爐，一𣊬間就攞到新鮮熱辣嘅葡撻，酥皮好鬆化，蛋漿嫩滑香甜，面頭嘅焦糖燒得剛剛好，一次過要食兩個! 十蚊一個，性價比非常高! 十蚊一個，55蚊六個嘅葡撻，水準依舊非常高，下次到澳門一定要再黎!

去到澳門，有什麼理由可以告訴自己不去吃件葡撻，於是我們一行四人，行完大三巴就去找葡撻店。其實澳門很多店都會賣葡撻的，但講到是人氣店，當然要試吓這間瑪嘉烈蛋撻店。這間店在澳門市中心，非常方便，午餐後亦非常多人等候，我們也排了廿多分鐘才成功入店購買。入店後，看見職員很有系統地安排，先在收銀處付款，然後給予機單，再到旁邊放滿葡撻的架上，取你購買的數量，如買滿6件，還有盒子袋好的。返到酒店，已忍不住先吃了兩個！😜味道很好，不會太甜，蛋香味濃。55元有6個，單買一個就要10元。價錢不算便宜，但值得一吃。去得澳門一定也會試試安德魯餅店，我在澳門氹仔官也街9號栢鴻大廈地下E座。也買了一件試吃。9元一件，同樣美味，😋兩間店的葡撻分別在於安德魯會甜一些。😍

其實我黎左澳門好多次都未食過瑪嘉烈葡撻，次次唔係無開就賣晒，今次黎終於開左，去食葡菜之前點都要食返個！葡撻$10/個，$55/6個。烈日當空下排左幾個字隊，攞上手葡撻唔係好熱，外表較淡色，食落層皮好鬆化，蛋味唔濃但好滑，唔會好甜。好多人會比較埋安德魯葡撻，我個人喜愛程度係：安德魯總店》瑪嘉烈》安德魯威尼斯店。安德魯層皮無咁鬆軟，但蛋味會濃d，焦糖味香d~方便程度就係相反啦～所以我食得最多嘅係安德魯威尼斯店，其實就返行程就可以，唔洗特登話去邊間～

去到澳門必定必定要食既其中一樣食品，就一定會係葡撻。今次黎到新馬路附近既瑪嘉烈葡撻，葡撻$10一個。葡撻非常非常熱辣辣，夠熱就已經加左分。撻皮好脆，又有d硬，蛋係非常熱，要慢慢食先得。微香蛋味，再加上燶燶地既蛋面同焦糖，口感特別。雖然不算好香，但係蛋都幾滑。外面有檯有凳可以坐，不過稍微污糟。今次好好彩，不用等候就有新鮮熱辣辣葡撻，推介比去澳門玩的朋友!!

最初抱著很期待的心情去食葡撻，點知食落口比想像中差很多，10元一個唔值這個價錢，更加唔值得花時間排隊買。不知是否出了名多人買，好唔好食都無所謂。個葡撻完全無蛋味，唔夠香，而且仲好油，唔會再有下次。

店鋪不難找,即使它隱藏於後街中,因為既有指示方向,最重要是長長的人龍已令您見到。排了十多分鐘,終於買到✌🏻拿上手十分熱,咬開中日更是熱得出煙!酥皮有點油,但因為新鮮的緣故相當脆,蛋香濃可口,面不會過燶。其實重點是,轉流快所以食到最新鮮的!😋大熱天配埋杯冰凍奶茶,人生享受也!奶味濃,甜度剛剛好,相當香滑!是有點高脂了,但還是想吃多一件

趁放三日假期，同屋企人走左去澳門行下街周圍去食下野relax下，一落船大家都開始有D肚餓，但望下隻錶已經是下午四點鐘，食晚飯時間又好似早得滯，於是大家决定先去食個澳門最出名的瑪嘉烈萄撻先，去到門口好彩又唔算太多人排隊，不到3分鐘我地就買左幾個一齊食，急不及待的我立即食一啖試下，嘩真是超級好食！萄撻個皮鬆趣到不得了，再食埋入面D蛋又甜又香又滑又好味，誇張D講句，我甘大個人第一次食甘好味的萄撻，唔怪得呢間D萄撻甘出名又甘多人慕名而來啦！下次再黎澳門我一定會再來食既，瑪嘉烈萄撻簡直是我的至爱

帶咗個日本朋友去食，係平日嘅中午，所以唔係太多人，唔使排隊，然後就有新鮮出爐嘅熱辣辣蛋撻好好味👍🏻👍🏻連朋友都話大贊好好味呀！不過就冇位坐，所以就企到食，都好有風味嘅👍🏻

早前再到澳門，已知這間店鋪的服務超級惡劣，但家人想再食，唯有排了約20分鐘，當時約11am門外已排了一條很長的人龍。家人排隊其間，我走入店內看看，其間看見有位旅客向食品拍照，隨即收銀職員(化厚妝) 看見，黑面叫停這位旅客。之後，本人再向家人了解，家人表示這間店的職員態度好差，又其是收銀個位(佢個妝真係。。。) ，講慢d都黑面。其後，付了錢，取得食品後，嘩。。個d芝士餅一陣雪味，葡撻同香港求其一間無分別，同之前差左好多好多，一定吾再幫襯，貼錢買難受，我估本地人係吾會幫襯。

為左呢間野開了個account寫食評當日與友人食完晏就行黎呢度買葡撻食當時都已經排長龍，但唔算等好耐買左杯奶茶同四個葡撻俾完張單個店員佢剩係俾左葡撻我地，但俾留左奶茶，所以提一提仲差一杯奶茶亦有先講唔該。其中一位店員行去雪櫃拎左杯奶茶，佢拎完就棟起右腳，手拎住既奶茶只係垂直拎住，完全無遞俾我地既意思，係我地自己行再行入係佢都垂直既手度拎番杯奶茶，態度十分差而且表情也十分不滿！係我遇過最差既服務態度，俾錢買難受。我都明白呢間野都出名又多客，可能會令到店員更加易疲倦，所以佢地無表情我都明白，但佢地既態度真係差到唔可以接受。葡撻十分一般（$10個），無咩味道。凍奶茶$16杯、好既地方佢地係無冰，直接雪入雪櫃，味道唔會變淡，呢一點係幾好。店鋪外有d位置，但其實長期都無位坐，只能企埋邊食，由於有杯野飲，所以都食得幾狼狽下服務態度差，食物一般，唔會再幫襯

瑪加列是澳門最出名的葡達售賣店，專程到這間分店飽嘗。但此店的員工態度極之惡劣，令我大感失望之餘亦不再願意花費任何金錢及推介予親朋。葡達的味道亦很一般，完全不值。

1 egg tart for $10, 6 egg tarts for $55! The wait was super short and they have seats outside. I didn't get a sandwich, but a couple of my friends did and said they were a bit overrated. But the egg tarts were pretty worth the hype. They were good warm, but also good cold.