秀吉日式燒肉的食记– 澳门花城区的日本菜

鍾意飲清酒🍶、日式燒肉🔥嘅朋友，一定要試吓呢間😍位於澳門氹仔嘅燒肉店🍖！店主本身有唎酒師牌😋，亦有唎酒師朋友間中駐場，可以喺清酒機🍶飲到各式各樣嘅清酒。而且呢度啲嘢食♨️、醬汁🥘都係自家製，唔係入貨💕。旅行、食宵夜都好啱過嚟🥢，而且舖頭氣氛都好warm🥰。
.
🎰燒酒機
每一款酒都係四個代幣💰，店主會按照你嘅口味推薦清酒💕。可以淺嘗試到唔同款，唔洗一次過飲晒成支🤩。我哋揀咗一款純米酒🍚，一款燒酒🔥。好明顯可以試到甘口🍬同辛口🌶️唔同嘅感覺，夠盡興😆！
.
🐮西冷
日本無菌蛋🍳加埋舖頭自家調味醬汁，鹹甜香嘅味道👅好夾西冷牛嘅超靚雪花❄️。店員燒得啱啱好🔥，食到牛肉味、油香都平衡得好好😍，好幸福。配肉嘅蘋果生薑燒汁🍎、辣味噌柚子🌶️、海苔鹽🌊，都係舖頭自家調製🧑🏻‍🍳，食得出味道好立體🤤，特別惹味。
.
🦑燒魷魚
同樣係店員幫手燒🧑🏻‍🍳，炭火嘅感覺♨️、魷魚味🦑、脆口度🫦都好正！除咗食到魷魚香味😋，仲因為特登燒到金黃焦香🔥，食到串燒嘅香口惹味感😝。
.
🍢串燒
雞皮紫蘇葉蝦🦐超級香口，雞皮嘅油脂感🐥、紫蘇葉嘅清新🪴、同埋串燒蝦嘅甲殼香味🦐好正。翠玉瓜薄五花肉🥒比例啱啱好，五花肉嘅油香味🐷同翠玉瓜好夾。煙肉蕃茄仔🍅燒到甜甜香香，仲有煙肉嘅香味🥓，味道更加豐富。芝士年糕🧀燒到又香又煙韌，加埋芝士流心🫕真係好滿足。京蔥雞肉🐔好香口，仲有洋蔥🧅甜椒🫑等等嘅配料，好食。燒菠蘿🍍外層有脆卜卜嘅焦糖🍮，中間酸酸甜甜👅，燒得好香。
.
🍨清酒雪糕
自家製嘅清酒雪糕🍶好特別，主調係雲呢拿雪糕🍦，又有清酒嘅米香味🍚、同淡淡酒精感🫧，微醺嘅感覺好正💕。配埋酥脆嘅日系🇯🇵最中餅好好食。
.
🔮水信玄餅
將黃豆粉🫘同埋黑糖漿🍯撈埋，豆香味同甜香味🍬，真係好夾水信玄餅😋！再加埋晶瑩、好啱打卡🎐嘅通透餅身，好滿足。