肥珊茶餐廳

营业中

休息中

肥珊出名人多，要吃午餐對我來說近乎無可能，一定排長龍，等外賣可能要30分鐘以上，所以我只會來吃早餐。 今天點了個咸牛肉三文治，超級大件，啲雞蛋又厚又多汁，鹹牛肉裏面仲加埋洋蔥炒，所以好香好入味，佢個包裝亦都好精緻，用錫紙包，所以食起上嚟很方便， 唔怕污糟，夠貼心。$25咋！

今日中午唔知食乜呀， 有十二點幾諗到成點半鐘喎，咁不如坐咗車先算啦。跟住坐咗30號，心想成日都去祐漢，好悶喎咁就不如去總站啦。其實都係要行嘅，結果係去咗青洲工業區裏面， 之前都有睇網上介紹㗎，網上話佢啲炸魚柳炸豬扒好食不過我呢两日喉嚨有少少唔舒服，就唯有試左蕃茄豬扒先啦 。之前喺網上都已經知道呢間餐廳嘅份量好大嘅，我又傻下傻下唔記得叫小飯喎，所以最後其實我真係冇食曬，係有少少剩。呢度食物唔知道會唔會都偏鹹？但係豬扒都煮得好好食，呢度午餐之外其他嘢係冇得加12蚊跟嘢飲嘅，不過普遍嘅澳門茶餐廳都係咁，套餐只會係跟例湯。我又唔想叫午餐喎所以就散嗌啦，凍飲十八蚊 個飯先至係35所以我成日覺得喺澳門飲嘢真係好貴呀而家埋單，蕃茄豬扒飯35/凍檸茶18盛惠53如果我係選擇喺氹仔其實呢個價錢都食到一個飯一杯嘢飲，只不過份量可能就冇咁大啦。同埋我係想食下新嘢咯要讚一下呢間嘢佢嘅飲管係紙嚟㗎