載運

营业中

休息中

成間餐廳本身設計是按照美國70年代。再配合反斗奇兵主題，令食客更加投入電影感。有室內及半開放式坐位。半開放式可以對望巴黎鐵塔。但因有食客長期霸佔。無緣坐下。個反斗奇兵套餐，要向職員直接下單。原價$136。如果用 Visa 信用卡，有八五折。個餐包一杯無花果汁及雞肉包。個賣相用巴斯光年做主題。無花果汁有點像奶昔。好飲。個包雞肉好鮮嫩。反斗奇兵粉絲萬勿錯過。

一落穿梭巴士係商場慢慢行嘅途中，就被遠處一架粉紅色跑車吸引行近啲先發現原來係餐廳而跑車居然係座位! 再行入去就會見到更多嘅開篷跑車餐廳主題係懷舊的美式快餐店仲有霓虹燈招牌同埋特色嘅設計 但當然最吸引人就係５０年代的跑車造型只有4架大家都爭住想要早咗一步到所以可以坐到之後就要等職員mark低等位 野食種類都好多 迷你和牛漢堡 雖然分唔到三種顏色嘅包嘅味道有咩分別但入面嘅醬料同餡都有小小唔同個人最愛係紅色果款仲有煎到超香脆嘅煙肉 炸蝦球熱狗 蝦球大大粒啖啖肉仲有成五粒炸到好香脆好惹味中意係蝦嘅我食得好開心有生菜有醬料做中和都有小小膩 仲叫咗棉花糖凍朱古力賣相好靚飲落普普通通

歐美復古風嘅裝修已經勁吸睛用左舊款車黎做室內嘅枱凳至於室外嘅景觀⋯⋯冇得頂呀正正就對住巴黎人嘅鐵塔🗼打卡就最啱啦不過室外都係五張枱 真係要先到先得餐廳仲有提供兒童餐 大人細路都啱食而且價錢又唔算太貴喎，畢竟都係望住個靚景啊當然嘢食先係bu嘅重點•美式熱狗配辣肉醬🇲🇴80最鍾意食呢一種熱狗🌭 滿滿嘅辣肉醬同芥辣好奇一問有冇人可以食得好乾淨？每次我都食到成手係😿•醬燒豬肋條🇲🇴80調味剛剛好 唔會太鹹 豬肋條亦都整得好軟腍•薯條🍟 當日係跟餐嗌嘅唔記得咗幾錢本身唔係好肚餓 就係因為見到有芥辣醬 比起薯條，我更加鍾意點芥辣🥹抗拒唔到啊•Oreo窩夫牛角包🇲🇴60超級超級邪惡⋯⋯話說我哋已經影咗相一陣 先開始食嘢佢啲cream完全冇扁過 食落口嘅時候滿滿都係creamOreo味都好出 牛角包就不過不失啦

在澳門你也可以感受到50年代美式風情，原因就是裡有間充滿歐美復古風的餐廳！這間餐廳亦是一間澳門網紅打卡店餐廳可以分為兩部分第一部份：室內位置室內是充滿５０年代的復古空間味道的，當你一進入餐廳，除了看到一般的餐枱外，就看到超吸晴的開篷跑車，油站的擺設，懷舊的霓虹燈招牌等等！不要以為這些開篷跑車只是裝飾，大家是可以坐在開篷跑車上進餐及打卡的！這些開篷跑車全都是卡位，大人小孩都喜歡坐在這裡進餐！所以位置也十分緊絀啊！第二部份：室外位置這間餐廳完全反差的室外位置，室內就是50年代的美式風情，而行出室外，就讓你一秒突然來到法國巴黎一樣！因為室外空間，正正對著 #澳門巴黎人酒店 ，室外位置不算大，大概只有4-5張枱可以進餐，但受歡迎程度，絕對是室內的一倍！因為大家都想跟巴黎鐵塔打咭吧！留意：這間餐廳沒有入座時限，亦沒有人安排座位，很多人為了拍照，可能會坐上大半天！尤其是進餐時間！等位的人也比較多，所以想要坐外面進餐的話，就要早一點來或者選擇非進餐時間啊！

澳門太多美食，但不是每一間都便宜。想抵食，但又想型格打咭？ 呢間餐廳絕對是on the list ! 主打美式快餐 ，餐廳重點係有幾部懷舊真車係入面。當然，車廂已經改造完美變成一架餐車。 露台對住巴黎人嘅巴黎 鐵塔。所以亦成為打咭嘅熱點，見到不少網紅以後面為景點影相打咭。下午時間來想個搵位都難！點餐係自助點餐形式，手機或者係counter點餐都得，但係就要自己攞。美式快餐又點少得漢堡， 包入邊嘅牛肉做到啱啱好 ，夠 juicy，加上香濃BBQ sauce 好味。包亦好鬆軟，聽聞都係酒店自家製 。但薯條說就一般，如果可以做到厚切薯條就更加好。另外叫咗個雞肉蘑菇批， 酥皮 超香，但批餡相對少， cream亦夠香濃， 好快就食曬 ，有啲唔夠喉總結： 值得試下

嚟澳門輕鬆一下，行得耐可以黎呢間餐廳嘆咖啡。雖然呢間餐廳食物種類不多，但風景一流，戶外有個露天茶座，就在巴黎鐵塔的旁邊，環境非常優美。飲杯野，吹吹風，都幾寫意。餐廳很多網紅都來這裏打卡，影相一流。食物方面，主要是美國的食品，例如漢堡包，意粉 及各類飲品。食物質素還可以，但老實說，來這裏不要對食物期望太高，食個環境已經夠數。酒店設有免費泊車三個鐘，絕對有足夠時間再行下街。不過由於戶外只得五張枱，可能要等一等位。如果唔想等，室內的座位都幾得別，有些座位是模仿坐在汽車上，小朋友一定鍾意。