影片
电话号码
+853 28813191
营业时间
今日营业
10:00 - 15:00
17:30 - 23:00
星期一至日
10:00 - 15:00
17:30 - 23:00
以上资料只供参考，请与餐厅确认详情
事隔3 年， 終於通番關又唔洗隔離 可以過大海啦❣️ 自從名店「陶陶居」 係2019 年結業後， 我等左3 年幾先可以黎到據稱係原班人馬主理、位於氹仔大中華廣場既金悅軒！ 招牌燒鵝（例） MOP108 例牌份量唔算多， 上菜都有用燭台熱住， 燒鵝皮脆，略嫌偏肥， 但瘦肉既位都嫩滑唔會乾實。 我食燒鵝，最期待係揭起底下究竟有冇可遇不可求既甜黃豆， 今次有好多，可惜覺得唔夠甜， 豆都煮得偏淋唔夠煙韌。 鮮蝦金錢蟹盒(隻）MOP 25經典名物，傳統上蟹盒皮用薄切肥豬膏造，咬落非常輕脆，比薯片薄 比豬肉紙多份溫度同油香 。 餡料有蝦仁、豬肉、蔥粒、蟹膏。 蟹味唔出、 食成個可能會有啲油，要多配喼汁。 砂鍋花膠響螺湯（例） MOP 368 例牌份量有4 碗 ，係今餐算最貴一道菜。 不過諗落我地冇叫魚翅 （約MOP 1300 左右） ，但魚翅嘅湯其實同呢碗湯差唔多味道，就覺得飲湯都係一個節衷既食法！碗湯有兩塊好厚好大好淋既花膠 ， 唔會腥/硬。 奶油色既湯好濃厚鮮甜，亦因為花膠嘅關係會有少少黏，飲一碗都幾飽足。 脆皮美國牛肩肉 （半例，4件） MOP 75🌟是日亮點🌟 牛肩肉紋理清晰， 唔覺得有用梳打粉處理，但都非常軟滑， 冇牙力都食到 ，我地都以為食緊牛腩，但又唔肥， 用呢個部位好好。 粉漿薄脆， 味道主動靠汁醬帶出。 基本上冇乜瑕疵嘅一道菜， 下次會叫大碟啲！ 鮑汁蝦籽扣柚皮 MOP 118 每次都好珍惜有得食柚皮呢道功夫菜既機會。 柚皮幾大塊 ， 好似鋸扒咁 😂 冇纖維冇苦澀味，蝦籽鮑汁味道均衡，但柚皮中間唔算好入味。 馳名沙溪扣肉 MOP 148 一開蓋 甜梅菜香氣四溢 五花腩油脂同瘦肉層層交替 油脂入口即溶 瘦肉既位都唔會柴 。 梅菜吸收豬油變得甘潤 甜味同爽感都減低左扣肉既肥膩 送飯一流。 雖然邪惡，但絕對「肥有所值」 ！ 金悅壹品炒飯 MOP 148 金黃色 乾身 飯粒分明 每粒飯都均勻地沾到蛋汁 做到「金包銀」材料有叉燒 菜遠 蝦仁 都足料 砂窩香蔥豉油文昌雞 MOP 165開蓋再淋上濃稠既豉油汁 豉油好香 雞肉嫩滑 但份量唔多 如果差唔多價錢 會寧願試 脆皮牛肩肉/ 沙溪扣肉！ 翅湯煲淋津白 MOP 90 上到菜先醒起同碗湯有啲重覆 津白甜 軟硬適中 湯底比響螺湯清啲稀啲 但用黎煮菜可能比較夾 橫財添就手 MOP 45成餐晏叫左唯一一個點心，純粹應吓節😂 豬手冇毛， 都軟淋入味 我地幫襯當日係星期日中午， 冇訂到位， 等左一個鐘頭有多先入到座🥹 建議各位真係要提前訂位。環境方面， 飯枱間唔算寬敞， 但廁所比舊鋪多格數多好多，亦好乾淨。用膳體驗： 開頭見到啲餐具有黑點， 有啲失望 。 不過，我地午市去 ， 就算主要叫小菜唔係點心， 但上菜速度都非常快👍🏻 而且食物keep 到陶陶居既水準！ 4 個人叫左8 餸1 湯1 飯， 都唔洗$400 / 位， 個個食完都好滿意， 推介！
继续阅读
您可能会有兴趣的...