鉅記手信

营业中

休息中

隔咗三年冇去澳門，好掛住鉅記牛肉乾，今日終於去到喇！！衝衝衝去買本身想買非真空特級牛柳，點知賣哂，要下午先返貨。只有真空特級，最後買咗真空包裝。 味道其實差唔多。肉乾唔會好乾 ，軟熟，一咬有啲肉汁。甜蜜味比咸味重，好滋味。發現原來加落即食麵或粥入面食係幾美味😂

本身黎澳門唔諗住買手信，大家成日都黎，無咩新意。💁 諗住行開見到手信舖，咁都入去望下試下食啦~~我本身鐘意食合桃酥 所以就專登搵睇下有冇。 鉅記搵到一隻好好食 ，鬆化得來，最緊要唔特別甜！ 好香合桃味，但最搞笑係個盒寫住本產品不含合桃。 其實佢有另一款係有合桃嘅 ，但係價錢就貴啲。 不過我鍾意食嗰個合桃酥個個味，所以無合桃都ok。我買之前，特登去過另外兩間手信鋪，試過佢地既合桃酥， er.... ...但真係好甜。所以最後都係買返香港都買到既鉅記。 😂😂

紫瑤近來跟大部份師奶一樣，晚晚追看翡X台熱播的《巨輪》。劇集以著名澳門手信店的發跡史作藍本，講述港澳兩地近三十多年來的時代變遷。看電視劇看得慶起，順道分享一下我最近的一次《巨輪》新發現吧～話說每次都澳門，除了我推介過的「X香餅家」外，還要幫親朋戚友走一轉「鉅記」，因有幾款零食是指定要來這裡買的。前幾次都貪方便在酒店內的檔口買，後來發現比街外的分店要貴，所以這次在福隆街吃飯後，便在附近的「鉅記總店」掃貨店內的貨品種類越來越多，據官網顯示，現售賣貨品已超過三百多款。先幫朋友買了三盒12件裝的【肉鬆杏仁餅】，原價MOP50一盒，買三盒或以上每盒平MOP5 (MOP45／盒)買了兩包【豆沙糕】，可惜食用期只有兩、三天，不能買太多 (MOP7／包)上次吃過很喜歡，外層的香蕉糕微香軟腍。但這次卻有點失望，豆沙餡頗甜，香蕉糕有點硬實，沒上次的好吃買了【馬仔】給嫲嫲，原價MOP10一盒，買三盒或以上每盒平MOP2 (MOP8／盒)。另外買了兩盒【加蛋餅】給爺爺，亦有優惠 (MOP26／盒)。結賬前看到架上有【泥樽】，馬上拿了一枝下來。這是產自葡萄牙的葡萄酒，微微的幹果味，帶着淡淡的橡木辛香，很易入口，

中秋追月日，於福隆新街吃過晚餐後，繼續行程。途經鉅記，想起母親大人吩咐我買的手信 ，便入內逛一逛。最後，試食過後買了一盒陳皮餅，讓我與老公仔品嚐; 另外買了一盒母親大人指定要的咸切餅 。回港後第二日(星期日) 中午，當然立即品嚐啦， 陳皮餅 ($48): 包裝盒幾簡潔但別緻，據說陳皮可以健脾開胃，可化胃氣，都好正氣噃.....拆開望吓先，內有兩包獨立包裝(每包有三個)，總共有六個陳皮餅。一打開取出陳皮餅，已隱約傳出陣陣的陳皮味 。切開後，陳皮餡料十足，一口吃下，很重的陳皮甘甜味但不苦澀，還吃到有粒狀的陳皮，餡料口感軟硬交雜; 餅皮不似是曲奇餅的脆，是猶似日式大福餅的偏軟身的，可謂皮薄餡靚，整體口感好好 。好啦，當然唔少得同母親大人一起試吃這盒懷舊包裝的咸切餅 咸切餅 ($34):懷舊包裝夠特別，顏色鮮艷，印刷頗精美，別有一番風味.....打開一看，入面全是個別包裝，份量不少呢!每一小包原來內有兩塊 size 相同的南乳味餅乾，少少咸及帶有絲絲南乳香味 ，但不似南乳雞仔餅的那麼濃味及油膩; 餅身脆卜卜的，是久違了的傳統餅食口味，值得一試。