影片
以上资料只供参考，请与餐厅确认详情
日本拉面相信都系唔少人杯茶。记得早十年八载香港兴起日本拉面店黎香港热潮，豚王一开唔知几多间，然后个个去朝圣，当然我都系其中一个啦😬队就排完，入去逼逼喼喼，又老冯同人搭枱，放低100蚊，其实都唔系平，但食完永远都系争D争D。到一兰开，条队咩事呀，生意唔忧做，又系人贴人食，食完根本都无惊喜，嘥气，而我系冇0系日本当地食一兰。当我之后去左日本玩，因为我中意帮衬日本街头小店，见位就坐，而我去亲旅行都系自由到无得再自由，根本香港果D咩王呀，几多兰都好，点解就系唔好食，所以而家系无人会追棒，热潮无左，你系咪真材实料企得稳先讲太多勒，去番澳门揾洗米华，sorry ,系黑桂华先真，呢间拉面店老板好有heart ,佢真心想客人食到地道日本拉面，虽然开左无几耐，但传媒好多好评，又时不时换下款，真心讲，你食过真系会赞，净系睇间店个门面布局，你就知食得好舒服， 仲有店员真系好有礼貌，好温柔，见到老板好花心机，真系少D心思同诚意都做唔到。睇番个餐牌，佢有好几款主打拉面，柚子盐味拉面58蚊就食到，同一个grade 的拉面店起码收系98，自己仲可以选择追加，加多块叉烧又得，加多个面底又行，加多个面只系10元，而家讲紧加正宗拉面，唔系出前一丁，超值。我就食柚子盐味，见个碗细细，够唔够食架，加多个面底先，原来一碗都够食，利申，我食量惊人，我系男人食量。碗拉面好美美呀，比相片还美，欣赏完，影相完，见到汤底好清见底，够唔够味架?结果，grapefruit so fresh , 再黎传有有海盐的香味，无味精，无味精系好重要，今次味蕾享福了。菜好深绿，而我不知道自己食紧咩菜，我只可以讲系嫰菜，就系云吞面店的油菜，用简水灼熟的鲜嫰👍我系唔知佢系咪用简水，叉烧有碳烧味，系厚身，虽然块肉系半肥瘦，但我就嫌腍左少少同多左肥膏，好似不够爽囗，认为肥腻左少少，漏漏地。
继续阅读