Just 糕

营业中

休息中

黎到澳門緊係不停食架啦。。我咁鍾意食麻薯。。我就搵左間食麻薯波波嘅小食。。佢嘅位置都係有少少吊腳。。近十六浦又唔算。。不過我都係十六浦行過去嘅。。佢舖位唔算大。。主要買啲糕點。。得幾樣野揀下。。主要係QQ麻薯。合桃酥。肉鬆小貝。盤撻。仲有啲冷泡茶。。我就買左袋伯爵茶加朱古力嘅QQ麻薯。。最後嘅結果係畀同行去澳門嘅小朋友食晒。。唯有我再去買多袋食🤣🤣今次我就買左伯爵茶加牛奶。。總括黎講我係覺得好好味。。食左停唔到口。。佢又細細粒。。易入口。。超級值得推介。。我下次應該會再試下佢其他糕點。。有啲都好吸引😋😋..🍡伯爵茶加朱古力麻薯🍡伯爵茶加牛奶麻薯..📍 Just 糕 (下環)下環司打口河邊新街8號地舖..

呢間完全係邊行邊截的士既意外收穫暑假去澳門真係超級難搞😭😭最後好似截咗半個鐘先有的士果下除左想喊無其他🥲☺️😘Okay講返正題先好似係新開 網上資料唔多不過呢類口立濕都岩為食既我地整體味道唔差唔太貴試下都無妨🙌🏻⚑ 肉鬆小貝 有四款口味 $36-$42 / 220g = 約四個⍥ 海苔肉鬆小貝 好似兩粒皮蛋🤣去食過鮑師傅既應該都唔陌生一見到呢到有即刻想黎個pk 好似比鮑師傅細少少🤏🏻聞落幾香 食落蛋糕體唔知點解似蛋😂😂我知呢個形容好過份但我覺得唔似海綿蛋糕haha😌中間最邪惡個吉士醬明顯無鮑師傅咁膩咁滯咁甜外層肉鬆某啲過火左所以食落偏乾又硬🤣但唔係話好大影響既整體都覺得幾好食😚😚-⚑ QQ麻糬 有五款口味一款口味 $28 /約180g兩款口味 $34 / 約210g⍥ 奶香蔓越莓QQ麻糬一啖一粒🤣一唔小心就食左十幾廿粒麻糬空氣感好重 奶香的確幾濃 有酸酸甜甜既蔓越莓平衡下又幾好我地幾鍾意～🤩⍥ 伯爵紅茶QQ麻糬茶味比較薄弱 一個唔小心就會miss左陣茶味🤣🤣🤣認真嗒就會滲出黎所以我地一致鍾意蔓越莓多啲！