新鴻發咖啡美食

营业中

休息中

澳门第一站就系食新鸿发，有地胆带路，行少好多寃枉路。因为上船前食左个老麦早餐，同埋想试多几间餐厅，所以净系叫左法兰西多士同牛肉炒通粉。差唔多下午一点钟去到，餐厅入面已经坐满人，安排左个二人位俾我地四个女仔迫埋一齐坐。甘我地四个人叫两样野都无甘唔好意思。系香港我已经好钟意食西多士，花生酱、牛油，糖浆加埋一齐系无得输！真系超厚西多士，四四方方既砖头甘。一摆上枱已经觉得好香，切开中间查均花生酱，加埋糖浆劲好味！呢个炒通心粉系我期待左好耐，之前睇过苹果报导澳门的士大哥推荐炒通心粉，我一直好想试下果只镬气好足炒到烟烟韧韧既通心粉。点知食左一啖，我即刻晴天霹雳，通粉淋既...佢应该系煮熟左通粉放系到备用，一系就煮得太耐，一系就系炒好晒再翻热。口感完全唔掂，无镬气希望愈大失望愈大。