影片
更多
2013-06-28
1706 浏览
2月2日, 今次呀菲同呀比带埋肚入面嘅baby过大海, 本来谂住去试下位于新葡京酒店顶楼嘅米芝莲三星级餐厅Robuchon au Dome… 不过碍于太迟订位兼时间夹唔到唯有退而求其次试下同样位于新葡京酒店而评价亦不错嘅Don Alfonso~ 同样地系透过网页订位, 再等email确认, 不过呢间就相对易book好多!::: assorted bread basket :::两人份嘅自家制面包篮竟然都系满满一篮! 全部都仲有微暖, 除咗招牌嘅意大利香草包仲有番茄包、罂粟籽包、小法包、番薯包等等~ 当中大部份面包都十分香软烟韧, 当中番茄包同番薯包味道较香甜烟韧, 个别面包搽上牛油或者橄榄油都好好味!::: amuse bouche :::喺食前菜之前先呈上amuse bouche吞拿鱼他他伴鱼籽清新一下口腔~ 大大粒嘅鱼籽入口好鲜, 卜一声咬爆佢, 鲜甜味丰富, 配上同系十分之新鲜嘅吞拿鱼, 完全可以作为清新口腔之选~ 有一样争少少嘅系吞拿鱼有d筋, 要赵多几啖, 冇入口即溶感.::: 香煎带子松露薄片配青豆蓉 :::呢两只带子望落好似煎得干咗d, 但其实只系刚好熟, 内里仲保持到嫩
::: assorted bread basket :::
两人份嘅自家制面包篮竟然都系满满一篮! 全部都仲有微暖, 除咗招牌嘅意大利香草包仲有番茄包、罂粟籽包、小法包、番薯包等等~ 当中大部份面包都十分香软烟韧, 当中番茄包同番薯包味道较香甜烟韧, 个别面包搽上牛油或者橄榄油都好好味!
::: amuse bouche :::喺食前菜之前先呈上amuse bouche吞拿鱼他他伴鱼籽清新一下口腔~ 大大粒嘅鱼籽入口好鲜, 卜一声咬爆佢, 鲜甜味丰富, 配上同系十分之新鲜嘅吞拿鱼, 完全可以作为清新口腔之选~ 有一样争少少嘅系吞拿鱼有d筋, 要赵多几啖, 冇入口即溶感.
::: 香煎带子松露薄片配青豆蓉 :::呢两只带子望落好似煎得干咗d, 但其实只系刚好熟, 内里仲保持到嫩滑嘅肉质, 味道亦十分鲜甜, 加上黑松露片淡香点缀, 仲有最底嘅青豆蓉酱汁, 全部都食到食材天然新鲜嘅味道!
::: 鸭胸配杏甫薄片伴苹果酱汁 :::呢个鸭胸同平时𠮶d实的的肉质好唔同, 呢个鸭胸切成薄片, 肉质十分嫩滑, 鸭味浓郁得嚟唔会过臊, 配上同样切成薄片嘅杏桃片食更渗出鸭肉鲜甜~ 最后面头嘅酱汁酸酸甜甜, 正好中和到鸭胸嘅腻感.
::: 特色海鲜扁意粉 :::应该系呢度午餐招牌主菜之一, 侍应知道我地会share食, 所以预先将意粉分成两碟, 非常体贴~ 海鲜种类其实唔算多, 有虾、带子、青口、鱿鱼粒同少少蟹肉咁, 配料仲有番茄粒同香草. 虽然d海鲜只系湿湿碎, 散修修咁, 但胜在样样食材味道都几鲜甜! 个汁底只系清清地有牛油同海鲜嘅咸鲜味, 扁意粉煮得够烟韧弹牙, 而且索晒个鲜甜, 整体都算几好食!
::: 牛仔膝配特色意大利饭 :::本身对呢个意大利饭都有d期待, 但呢分主菜份量未免少咗d… 牛膝得一件, 意大利饭极其量得三羹左右… 味道方面亦唔算太突出, 牛膝味道其实有d似牛腩, 肉质又唔算特别嫩. 唯一特别系佢可以用只羹仔去食d牛骨髓! 牛骨髓味道油香肉味浓重, 可惜系份量唔多… 只能浅尝. 特色意大利饭系好特色地用上番红花去提味, 可惜成堆饭太湿, 口感有d糊糊地, 味道亦都较淡, 真系宁愿食个牛腩饭好过…
::: 可可云吞配青苹果金宝 :::呢个甜品好有趣! 用意大利云吞嘅整法换上可可做嘅云吞皮, 内里系酸酸甜甜嘅果蓉馅料, 面头仲有片金箔点缀下, 卖相认真高贵~ 味道方面, 云吞皮咬落烟韧带甜, 内里清新酸香嘅青苹果蓉馅料刚好中和云吞皮嘅甜腻可可味, 算系一个几特别嘅甜品!
::: 意大利芝士饼 :::呀菲全餐饭最期待嘅其实系压轴嘅呢一个tiramisu甜品! 净系睇佢用上两块杏仁薄片整成嘅叉同羹就见到厨师嘅心思~ mascarpone cheese味道清香, 忌廉味亦够浓郁, 质地亦都够晒creamy, 著实系唔错! 美中不足只系底部唔系用ladyfingers而系蛋糕, 同埋咖啡酒略嫌太湿, 但整体都系令人回味嘅!
::: Petit Fours :::Petit Fours以buffet形式由客人任意挑选, 款式十分之多~ 有朱古力蛋糕仔、杏仁饼干、蛋白脆饼、松露朱古力同埋好多一粒粒唔同颜色唔同味道嘅饼仔, 不过大部份都颇甜, 食一两粒已经觉腻.
::: 餐饮 :::餐饮分别叫咗一杯cappucino同一杯Latte~ 咖啡味浓得嚟有少少涩, 唔算好出色只系不过不失.
第一次喺澳门嘅酒店用膳, 由订位到迎宾以至用餐服务同上菜等等都真系几好~ 呢个值得一赞! 当然呢度嘅面包篮亦令人印象深刻, 主菜嘅特色海鲜扁意粉充满意大利风味, 尾声嘅tiramisu亦有惊喜! 总括而言, 塞翁失马焉知非福? 食唔到Robuchon但试到呢间Don Alfonso都唔错丫~
张贴
