滄洲咖啡小食

中秋節過黎澳門旅遊塔睇煙花, 下午先到十月初五街搵食, 發覺好多店無開, 唔怪之得條街咁靜, 好彩都仲有幾間店有開, 我哋想飲咖啡, 所以入咗滄洲咖啡試吓。 之前睇過個電視節目, 知道佢哋已經開咗幾十年, 做咗幾十年蛋撻, 坐低後梗係即刻叫蛋撻黎試吓啦, 另外都叫咗棷撻、棷蓉餅。  蛋撻偏甜, 不過餅底鬆脆, 幾好味, 棷撻個餅底做得無咁鬆脆, 不過不失, 棷蓉餅我無食, 唔知好唔好食。

蛋撻、棷撻

$9

棷蓉餅

$3.5

我哋另外仲叫咗個辣魚三文治, 每邊都有成條沙甸魚, 好足料, 唔係太辣, 不過我洛嫌啲沙甸魚太乾。

辣魚三文治

$18

整體不過不失, 悠悠閒嘆個下午茶都唔錯既。