牛記咖喱美食

营业中

休息中

平时黎澳门都好钟意去十月初五街牛记食, 之前喺氹仔想揾牛记总店, 的士司机老点我哋, 求其喺官也街放底我哋话行入去就见到, 最后梗系揾唔到啦。 今次决定一定要揾到为止, 问吓人, 终于俾我哋揾到。  呢度比十月初五街间铺大好多, 坐位之间好阔, 客人亦无𠮶边咁多, 可能因为呢度唔系游客区。黎到牛记梗系要食最邪恶既蟹黄捞面啦, 呢度既蟹黄一样咁正, 不过啲面质同十月初五街既唔同, 唔够爽口弹牙, 亦比较粗 烩牛尾同𠮶边一样咁好味, 又够林又够浓味, 净系啲汁都可以用黎捞个白饭黎食。虾胶酿尖椒既虾胶好爽口弹牙, 啲尖椒都几辣, 炸得啱啱好, 唔会太干, 唔错。香煎墨鱼饼亦做得唔错, 同样系爽口弹牙。除咗系啲面质差啲之外, 其余食物都同十月初五街差不多, 不过今次无食到清汤腩, 下次再黎试吓。