真之味菜館

营业中

休息中

今次2023年2月去澳门，街头旺爆人头涌涌，四围都出现人龙排队，当然啦，疫情减退开关嘛! 虽然系最多人嘅一次，但亦都系最开心嘅一次.以前每次嚟澳门，都系自己带同女友一齐嚟玩，今次就唔同喇，有位大师兄系澳门揸埋部靓车载我地四处玩，更做埋导游㖭，而且绝对胜任! 因为佢系澳门人，地方又熟朋友又多人面广!大师兄提意去路环，佢系地胆当然听佢话啦，最后我地去咗圣方济各堂旁边哩间真之味菜馆.真之味系一间露天餐厅，对于我哩D食烟人士当然首选啦.点咗一份咖哩蟹，细种蒜蓉烧生蚝同烧沙丁鱼，当然叫个面包点咖哩啦.先讲讲烧蚝，我地点嘅系细品种，但上枱嘅烧蚝一D都唔细，比我想像中大好多，入口鲜嫩又唔腥，食两只已经足够.一向食沙丁鱼都无落柠檬汁，今次亦唔例外，唔腥肉嫩，虽然细骨不少，只要小心食就无问题.咖哩蟹系肉蟹，蟹肉丰富又鲜甜唔系D蟹壳大蟹肉少品种，咖哩汁微辣，对于我哩D怕辣人士仍可接受，点面包一流啦!面包本身已经唔差，外层超脆内层松软.该餐厅有位注场歌手，原来佢系大师兄嘅多年老朋，多年无见于是攞起结他弹起歌曲三个男人一齐大声高歌，超开心! "分分钟需要你"，"真的汉子"，当然必唱系 Beyond D名曲啦