安德魯咖啡店

营业中

休息中

安德鲁蛋挞一直系我心目中世一嘅葡挞💕每一次去澳门都必定要买嚟食，通常我都会去饼店买葡挞，而佢嘅面包,曲奇同埋蛋糕都非常出色,尤其白兰地杂果蛋糕，我都好钟意食！每次都买一大堆返香港，慢慢食🤭今次去澳门行到好攰，而且天气炎热，所以决定去佢饼店转弯嘅咖啡店，可以坐低，慢慢叹，休息一下。安德鲁蛋挞 $11蛋挞热辣辣送到，焗到金黄色，未食已经闻到浓郁嘅奶油香味。挞皮一层叠一层，非常酥脆～蛋浆表面烧到微㶶，有焦糖味道，蛋浆质地顺滑，入口即溶，充满蛋奶香，甜度适中，超级无敌正！新鲜薄荷茶 $24食咗几只蛋挞，当然要饮杯热茶解腻啦！我哋叫咗一壶热嘅薄荷茶，餐厅用上新鲜嘅薄荷叶配蜜糖，蜜糖按自己需要落。打开个盖，深深闻一闻，成个人好精神，好舒服，茶香微甘，好清新，亦都帮助消滞，非常好嘅选择。