影片
更多
2023-01-28
319 浏览
我哋去大三巴附近行下，去到关前正街见到远处有个写住“素”字嘅招牌，吸引咗我哋行去望下，意外发现一间素食街坊小店。我哋系门口望餐牌时老板娘好热情咁介绍店舖有咩食，叫我哋去入试下。呢间素店属蛋奶素，大部分菜式应该可以按顾客需要作出调整，例如走蛋。呢到可以选择食自助餐或者散叫，自助餐MOP$35，主要食中式家常小菜，亦有炒面、红米饭、中汤同糖水。而我哋就散叫餐牌上嘅食物，种类几多元化，包括有中式小菜、意粉、pizza、手抓饼、饺子、寿司饭卷等，散叫亦可任食红米饭同中汤，要自己系出面滗，当日系牛蒡红萝卜汤，好足料。不足系店舖面积细，会坐得冇咁舒服。手抓饼系列 (原味MOP$18；加猪扒MOP$10；加素肠MOP$10)原本我哋系分别加配猪扒同素肉松，点知冇素肉松，老板娘就建议帮我哋转素肠。手抓饼入面包住椰菜丝、素猪扒/ 素肠、沙律酱同茄汁，好惹味。薄饼皮类似酥皮，食完成件都几饱。纯手工东北蒸饺子 (MOP$35)饺子嘅馅料有娃娃菜、素火腿、甘笋等，饺子醋本身有少少辣。姜蓉炒杂菜 (MOP$38)感觉有D似罗汉斋，材料有娃娃菜、蕃茄、西兰花、云耳同本菇。素肉碎意大利粉 (MOP$68)卖相似茶餐
呢间素店属蛋奶素，大部分菜式应该可以按顾客需要作出调整，例如走蛋。呢到可以选择食自助餐或者散叫，自助餐MOP$35，主要食中式家常小菜，亦有炒面、红米饭、中汤同糖水。而我哋就散叫餐牌上嘅食物，种类几多元化，包括有中式小菜、意粉、pizza、手抓饼、饺子、寿司饭卷等，散叫亦可任食红米饭同中汤，要自己系出面滗，当日系牛蒡红萝卜汤，好足料。不足系店舖面积细，会坐得冇咁舒服。
手抓饼系列 (原味MOP$18；加猪扒MOP$10；加素肠MOP$10)
原本我哋系分别加配猪扒同素肉松，点知冇素肉松，老板娘就建议帮我哋转素肠。手抓饼入面包住椰菜丝、素猪扒/ 素肠、沙律酱同茄汁，好惹味。薄饼皮类似酥皮，食完成件都几饱。
纯手工东北蒸饺子 (MOP$35)
饺子嘅馅料有娃娃菜、素火腿、甘笋等，饺子醋本身有少少辣。
姜蓉炒杂菜 (MOP$38)
感觉有D似罗汉斋，材料有娃娃菜、蕃茄、西兰花、云耳同本菇。
素肉碎意大利粉 (MOP$68)
卖相似茶餐厅食到嘅鲜茄蛋意粉，素肉碎、杂豆等食材制成嘅茄酱铺系意粉上，捞匀黎食，味道酸酸甜甜，意粉弹牙。
张贴
