影片
更多
2012-10-24
1773 浏览
住路氹城揾食真喺好方便，今次仲要喺住银河添，一出酒店渡假村门口，过条马路对面就已经喺氹仔旧城区。葡国美食天地位处生央街，走入旧城区左穿右插，就算无地图兜吓兜吓都揾到。晏昼攞房安顿好，就先参观下银河，尤其佢个天浪淘园，好大好正，跟住闲游一下龙环葡韵，早少少去葡国美食天地开餐，因为今日喺星期日，虽然都已经订咗位，但都怕有咩万一。之前几次嚟澳门玩都喺得我俩公婆，我哋梗会食番一餐葡国菜，可惜两个人试唔到几多。今次唔同喇，揾埋个表姪女跟埋一齐，虽然佢哋两个都喺唔大食，但3个人点都可以叫多少少嘢嘅。餐厅唔喺好大，青白细格地砖，红白格仔枱布，古雅吊扇，一两枱十多人嘅家庭客，一室洋溢欢笑声，甚有在家食饭嘅感觉。店家所卖都喺地道出品嘅葡国菜，之前试过近议事亭前地嘅Restaurante ESCADA、黑沙海滩嘅法兰度餐厅，两店都带嚟美味经历，今回晌度又会点呢？Sangria MOP68葡国美食天地嘅Sangria只有将几片橙片放入红酒内，加冰便成，红酒内带少许幽幽橙香。不过，比起ESCADA嘅Sangria，无冰而加有连皮带肉嘅苹果香橙，我较钟意后者多啲，因为味道多带一份清甜。巨型硬猪面包篮虽然独沽一味
晏昼攞房安顿好，就先参观下银河，尤其佢个天浪淘园，好大好正，跟住闲游一下龙环葡韵，早少少去葡国美食天地开餐，因为今日喺星期日，虽然都已经订咗位，但都怕有咩万一。之前几次嚟澳门玩都喺得我俩公婆，我哋梗会食番一餐葡国菜，可惜两个人试唔到几多。今次唔同喇，揾埋个表姪女跟埋一齐，虽然佢哋两个都喺唔大食，但3个人点都可以叫多少少嘢嘅。
餐厅唔喺好大，青白细格地砖，红白格仔枱布，古雅吊扇，一两枱十多人嘅家庭客，一室洋溢欢笑声，甚有在家食饭嘅感觉。店家所卖都喺地道出品嘅葡国菜，之前试过近议事亭前地嘅Restaurante ESCADA、黑沙海滩嘅法兰度餐厅，两店都带嚟美味经历，今回晌度又会点呢？
Sangria MOP68葡国美食天地嘅Sangria只有将几片橙片放入红酒内，加冰便成，红酒内带少许幽幽橙香。不过，比起ESCADA嘅Sangria，无冰而加有连皮带肉嘅苹果香橙，我较钟意后者多啲，因为味道多带一份清甜。
巨型硬猪面包篮虽然独沽一味，只得硬猪，但就相当巨型，仲要3个咁多。枱上早已放有橄榄油，不过小弟还是钟意涂牛油多啲。面包送嚟时喺暖和和，外层确实相当松脆，咬落「咯咯声」，而包心绵密，质感松软，连外皮一齐食时又多份烟韧。
马介休球 MOP38葡菜名物之一，而小弟今次先喺第一次食。一客3粒啱啱好一人一粒，个子唔喺好大，大概一只普通鸡蛋嘅大细。炸得外型几金黄，一切开热气腾腾，面包糠外皮甘香脆口唔油腻，而中间嘅薯蓉搓成半烂，食落更有口感，点点马介休同芫茜碎，令味道带点咸香。如果钟意食辣就更好，因为蘸点枱上自家制嘅辣油，惹味中多份刺激。
葡萄牙香肠 MOP50事前唔喺好认识葡萄牙嘅香肠，更加未食过，好奇之下叫咗一客嚟试试。一见「香肠」二字，已经对号入座，定性为类似德国香肠、鸡肉肠之物，嚟到发现可以话喺一场小误会。「香肠」食落近似我哋嘅腊肠，口感较实净有嚼劲，但肥肉甚少，有朕烟熏味，不过，斋食真喺有啲过咸，所以小弟就用硬猪嚟夹一夹。伴菜仲有啲青橄榄、黑橄榄同酸腌菜，但整体都唔喺太啱自己口味！
烧𫚭鱼 MOP110份烧𫚭鱼卖相好简单原味，就咁伴一片柠檬、两旧烚薯就喺喇，不过条𫚭鱼烧得好香，外皮略带焦脆，鱼肉烧得啱啱好，既鲜甜又有弹性，唧啲柠汁味道就更鲜活，百松啲蚊真喺食得过。
西班牙海鲜饭 MOP135两款唔同嘅海鲜饭，我哋拣要西班牙式𠮶款，以原镬煮好即时奉上，份量方面真喺唔好睇少，一客够3-5人食。材料无偷鸡，有大虾（原只连壳）、虾仁、鱿鱼、青口、蚬（原只连壳），款款海鲜都用料不颇，大虾味鲜爽弹、鱿鱼软腍好食、蚬肉饱满无沙……；饭粒煮得少少湿润，唔会干争争，带点海鲜味，大家都赞个海鲜饭好得，值得推介。
因为无话比第二轮需要交枱，所以叹得轻轻松松，食吓饮吓，饮吓又倾吓，好愉快嘅一餐！叹够返酒店，焗吓桑拿、蒸汽室，爽晒啦。张贴
