譚家魚翅 (已結業)

星期日晚一行4人谂住去揾好野食,行到福隆新街见到有个亚姐周围向人推介紧唔知乜野,好奇心之下走去睇下,见个位亚姐著住"谭家鱼翅"既制服系处介绍间食店,一睇见系食鱼翅,心谂会唔会好贵,不过个位亚姐即刻俾张餐牌我地睇,依~~价钱可以接受㖞,不过又谂会唔会将货就价又或者好难食,个位亚姐见到我地个表情有疑惑,于是就解释话呢间店系做"海味批发"所以d鱼翅价格平之余品质都有保证,于是抱住一试既心态走去睇下,一入门口就只见到好多海味,跟住再落一条好短既楼梯,见到一处好光猛而唔系太多枱既饭店,大约有6-7张左右,但一d都唔会逼,跟住待应奉上一壶茶倒俾我地,招呼几好,跟住俾个餐牌我地点菜仲极力推介价值$38既"鱼翅捞饭"...哗~~$38既"鱼翅捞饭"真唔真呀,咁落力既推介咪试2个啦,另外个店长"谭先生"介绍我地试"冰山盐炖鸡"系冻食既,另外叫左一个"云腿津白"..第一碟上既系"冰山盐炖鸡",我觉得味道好过普通"盐焗鸡,因为系冷盘天气热食就正...再隔左一阵二锅滚热辣既"鱼翅"就放左枱上,一睇...依,真系有翅嫁,虽然唔多但$38呢个价钱去食,可以算系超值,跟住当然系奉上白饭啦,我自己觉得同白饭分开食唔好