蟹皇撈

营业中

休息中

澳门本地人带路去嘅呢间蟹皇捞真系好好味位置唔算游客区 但食完去三盏灯食猪脚姜都近当日所见全部都系本地人 得我一个游客真心推介 如果钟意食蟹粉野一定唔可以错过！去澳门食卜卜蚬煲已经成为指定动作但蟹粉版就真系未试过 上枱后淋上蟹粉焗一阵只只蚬都涨卜卜好鲜甜 加埋蟹粉真系鲜上加鲜极品蟹皇捞饭系招牌菜 我地叫左套餐仲跟埋小食同炖汤 先讲炖汤真系好足料几大件排骨同原粒独子黑蒜炖一盅汤 可想而知几鲜甜 听讲黑蒜仲对健康好好㗎蟹皇捞饭系成大碗蟹膏蟹粉淋上饭 好香好鲜味食晒成碗饭都仲有蟹膏净 份量够捞两碗饭再试埋蟹黄夹馍 用夹馍夹住蟹黄食都系咁正夹馍口感烟韧有咬口 但要小心食到成手蟹油招牌咖喱牛杂煲另一样澳门嘅代表美食就系牛杂喇我地拣左咖哩味 香得嚟唔辣嘅 怕辣朋友都食得煮得好入味 牛肚好厚有嚼劲 牛筋炆得够软腍