影片
更多
2012-10-25
4173 浏览
寻晚晌氹仔嘅「葡国美食天地」食咗餐好嘅，原本打算今日午餐食自助餐，不过表姪女话再想食葡国菜，又想落路环行吓，就决定落路环食葡菜。退好晒房，过咗去金沙城中心逛一阵之后，坐巴士落路环市区，话咁快就到，犹豫紧雅憩好抑或去里斯本地带好，两者好评差唔多，最后拣里斯本地带，因为佢嘅小屋环境布置确实占多好多印象分。路环市区比氹仔仲要细，所以以为水鸭街8号好易揾，点知就喺太细好易走过笼，问问人，行番转头入条巷仔就见到，𪠳！原来就晌安德鲁饼店（老店）隔离条巷仔就喺喇。门口无乜太多特别，但入到去就好唔同。楼高两层，地下层连厨房，面积较细，不过已坐咗几枱客，睇外貌及讲嘢音调似喺葡国人士；而我哋3个人被引领上二楼，木瓦天花，白墙白枱布，墙上一排餐酒，加上楼底高，环境简约得嚟不失雅致，而且枱凳拍得唔逼，成个二楼又得我哋一枱客，顿感更舒适宁静，甚有在家食饭嘅感觉。面包篮．橄榄小吃未点菜，葡藉侍感就送嚟面包篮同橄榄小吃。两大个自家制嘅餐包，已窝心哋切开一片片，方便食用，面包微暖，虽然有橄榄油提供，我都喺钟意涂上牛油，油香松软好食。橄榄有青、黑两款，比一般食到嘅无咁咸，一口面包，一口橄榄，已经喺一个唔错嘅餐前小食。今
退好晒房，过咗去金沙城中心逛一阵之后，坐巴士落路环市区，话咁快就到，犹豫紧雅憩好抑或去里斯本地带好，两者好评差唔多，最后拣里斯本地带，因为佢嘅小屋环境布置确实占多好多印象分。路环市区比氹仔仲要细，所以以为水鸭街8号好易揾，点知就喺太细好易走过笼，问问人，行番转头入条巷仔就见到，𪠳！原来就晌安德鲁饼店（老店）隔离条巷仔就喺喇。
门口无乜太多特别，但入到去就好唔同。楼高两层，地下层连厨房，面积较细，不过已坐咗几枱客，睇外貌及讲嘢音调似喺葡国人士；而我哋3个人被引领上二楼，木瓦天花，白墙白枱布，墙上一排餐酒，加上楼底高，环境简约得嚟不失雅致，而且枱凳拍得唔逼，成个二楼又得我哋一枱客，顿感更舒适宁静，甚有在家食饭嘅感觉。
面包篮．橄榄小吃未点菜，葡藉侍感就送嚟面包篮同橄榄小吃。两大个自家制嘅餐包，已窝心哋切开一片片，方便食用，面包微暖，虽然有橄榄油提供，我都喺钟意涂上牛油，油香松软好食。橄榄有青、黑两款，比一般食到嘅无咁咸，一口面包，一口橄榄，已经喺一个唔错嘅餐前小食。
今餐就无点Sangria，一来寻晚饮咗，让表姪女都试到；二来仲有半日行程，点支1.5L矿泉水可以喇，承惠MOP29。嚟过澳门食葡菜嘅人都知，依度啲餐厅唔包费免开水。晌度顺带讲讲服务，虽然成樽矿泉水放晌枱上，但侍应哥仔一样招呼周到，佢企晌远处近楼梯位，久唔久过嚟帮忙斟水，但又唔会企实眼定定望住你，令你好唔自在咁。
八爪鱼沙律 MOP105细细碟，但非常好食，大家一致都赞。与其叫沙律，不如叫凉拌海鲜或者海鲜小碟，因为佢个制作跟起源于南美嘅Ceviche挺相似，之前晌中环Tango同湾仔LeChef接触过。八爪鱼切成小件，伴有洋葱粒、香草、油醋捞匀而成，既开胃味道又恰如其分。其实内里八爪鱼肉几多，味鲜而柔软，后尾佐以面包做成小片八爪鱼多士，仲正呀！
非洲鸡件焗薯仔、青菜沙律 MOP129非洲鸡喺一道出名葡菜，一直想试，不过又实在太多葡菜想试，卒之，机会就在今天。以陶盘盛载嘅非洲鸡，送嚟香喷喷，充满椰香，鸡只外皮焗得金黄，卖相极佳，色香俱全，味道又如何？鸡肉都几嫩口，渗有蒜香同椰子味，再者一客一只鸡嘅份量，足4-5人食有余。精彩之处仲未完，伴菜有焗薯仔同青菜沙律，前者一流，薯仔刨成薄片，一层叠一层加忌廉同芝士嚟焗，上碟时亦刻意切成长形，工整好睇，而薯味浓，又香软，忌廉配芝士多朕柔滑感，实在好食，跟下面烧沙甸啲烚薯就差好远；而后者喺一啲沙律菜、青瓜片、甘笋、蕃茄、洋葱，作为平衡一下非洲鸡嘅浓腻。
烧沙甸 MOP120老婆拣嘢食，一喺汤，一喺鱼，依两样就喺佢首选。寻晚食完烧𫚭鱼，今日又要一份烧沙甸，年初晌黑沙海滩嘅法兰度已食过一次烧沙甸。讲抵食，就一定法兰度抵晒，一客4条兼且大大条，仲要卖MOP98。相反，里斯本嘅沙甸较细条，肉地相对薄，但烧得都仲喺香口，伴菜有酸菜同烚薯，烚薯伴鱼，可能喺葡菜特色，次次食亲烧鱼都喺伴烚薯。有得拣，小弟都喺钟意啲焗薯啰！
又一餐食得好，食得开心。里斯本唔收加一，悭番几十蚊，可以当免费晌安德鲁饼店食件葡挞，加件蛋糕。张贴
