彭慶記

营业中

休息中

传说中米芝莲一星顺德菜-彭庆记，但可能因为封关厨师来唔到？米芝莲的收费，师傅仔的味道，材料没几多，就系食装修。首先佢上菜超慢，得三四台客，但等半个钟先上第一个𩠌，鸡翼包饭，味道几好，好食过拱北地下商场。条鱼同师傅仔差唔多味道，有镬气，炆得不错，呢个比较推荐。蒜香骨令我想起平时中午在师傅仔果碟三十几蚊椒盐骨碟头饭，味道份量都一样，但同顺轩果个仲差得远。炒饭接近金悦轩的水准，几好。但个安格斯牛柳超多黑椒又辣又咸，超差，个厨师应该同我学下点样炒𩠌。除了条鱼，其他菜的份量只比个茶杯多少少，材料成本大概占收费的2成都无，系极之少（我哋4人去食，全部已点大份，我很难想像细份可以点少法？）总体而言，上菜慢、价钱唔平但份量极少、味道未达酒店餐厅水准，装修就很好，但如果咁样都叫米芝莲一星，咁澳门通街都系星，师傅仔装修下可以有两星，顺轩同李家宴有三星。彭庆记可能系我今年食过最唔抵食又无乜过人之处的中餐，折后找数都成千蚊但唔知食咗d乜，其他3个人都细食，但都只食7,8分饱，绝对无下次。