甜香園麥師傅甜品

营业中

休息中

踏上征途嘅尾声，众人都已经有点疲惫，可能系由于天气闷热嘅缘故。拐咗一弯又一弯，响一条横巷处见一处格外灯火通明嘅地方，最后一个目的地已经在眼前。根据朋友经验所得，呢度嘅糊状甜品做得几出色。由于我要遵从中医嘅吩咐，唔可以食生冷食物，所以我乖乖咁叫咗碗合桃露。老实咁讲，我并唔能够分辨边啲系新鲜磨嘅、边啲系用粉开嘅合桃露，所以我只可以尽量用我嘅笔触去描述事实嘅全部，至于点样判断，就要靠各位好食之士自行判断喇。口感系滑嘅，亦有合桃嘅香味，但直觉话俾我知(纯粹直觉)，呢个合桃露系用粉嚟开嘅机会比新鲜磨嘅机会大。甜品嘅种类基本上都几齐，我谂有超过80%响香港揾到嘅甜品都可以响呢度食得到。价钱亦比香港相宜，我嗌嘅合桃露只系十二蚊。如果系我设计路线嘅话，我会响冇几远嘅「珠记」食碗鱼角饺面，再嚟呢度食埋个甜品就比较妥当。