【中秋團圓飯推介】香港科學園5大必去中式餐廳+賞月景點嘆精美點心/片皮鴨/海鮮料理

中秋節同屋企人食團圓飯，再安排賞月地點？推介大家去位於沙田嘅香港科學園，園區內有多間中式餐廳，由新派中菜、精緻點心到傳統粵菜都有得畀你揀。園區更設有逾2,000個車位加電動車充電站，方便自駕人仕。若拎埋燈籠去同「金蛋」等標誌性景點打卡、欣賞音樂噴泉或喺月色下漫遊吐露港海邊都充滿節日氣氛。即睇5間中式餐廳有咩精選推介～

池畔嘆新派打卡中菜農

餐廳位於音樂噴泉旁邊，設有室內外座位，裝修雅致得嚟帶點懷舊風，氣氛寫意。食物方面以精緻打卡造型為主，其中3道料理會喺客人面前點火𠻹，包括烈焰菠蘿炒飯、火雲叉燒同鹽燒馬友。另外造型獨特嘅點心都值得一試，例如遼參造型嘅鮑汁遼參餃、以芝士做餡料嘅拉絲啤梨等款式。

創意造型食品選擇多

烈焰菠蘿炒飯味道清香

火雲叉燒、鹽燒馬友鹹香惹味

餐廳位於音樂噴泉旁邊，可欣賞音樂噴泉

農
地址：沙田白石角香港科學園第二期科技大道西10號浚湖樓地下S041A號舖

海景餐廳嘆足料京滬菜 八方棧

單車徑旁邊新開嘅海景餐廳，採用落地玻璃窗設計，可以一邊用餐一邊欣賞吐露港海景，chill chill地做節。主打嘅京滬菜分量足，好似水煮安格斯牛肉配上薯粉、豆芽、萵筍等配料；菠蘿鮮果咕嚕肉則加入火龍果，味道較清甜。另外為中秋節而設嘅兩款宴席套餐，有「花好月園宴」、「明月天倫宴」，分別供應乳豬、海皇翅、大沙巴斑、蠔皇扣鮑魚等鮮味菜式。

於海景餐廳品嚐京滬菜

水煮安格斯牛肉香辛味突出

菠蘿鮮果咕嚕肉外脆內嫩

單車徑旁邊新開嘅海景餐廳，最適合欣賞吐露港海景

八方棧
地址：沙田白石角香港科學園科技大道東16E號海濱大樓二座地下S087號舖

現代手法烹調傳統中菜 薈聚軒

中秋節想預訂宴席嘅朋友，亦可以考慮呢間裝修富麗堂皇嘅高質海鮮酒家，皆因菜式足料大份，更以現代手法烹調傳統中菜，男女老少都啱食。選用多款海鮮入饌嘅中秋慶團圓套餐，其中翡翠百合小雲耳桂花珊瑚加入大量爽口嘅珊瑚蚌同帶子；而豉油皇煎焗龍蝦球則大件厚肉，配埋蟹肉燕窩、高湯生灼原條東星斑等菜式，豐富得嚟亦大方得體。

中秋慶團圓套餐

翡翠百合小雲耳桂花珊瑚、豉油皇煎焗龍蝦球鮮味足料

預訂半席或一席中秋慶團圓套餐，均供應2斤東星斑

薈聚軒
地址：沙田白石角香港科學園科技大道西17號19W大樓1樓106-107號舖

中秋限定點心+宴席囍慶

中午去酒家嘅話，當然要食點心啦～酒家特別推出中秋節限定嘅賽螃蟹鳳眼餃、千絲鳳凰巢，兩款均以蝦肉做餡料，口感豐富；而Q版香蕉造型嘅香蕉煎卷、圓潤飽滿嘅黑金流沙包味道甜絲絲，好啱一家人開心share。另外亦設有「迎月宴」，包括多款海鮮料理，如杞子鮮鮑浸時蔬、碧綠蚌片炒帶子；若訂全席會有乳豬全體𠻹，長輩一定鍾意！

午市點心精選