世界各地嘅奇珍料理都匯聚喺香港呢個美食之城內，呢度曾經日夜都係燈火璀璨，無論幾夜都總能夠喺街度搵到嘢食。可惜呢幾年受疫情影響，加上多項防疫措施令到呢個美食之城，變成冰封之城。要將冰封之城再次燃亮，除咗靠業界努力外，最重要都係靠大家嘅支持，集合力量燃起「美食之火」！6月29日，一人一票，完成任務，喚醒美食之城！投票支持心水熱店後，更有機會贏取獎品總值超過30萬！
美食之城內，港島區嘅小店同高級餐廳都各顯大法，炮製充滿特色嘅料理畀大家。今次入圍地區組別（中西區、銅鑼灣同灣仔）嘅餐廳，有茶飲店、麵店、法國菜等類型，價錢豐儉由人，切合唔同人嘅需要。即刻睇下佢哋嘅介紹：
親民價日式餐廳 築地日本料理 
圖：唔少人都鍾意食日本菜，銅鑼灣呢間親民價嘅樓上日式餐廳，設有海鮮缸供應新鮮海鮮，食物種類繁多，有壽司、刺身、鍋物、甜品等選擇，啱晒有選擇困難嘅朋友。其中黑蒜油豬軟骨拉麵、芝士雞卷、牛肉野菜壽喜燒都好惹味；另外更推出全素壽司套餐，配合素食客人需要。
獨特性 😍😍😍
CP值 👍🏻👍🏻👍🏻👍🏻👍🏻
新鮮製作手工麵 露面手工拌麵料理
圖：呢間拌麵、湯麵專門店喺灣仔頗受歡迎，皆因主打嘅手工麵係每日製作，新鮮彈牙，而且重有來自陝西嘅Biang Biang麵，同通常日式餐廳先有嘅白布湯闊麵可以揀。其中蟹皇拌麵有大量蟹肉同蟹黃，鮮味突出；另外亦供稱台式同四川口味嘅麵食，而手工水餃同雲吞都好足料。
獨特性 😍😍😍😍
CP值 👍🏻👍🏻👍🏻👍🏻
IG-able台式茶飲 蜜滋麻美
圖：作為中西區唯一一間入選嘅茶飲店，必定有佢嘅突出之處。呢個台灣珍珠奶茶品牌，喺台中有百年歷史，招牌黑糖珍珠鮮奶面頭鋪滿嘅花生粉同芝麻粉，係自家蒸煮再研磨而成，分量十足，好啱打卡。另外重有奶茶系列、豆漿系列等飲品，以及手工仙草甜品。
獨特性 😍😍😍😍😍
CP值 👍🏻👍🏻👍🏻
泰式串燒立食店 Grill ขุนทอง
圖：無論咩口味嘅串燒，燒起嚟都必定香噴噴，而中環呢間泰式串燒立食店都唔例外。十幾款串燒有齊肉類、海鮮同蔬菜，而且全部用火爐即叫即燒；配搭嘅醬汁有幾款，以泰式紅雞醬同芫荽酸辣醬較為特別。想飽肚啲可以點埋沙律同泰式飯類，其中串燒配炒飯或去骨海南雞飯，試過日賣800碟。
獨特性 😍😍😍😍
CP值 👍🏻👍🏻👍🏻
小酒館嘆傳統法國菜 Cuisine Culture 
圖：Susansyleung、vanessafoodiary
一講到法國菜，好易聯想貴價餐廳，但中環呢間主打傳統法國菜嘅餐館，定價同一般西餐唔差太遠，裝潢重帶點家嘅溫馨感覺。其中坊間少有嘅焗法式地道古也芝士洋蔥湯，洋蔥香氣濃郁，再配濃而不膩嘅芝士；另外亦有法式牛肉他他、法式地道鴨腿配鴨油煎薯仔等風味菜式。
獨特性 😍😍😍😍
CP值 👍🏻👍🏻👍🏻
另外重有多間餐廳入圍，包括La Casa Burger & Pasta、Lex Coffee、臺北棧、Green Orange、Acquasala等，揀啱就快啲去投票啦，投票有機會獲得豐富獎品，要知道，你哋每個人嗰票都好重要，係喚醒美食之城嘅重要力量！是次投票分為兩個階段進行，共四個投選組別。每完成一組投票/回答問題(簡稱「任務」)皆可取得火炬，累積滿4枝火炬或以上即有機會可獲$100 OpenRice現金券獎賞！完成所有任務並累積滿6枝火炬，更有機會贏取豐富獎品！
想支持心水餐廳，記得注意返投票日期：
菜式組別： 2022年 6月15日 - 6月28日
地區組別： 2022年 6月29日 - 7月12日
外賣自取及訂座組別：2022年 6月15日 - 7月12日