仲有幾日就到普天同慶嘅聖誕節喇，仲未有時間準備或者採購食物又或者唔知食乜好，OpenRice外賣自取服務幫到大家～今期多間餐廳都有推出節日派對套餐，包括韓國菜、日本菜及薄餅專門店，仲有唔少都有折扣，最平低至79折。另外輸入埋全新聖誕及除夕優惠碼，於指定餐廳消費滿$200，輸入優惠碼「XMAS」，可享全單8折 (最高折扣為$60)！不過要提提大家，如果想訂派對套餐，要揀餐廳名隔離有標明「派對套餐預訂」嘅餐廳先得，同埋記得要至少早一日預訂呀；如果趕唔切，即日購買普通菜單上嘅食物都無問題～

另外仲有食勻18區優惠，用OpenRice外賣自取於指定餐廳消費滿$45，輸入優惠碼「EAT15」@，即減$15！仲有Mastercard 「星期三及星期五驚喜優惠」^，消費滿$80即減$20，抵上加抵！  

Hungry Korean(尖沙咀、九龍灣、銅鑼灣) 派對套餐85折

聖誕節唔一定要食火雞嘅～呢間韓式餐廳雖然以快餐店模式營業，但食物一啲都唔馬虎呀，有誠意又抵食，適合想經濟啲過節嘅朋友。好似呢個特別為聖誕推出嘅韓式雜錦拼盤折後只需$220，夠2-4人食，包括自選兩款鐵板燒，如辣雞肉、韓式牛肉、甜雞肉、韓式辣醬豬腩肉及泡菜豬肉豆腐等，另外仲有4隻雞翼、原味辣年糕、韓式粉絲、韓式餃子及白飯，又幾多款式喎。

飯丸屋(全線分店) 指定食品低至86折

主打沖繩特色飯團嘅店舖，即係將紫菜包裹住米飯以及餡料再摺疊成方型，有啲類似韓國嘅紫菜包飯，一啖咬落去真係好滿足！今個聖誕餐廳推出大滿足聖誕套餐及小確幸聖誕套餐，兩款都有供應5、10及15人份量。想食豐富啲，大滿足套餐就啱晒，包含飯團及多款小食，飯團推介炸蝦天婦羅及灸燒明太子，前者炸蝦口感鬆脆又彈牙；後者就香濃惹味，另外仲有蛋黃醬日式炸雞及地瓜紫薯麻薯波波等一共4款小食！

瀧神日本料理(觀塘) 聖誕2人套餐79折

熟食市場內嘅親民日式料理店。主打丼飯、灸燒壽司等，今個聖誕推出嘅派對套餐低至79折！套餐包括12款食物，好多元化，包括生蠔、牛肉他他、池魚刺身、厚切三文魚刺身、油甘魚壽司及海膽壽司等，款款都好新鮮。另外仲有忌廉蟹薯餅、免治雞肉丸4粒及日式豚肉炒麵，啱晒鍾意食日本菜嘅朋友。

韓閣(將軍澳) 派對套餐85折

聖誕喺屋企韓燒都幾有氣氛㗎。呢間人氣韓國菜專門店嘅聖誕派對2、4或6人套餐都有85折優惠。最推介頂級1++韓牛，牛肉味特別出，啱晒牛魔王。燒蟹膏軟殼蟹手卷都有驚喜，香脆嘅軟殼蟹配上蟹膏，蟹味好濃郁。另外仲有韓式雜錦小食拼盤等，包括15cm原條魷魚皇、爆蒜牛油焗青口及忌廉蘑菇釀雞翼，款款都好有特色。

The Point - Pizza & Pasta & The Point Kitchen(全線分店) 精選推介

連鎖西餐專門店，供應Pizza、意粉、Risotto及甜品等。分別供應6-8人及12-16人派對套餐，無論你係小型聚會定多人Party都無問題。套餐包括沙律、小食、意粉、薄餅及甜品等，特別推薦紅酒燴和牛勒肉配蜆殼粉及原隻焗釀龍蝦披薩，前者好惹味而且牛肉肉質好軟腍，而後者龍蝦新鮮又厚肉，一入口都食到唔少龍蝦肉，仲幾鮮甜～

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！           

仲等？按此立即落單

#聖誕及除夕優惠：https://bit.ly/3EjUAXM
@食勻18區優惠： https://bit.ly/3s6VSks
^Mastercard 「星期三及星期五驚喜優惠」：https://bit.ly/3GShHuS