又到糧尾要勒緊褲頭？OpenRice外賣自取幫到你！多間餐廳有低至半價嘅優惠之外，即日起至5月31號，用OpenRice外賣自取於指定餐廳消費滿$50，輸入優惠碼「MAY10」即減$10^！新用戶首次使用OpenRice外賣自取，消費滿$40輸入優惠碼「NEW20」都有得減$20*！

OpenRice亦繼續陪大家抗疫，外賣自取消費消費滿$80，下晝3點前落單輸入優惠碼「TA20L」或3點後落單輸入優惠碼「TA20D」可以減$20#！今次就幫大家推介5間抵食餐廳，用OpenRice外賣自取折扣低至半價！記得用埋優惠碼慳更多～

►更多低至半價餐廳：http://bit.ly/3jUsTMC

Cali-Mex Taqueria（灣仔）　指定食品半價

夏天好啱食墨西哥菜，皆因當中會用辣椒、番茄等食材增加味道層次兼開胃。呢間餐廳主打帶美國加州風味嘅摩登墨西哥菜，而家用OpenRice外賣自取Quesadillas同Tacos都有半價優惠！兩款都係用粟米餅皮配搭唔同配料，口味包括烤雞、菲力牛扒等，素食朋友就可以揀菠菜或者Impossible Beef啦。

韓家韓國料理　指定食品六折

韓國菜除咗炸雞、醬油蟹之外，其實仲有好多唔同選擇，呢間餐廳睇名應該都估到係供應家常韓國料理，好似煎餅、泡菜湯、炸醬麵、水冷麵等。標榜多菜少肉唔油膩，等大家食得健康啲。優惠期間韓式烤肉飯（雞）同泡菜煎餅都係六折！泡菜煎餅係唔少食家嘅推介，口感香脆、味道酸酸辣辣好惹味。

泰正　指定食品七折

鍾意食泰國菜嘅話就唔好錯過呢間餐廳，定價合理之餘又有水準，馳名泰式海南雞飯皮香肉滑，點埋泰式辣醬配油飯真係無得輸。秘制去骨豬手飯就勝在食落啖啖肉，豬手又夠軟腍入味。而泰式青咖喱焗飯就可以揀配豬扒、魚柳或者什菜，香辣惹味。而家用OpenRice外賣自取，三款飯連埋配菜同飲品都有七折！

沙嗲王　指定食品七折

呢間連鎖多國菜餐廳相信唔少人都食過，食物選擇多而且大眾化，總有一款啱心水。最多人推介白咖喱系列，因為白咖喱汁微辣又有椰香，撈飯食一流。今次七折優惠指定食譜就包括白咖喱嬌嫩巨髀飯、黃咖喱嬌嫩巨髀飯、蟹粉豆腐鍋飯，同滑lulu蛋蒲燒鰻魚飯！

麵全食　全單八折

餐廳主打中式粉麵，而湯麵正正就係唔少人嘅Comfort Food。佢哋嘅麵全食系列就係配搭好唔同配料同麵底，想食個平靚正快餐就啱喇。而自由揀系列就好似港式車仔麵咁可以自己揀唔同數量嘅配料，加自選麵底、湯底。怕唔夠飽仲有多款小食，好似酸辣生菜包、麻醬雞絲粉皮、養顏鮑汁炆花膠等可以加點呀。

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！

仲等？按此立即落單

^糧尾優惠條款及細則：https://bit.ly/3omUKXV  
*迎新優惠條款及細則：https://bit.ly/3fs0rPo
#午/晚市優惠條款及細則：https://bit.ly/33dOw4m

※外賣自取餐廳名單：https://s.openrice.com/QrbV00G0000takeAway
※圖片只供參考