【外賣自取】食盡越南特色菜！6間越南菜館推介

清爽又加入多款香料嘅越南菜係唔少人嘅最愛之一，無論係香港人最熟悉嘅牛肉河粉、配料豐富嘅越式法包、配搭多變嘅米紙卷等等，用OpenRice外賣自取都輕易搵到！喺apps輕鬆落單，唔單止免卻排隊時間，仲減少不必要嘅接觸，食得更安心呀。

越南過江龍正宗風味安南

品牌嚟自越南西貢，主打正宗越式美饌。推介包括安南牛肉湯河粉，選用美國肉眼配搭本地牛腩，湯底用牛骨及多款蔬菜熬製，牛香濃郁。安南蜜汁燒雞係當地北部傳統菜式，去骨雞肉用魚露、豉油等腌過再加蜜糖烤焗，香氣誘人。仲有二人餐同四人餐，啱晒有選擇恐懼嘅朋友。

OpenRice外賣自取優惠：全單8折

特色牛小排湯河粉品越越式料理

呢間越南餐廳就集合北越同南越嘅特色菜，最受歡迎嘅係河內生牛肉湯河粉，如果想食豪啲，可以一試極品牛小排湯河粉，顧名思義用咗有明顯大理石油花嘅牛小排，令生牛肉食落更柔嫩甘香！食家推介嘅仲有香芒軟殼蟹米紙卷，金黃酥脆嘅炸軟殼蟹配酸甜多汁嘅芒果可以中和油膩感又開胃。

OpenRice外賣自取優惠：全單85折

親民價新派越菜 Le Viet

呢間餐廳選擇就更多元化，既有傳統、亦有糅合西式元素嘅選擇。推介之一係越式咖喱牛腩，越式咖喱比泰式咖喱少一份椰奶香，多一份辣勁同清爽，加埋啖啖肉嘅牛腩同牛筋真係幾爽！唔食牛嘅朋友仲可以揀越式咖喱軟殼蟹。另外原隻大蝦菠蘿焗飯、香茅燒豬頸肉撈檬、鮮蝦米紙卷都係招牌菜。

任你揀越式湯河越萊

餐廳請嚟有超過10年經驗嘅越南菜大廚主理，價錢公道之餘仲好有創意咁將車仔麵概念套落越式湯粉當中：越萊越式湯河可以自選湯底、湯粉同配料！湯底除咗招牌牛骨湯，仲有蕃茄濃湯同清雞湯。而越式凍撈檬同樣可以自選配料，自由度高。推介配埋佢哋嘅蒜香牛油雞翼，皮脆肉嫩又富蒜蓉香。

每日新鮮烘焙越式法包 Bánh Mì Kitchen

提到越南菜點少得Banh Mi先？呢間專門店非常用心，麵包請本地麵包店每日焗製再運到分店，叉燒、肉丸、雞肉、醃菜等配料亦係當日新鮮準備好，配埋嚟自越南嘅肝醬就係地道越南風味。仲有供應大蝦米紙卷、雞肉丸沙律等小食，同採用產自越南中部高原區咖啡豆沖調嘅正宗越南咖啡！

大大件足料越式法包 Tesa Banh Mi

石門呢間小店出品同樣值得一試，烘至脆身嘅法包當中加入越南扎肉、肝醬，新鮮芫荽、酸甜腌蘿蔔絲等等，味道豐富又唔會油膩，無論就咁買越式法包當Light Meal得，定點埋迷你撈檬食飽啲都得，得咗。順帶一提佢哋無論法包定撈檬都有出素食版，Green Monday一樣食得。

除咗上述優惠，即日起到12月31日，逢星期二同星期四用埋Mastercard®付款滿$80，仲有即減$20嘅獨家優惠#！想享用Openrice獨家優惠，就記得用Openrice apps落單嗌外賣自取啦～

仲等？按此立即落單

文：Cathy
圖：餐廳Facebook，餐廳提供

#Mastercard優惠詳情：http://bit.ly/2QzELXA
※外賣自取餐廳名單：https://s.openrice.com/QrbV00G0000takeAway~etas
※圖片只供參考