留喺屋企開飯一樣可以享受飯後甜品，用OpenRice外賣自取買定糖水同甜品就得啦！用apps落單方便又唔使等，仲有多款選擇。加上部分餐廳會有折扣優惠，慳時間又慳到錢呀～即日起至8月31號，首次落單滿$40即減$20*！另外消費滿$80， 下晝3點前落單輸入優惠碼「TA20L」或3點後落單輸入優惠碼「TA20D」，即減$20^！
►立即體驗：https://bit.ly/2ZTqNDb
特色芒果、榴槤甜品 皇室甜品
呢間甜品店喺九龍城同荃灣都有分店，招牌之一係白雪黃金卷，即係用椰汁製作嘅白雪皮包住新鮮芒果肉，再淋上芒果汁，滑溜嘅椰汁皮同又軟又甜嘅芒果係絕配！另一推介係榴槤甜品，好似榴槤忘返有泰國空運榴槤肉、雲呢拿雪糕、水晶珠、黑珍珠，仲可以加錢再加小丸子、芋丸等配料啊。
OpenRice外賣自取優惠：全單八折
旺角人氣芋圓甜品 黑布小巷
呢間小食店一如其名開喺旺角黑布街，唔少Foodie會推介佢哋嘅台式肉蛋吐司，但其實三色圓糖水都唔錯㗎。芋圓、紫薯圓同地瓜圓都係小店自家製，粒粒Q彈煙靭！而且有凍有熱有唔同口味，芋頭控必試古早味蜜芋頭撈三色圓，慢煮芋頭甜度適中食得到芋頭淡淡天然香氣。
OpenRice外賣自取優惠：指定食品八折
招牌黃金拿破崙 小方糖甜品
呢間甜品店喺九龍同新界各區有五間分店，熱賣甜品係黃金拿破倫，大大件嘅拿破倫食落酥脆輕盈，配埋芒果肉、芒果醬同忌廉，又香甜又有咬口！佢哋供應嘅甜品種類真係包羅萬有：鮮果沙冰、棉花冰、仙草凍等等，如果想養生就可以食燉品，例如椰皇蛋白蓮子燉雪燕。
必試冰鎮西瓜盅 大街小館
黃大仙同佐敦都有分店，精選甜品推介係冰鎮西瓜盅配雪糕，用迷你西瓜裝住雜果、涼粉、彩Q果、爆珠、雪糕，唔單止賣相吸引，雪糕仲可以自選口味！雜果芋圓黑糖天使麵就好有驚喜，皆因會有茶味芋圓，加上坊間比較少見嘅黑糖天使麵，口感同味道都好豐富。
九龍城驚喜糖水店 德朗甜品
九龍城真係有唔少甜品選擇，包括呢間新派糖水鋪，店長推介有招牌綜合芋圓，有豆腐花、黑糖珍珠、紫薯西米、香草雪糕配搭芋圓，芋圓大粒飽滿之餘，驚喜位係細細粒嘅紫薯西米真係食得出紫薯香味！而黑糖珍珠檸檬愛玉就勝在愛玉口感滑溜味道又清新，同煙韌嘅黑糖一齊食酸酸甜甜夠消暑。
天后小店獨創豆腐系列 甜姨姨私房甜品
05年開店至今一直都係天后人氣甜品店，最出名嘅就係佢哋嘅獨創豆腐系列，有唔同配料口味選擇，好似尋榴敢就有鮮榴槤肉、榴槤汁、涼粉、椰果、綠茶果凍、珍珠籽，榴槤肉同豆腐花口感好夾！食家另一推介估你唔到係鹹蛋黃魚蛋，因為個自家製鹹蛋醬起沙之餘又惹味，價錢略貴但值得一試。
除咗上述優惠外，即日起到12月31日，逢星期二同星期四用埋Mastercard®付款滿$80，仲有即減$20嘅獨家優惠#！想享用Openrice獨家優惠，就記得用Openrice apps落單嗌外賣自取啦～
仲等？按此立即落單
文：Cathy
圖：餐廳Facebook，會員上載
*迎新優惠條款及細則：https://bit.ly/3fs0rPo
^優惠碼條款及細則：https://bit.ly/33dOw4m
#Mastercard優惠詳情：http://bit.ly/2QzELXA
※外賣自取餐廳名單：https://s.openrice.com/QrbV00G0000takeAway~etas
※圖片只供參考
