食肆將全日禁止堂食，想開飯又無時間自己煮就要用OpenRice外賣自取幫手！講到外賣自取唔少人可能都會諗起Pizza，唔單止大型連鎖店，其實香港唔少小店嘅Pizza都好有特色。留意返即日起至7月31日，首次落單滿$40即減$20*！消費滿$100用優惠碼「TA30」即減$30#，星期一同星期五再有快閃優惠，滿$45用優惠碼「FLASH15」即減$15^！

►立即體驗：https://bit.ly/2ZTqNDb

 
24小時發酵煙韌批底  Piccolo Pizzeria & Bar

呢間餐廳喺西環同大坑都有分店，Pizza選用意大利最幼細嘅00級麵粉，經24小時自然發酵，再烤出薄而香脆煙韌嘅批底。口味亦相當多元化，由經典嘅Margherita，以古法意式煙肉為主嘅Pancetta，仲有落咗菠菜同兩款芝士嘅Popeye's Pie等等。

OpenRice外賣自取優惠：指定食品買一送一

 
Soho自家製Pizza  Uncle Pizza, Pasta & Grill

位於Soho區嘅意大利菜小館，Pizza名全部都係Uncle人名，芝士控必點Uncle Alex，用咗四款芝士：藍芝士、車打芝士、菲達芝士、水牛芝士，風味各有不同，而且啖啖芝士好滿足。佢哋嘅意粉亦有水準呀。

OpenRice外賣自取優惠：全單七折

 
觀塘抵食推介  Non Kitchen

觀塘工廈有好多平靚正餐廳，呢間扒房就以牛扒放題聞名，而除咗牛扒其實意粉同Pizza都好味。黑松露野菌薄餅適合食素嘅朋友，有黑松露同野菌香氣嘅同時，加埋黑醋醬汁平衡返所以唔會太膩。煙三文魚薄餅夠足料，每塊上面都有煙三文魚肉。

OpenRice外賣自取優惠：指定食品七折

 
和風口味選擇  意粉狂熱

以上介紹嘅大部分都係意式經典口味，呢間餐廳就走Fusion路線，好似和風嘅照燒雞蛋黃醬披薩、明太子海鮮披薩等，特別係後者用明太子配海鮮、芝士同千島醬，比一般用番茄醬嘅意式Pizza更有新鮮感。而且喺旺角、銅鑼灣、紅磡，同屯門都有分店呀。

OpenRice外賣自取優惠：指定食品八折

 
手工墨汁批底  Villa Villa

北角呢間小店嘅Pizza特別易認，因為批底用自家製墨汁薄餅底加入墨汁製作，所以焗出嚟係黑色嘅！批底尤其係邊緣位夠薄脆唔膩，最多食家推介嘅大阪燒薄餅鋪滿木魚碎，視覺效果滿分，加埋芝士、大阪燒汁同沙律醬，香口過癮。

 
必試黑松露Pizza  Home Sweet Home

太子呢間西餐廳嘅自選主菜半自助午餐都幾出名嘅，但非常時期就食住外賣自取先啦。推薦菜式之一就係黑松露野菌薄餅，用黑松露搭配8款以上新鮮菇菌。特別啲嘅就有大阪章魚燒薄餅，批底上面係章魚、粟米、木魚絲、紫菜、蟹子同照燒汁，味道真係幾似！

除咗上述優惠外，即日起到12月31日，逢星期二同星期四用埋Mastercard®付款滿$80，仲有即減$20嘅獨家優惠##！想享用Openrice獨家優惠，就記得用Openrice apps落單嗌外賣自取啦～

仲等？按此立即落單

文：Cathy
圖：餐廳Facebook，餐廳提供

*優惠條款及細則：https://bit.ly/3fs0rPo
#優惠條款及細則：https://bit.ly/2E5oGF9
^優惠條款及細則：https://bit.ly/2YwT6I6   
##Mastercard優惠詳情：http://bit.ly/2QzELXA
※外賣自取餐廳名單：https://s.openrice.com/QrbV00G0000takeAway~etas  
※圖片只供參考