以前大家成日講笑話去日本仲密過返鄉下，而家雖然因為疫情無得飛，但仲可以食日本菜滿足口福！用OpenRice外賣自取有多間日本過江龍餐廳選擇，部分仲有低至半價嘅優惠，無理由錯過嘅係咪？即日起至8月31日首次落單滿$40即減$20*！另外消費滿$80， 下晝3點前落單輸入優惠碼「TA20L」或3點後落單輸入優惠碼「TA20D」，即減$20^！

►立即體驗：https://bit.ly/2ZTqNDb

 
澀谷人氣鹽味拉麵  俺流塩らーめん

呢間拉麵店源自東京澀谷，主打北海道函館風嘅鹽味拉麵，湯底用多款食材慢火熬製，加上嚴選日本直送麵條同上乘新鮮食材。食肉獸必點俺流男盛拉麵，有齊日式叉燒、炸雞同流心蛋。鍾意重口味嘅就可以揀黑蒜油熟成濃湯拉麵。另外亦有一系列丼飯選擇。

OpenRice外賣自取優惠：全單7折

 
多元化西日料理  L.D.K. by Ufufu Café

嚟自日本九州嘅餐廳，以輕鬆、快樂嘅All-day Dining為理念，供應唔同種類嘅西日式料理蛋包飯、和風意粉、讚岐烏冬、蛋包飯、日式咖喱，甚至連鐵板燒都有，鐵板燒用嘅仲係日本鹿兒島和牛！想喺屋企打卡就必點蒲燒鰻魚醬油蛋包飯，原條蒲燒鰻魚鋪喺面視覺效果一流呀。

OpenRice外賣自取優惠：全單7折

 
日本第一天丼  金子半之助

總店位於東京日本橋嘅天丼專門店，連續五屆榮獲日本全國天丼金賞，因此亦有「日本第一天丼」嘅美譽。特色係走江戶時代風格，而天婦羅就用古麻油炸成，因此香味十足！建議先食先食穴子、海老，之後品嘗米飯同其他天婦羅，食到一半嘅時候篤穿溫泉蛋用半熟蛋黃撈嚟食更香口。

OpenRice外賣自取優惠：指定食品半價

 
精釀啤酒配美食  Coedo Taproom

COEDO係日本埼玉縣嘅精釀啤酒品牌，而銅鑼灣呢間Taproom更加係全球首間品牌酒吧，唔單止有手工啤酒，仲有一系列特色美食！好似COEDO紅赤啤酒燜牛脷、吉列雞扒咖哩蛋包飯、明太子芝士蛋卷等。想送啤酒嘅話亦有串燒同炸物呀，例如炸軟殼蟹配酸辣芒果醬，同炸鹿兒島薩摩赤雞。

OpenRice外賣自取優惠：指定食品半價

 
東京親民價天丼  天吉屋

嚟自東京嘅天丼、天婦羅專門店，以香脆而唔油膩嘅天婦羅同自家秘製嘅無添加香濃天丼醬汁聞名，連續六年名列日本全國丼聯盟當中嘅天丼部門金賞獎！推介香港限定軟殼蟹丼，軟殼蟹啖啖香脆鮮美。另外仲有新推出嘅天蝦飯團便當，天蝦飯團用原隻大蝦炮製，分量十足。

OpenRice外賣自取優惠：全單9折

 
廣島最強濃厚拉麵  霸嗎拉麵

呢間係日本廣島規模最大嘅拉麵連鎖店，架勢在於佢哋嘅「最強濃厚豚骨No. 1湯底」，用豬脛骨、豬背骨、雞骨同多種蔬菜熬煮超過10個鐘頭，加上自製麵條自然有水準。拉麵出色之外，唔少人都會配多份羽根燒餃子，餃子本身皮薄餡足之外，仲有金黃香脆嘅脆底！

 
超人氣即燒燒肉丼  牛角次男坊

牛角大家應該都聽過，呢間牛角次男坊就係牛角嘅兄弟店，主打用正宗燒肉店方法製作、即叫即燒嘅燒肉丼。招牌牛角次男坊丼用約500g美國草飼牛腹腩配搭微辣惹味嘅特製燒肉汁，柔嫩多汁，難怪開店初期曾經創下日賣900碗嘅記錄！唔食牛肉嘅朋友就可以試豚丼或者雞扒丼，同樣分量十足。

除咗上述優惠，即日起到12月31日，逢星期二同星期四用埋Mastercard®付款滿$80，仲有即減$20嘅獨家優惠#！想享用Openrice獨家優惠，就記得用Openrice apps落單嗌外賣自取啦～

仲等？按此立即落單

文：Cathy
圖：餐廳Facebook，餐廳提供

   
*迎新優惠條款及細則：https://bit.ly/3fs0rPo
^優惠碼條款及細則：https://bit.ly/33dOw4m
#Mastercard優惠詳情：http://bit.ly/2QzELXA
※外賣自取餐廳名單：https://s.openrice.com/QrbV00G0000takeAway~etas  
※圖片只供參考