疫症已經橫行咗超過一年，對我哋嘅日常生活當然有好多影響，亦改變咗大家唔少嘅習慣。不過即使喺疫情下，我哋都可以從新常態中，尋找趣味！年度盛事「OpenRice優秀開飯熱店大賞」即將開始接受投票喇，今年以「日嚐作樂」為主題，希望大家從每日品嚐到嘅美食中創造樂趣，從探索餐廳中感受香港「味」力。3月24號就開始可以一人一票投選你心目中嘅本土出色熱店！而喺未開始投票前，大家都可以先參與「有獎分享活動」，有機會贏取獎品總值超過30萬！想知點玩？記得睇到最尾！

「好想去旅行呀～」不過講極都未去到，就惟有去住酒店，玩staycation啦。一樣都可以放鬆到自己，逃離平日繁忙嘅生活。嚟緊就快又有長假期，又可以去宅度假啦~ 以下呢幾個staycation plan，有啲啱一家大細嘅，有啲啱閨蜜，或者係以前一齊去旅行嘅旅伴啊。

香港迪士尼樂園酒店  國賓廳  仙杜瑞拉/魔雪奇緣下午茶套餐

迪士尼一向都畀人夢幻、童話嘅感覺，幾乎個個細路都鍾意，一年去十幾次都唔會悶。國賓廳有兩個主題套房同埋搭配嘅下午茶主題套餐，分別係仙杜瑞拉同魔雪奇緣呀。仙杜瑞拉嘅下午茶套餐以故事中嘅南瓜車同灰姑娘為靈感，製作一系列點心，而魔雪奇緣下午茶就以三層架裝上九款點心，配合埋淺藍色為主嘅碗碟，夠晒優雅。小朋友嚟到一定勁開心，可以做一日公主瘋狂打卡！

香港港麗酒店  意寧谷 周末香檳早午餐住宿體驗

如果想嘆得豪華啲，港麗酒店嘅“Bliss & Brunch” Royale住宿專案就啱晒啦～住嘅係豪華客房，食嘅有雙人周末香檳早午餐，開心暢飲巴黎之花香檳，兼喺59樓嘅行政貴賓廊一邊俯瞰維港靚景，一邊享用雙人國際自助早餐、下午茶同黃昏雞尾酒，chill到爆。

香港朗廷酒店   廷廊  「寶格麗(BVLGARI)玫香金漾」二人下午茶＋歐陸雙人早餐 

呢一間就最啱同閨蜜嚟啦！先莫講可以玩足36個鐘，由朝玩到晚唔使趕check out，夠晒爽，呢個豪華住宿套餐仲會贈送「寶格麗(BVLGARI)玫香金漾」二人下午茶同歐陸雙人早餐，下午茶以限量版寶格麗玫香金漾香水為創作靈感，揉合朗廷酒店品牌專屬嘅粉紅色調，最啱就係影打卡相，俘虜一眾少女嘅心。下午茶包括鹹點同甜點各四款，自家焗製嘅英式鬆餅同櫻花提子鬆餅，鬆軟濕潤，配上厚忌廉、士多啤梨同玫瑰花醬，簡直係視覺同味覺雙重享受，性價比十足～

香港維港凱悅尚萃酒店    The Farmhouse  韓式雙人自助早餐 

一眾韓國迷不能錯過嘅staycation 套餐～呢間酒店同唔同嘅韓國團體推出用韓國做主題嘅嘅住宿計劃，希望畀鍾意韓國嘅旅友有種「回鄉」嘅感覺，套餐包括咗雙人自助早餐，全部食物都加入咗傳統韓國飲食文化元素。如果想再嘆啲嘅更可以升級套餐食埋佢哋嘅自助午餐或者自助晚餐。而且仲包埋韓服體驗同虛擬實景體驗添，直情好似飛咗轉韓國探oppa咁~

投票未正式開始前，您可以先分享一張與美食的快樂時刻😋到個人FB/IG (必須設定為公開)，加Hashtag #日嚐作樂 #OpenRice。完成整個投票活動後，即有機會贏取獎品總值超過30萬！

投票和獎品詳情將於3月24日正式公佈，密切期待：https://bit.ly/3bRsGaH
*活動須受條款及細則約束

文：Hailey
編：Kar