 | 無綠不歡Green Monday 社會企業，鼓勵大家每週一素食，齊齊Go Green減碳，為地球出一分力，同時令生活更健康。fb專頁：GreenMondayHK |
麥記的「Create Your Taste」熱潮席捲全球，而香港就會在其中三間分店──又一城、禮頓中心和最新的星光行設置自助點餐機，供應自選漢堡。
本來素食者和麥記早已絕緣，但今次廿九款「Create Your Taste」自選材料當中，竟有廿七款是蛋奶素，不少都是以往從未在麥記出現過的新食材，難怪推廣首日，社交網站就已經被一眾Go Green潮人洗版，分享一個個創意十足的素漢堡。
想食盡綠色滋味，當然要一口氣揀齊牛油果蓉、烤蘑菇、燒菠蘿、煎蛋和炒洋葱五款「更加滋味」食材，再配搭生菜、蕃茄、酸瓜、小辣椒、芝士等，足以疊出一個四吋高的霸氣Green Burger，然後再添上令人驚喜的松露風味醬。
有別於餐牌上的一般漢堡，麥記還提供意式香軟包和法式甜包兩款選擇，食落比較有咬口。想降低卡路里的話，甚至可以揀原塊生菜做包底，將漢堡變成輕食。
今次麥記變相一口氣推出多款素漢堡，讓大家隨意炮製心水的純素、無葱蒜甚至Vegan版本的漢堡，相信只要夠多人捧場，素漢堡將有機會長駐他們的餐牌呢。
Info
供應時間：11am-11pm
基本價錢：漢堡包單售每個$45，其餘按材料收費
供應分店：
-九龍塘達之路80號又一城L2層28號舖
-銅鑼灣禮頓道77號禮頓中心地庫B02
-尖沙咀梳士巴利道3號星光行地下及地庫
※上述內容純屬作者個人意見，不代表本網立場。※