尖沙咀食肆林立，淨係一個商場最少都有成十幾廿間餐廳，點揀好？由尖沙咀港鐵站A出口，行3分鐘就到嘅新港中心，地理位置相當佔優，而且嚟緊仲有飲食優惠添呀，即日起至12月31號，凡喺商場指定食肆消費，就有機會得到商場嘅購物現金券呀！邊啲餐廳有著數？下面介紹嘅日式主題餐廳就係其中3間啦。

新出特長叉燒拉麵  一風堂

嚟自日本九州福岡嘅一風堂，2011年開始登陸香港，開咗唔少分店，而新港中心呢間更加係佢哋嘅旗艦店。餐廳一直都會推出新口味嘅拉麵，而最新嘅拉麵就係呢碗「新 • 橫濱家系豚骨拉麵」喇。嗰塊特長炙燒叉燒同4倍大嘅巨型海苔固然係亮點，但佢嘅湯底亦不容忽視，揉合咗豚骨湯同雞白湯底而成，另有自製辛辣味噌，配埋掛湯力強嘅麵條，係幾吸引嘅。

 新出小食「黃金炸舞茸角包」，角包炸得香脆，內淋黑醋洋蔥沙律汁。

 「茄子杏鮑菇燒 」配蒜香牛油醬油

一風堂
地址：尖沙咀廣東道30號新港中心2樓210號舖
電話：29578893

高速線送壽司      元気寿司

有時心思思想食下迴轉壽司，都會諗起呢間喺全港有超過60間分店嘅壽司店。而呢間分店就由迴轉壽司改為高速線，即係落咗柯打後，由高速列車經輸送帶直送到你面前。其中，照燒三文魚薄切壽司同炸蝦卷連頭都係高速線限定之選，前者將三文魚薄切，油脂帶香；後者炸蝦亦啖啖脆口。

 「脆蒜油甘魚」

元気寿司
地址：尖沙咀廣東道30號新港中心2樓211號舖
電話：27357370

超厚午餐肉茄通       北海道牧場餐廳

唔講唔覺，呢間港日主題餐廳都開咗業有成10年喇，喺香港地道美食之上，加添日本元素，好似最受歡迎嘅lunch之選「厚切午餐肉3.6牛乳蕃茄湯通粉」咁，就係酸酸甜甜嘅蕃茄通粉，加埋香滑嘅招牌3.6牛乳炒蛋，仲有勁吸睛嘅厚切午餐肉，真係特厚啊。

 港式西多變奏版嘅「流心芝士西多士」，內加車打芝士，趁熱切嘅話就可以見到啲芝士係咁流出嚟。

 「日式黑咖喱和牛漢堡扒飯」

北海道牧場餐廳
地址：尖沙咀廣東道30號新港中心3樓305號舖
電話：27360002

「秋冬暖意滋味賞」消費奬賞換領詳情
日期：即日起  至12月31日
時間：中午12時至晚上10時
地點：尖沙咀廣東道30號新港中心1樓顧客服務中心(鄰近110號舖)
詳情：於新港中心指定「食肆」商戶以電子貨幣消費滿$500及讚好/關注商場社交媒體網站，即可免費換領「新港中心HK$50購物現金券」乙張。名額：共600份 （每日數量有限，先到先得，換完即止。）
詳情請參閱：https://goo.gl/131VD3

特約分享：新港中心