以日本北海道毛蟹為主題嘅「蟹の味」下午茶套餐分兩層，望落有啲似英式下午茶三層架，但裡面嘅鹹店就全部都係日本和式風味。北海道毛蟹膏薯蓉用鮮甜蟹肉配軟滑薯蓉，啖啖滑溜鮮香。蟹膏帆立貝先將日本帆立貝煎香，用金黃脆皮裝好後再加上毛蟹蟹膏同蟹肉，鮮上加鮮。另外仲有蟹拑蒸蛋同蟹棒黑豚肉卷。
蟹棒黑豚肉卷用咗特選黑豚肉，包好後用吉列方法炸香，黑豚肉嘅濃香肉汁配搭啖啖肉蟹棒，全新享受。甜品方面亦有宇治抺茶布甸，用擁有超過170年經驗嘅老字號嘅京都宇治「森半」優質抹茶，清幽甘香。而藍莓芝士蛋糕同柚子醬伴迷你鬆餅亦係甜品迷不可錯失之選。
仲未夠喉嘅話，仲有新推出嘅精選優惠和風套餐。海膽燒大蝦係將海膽醬加到大蝦上面，以日式爐端燒方法燒熟，一上枱未見蝦先聞其香！而鵝肝日式蒸蛋選用匈牙利鵝肝，煎香後鋪係日式蒸蛋上面，鵝肝嘅油香令蒸蛋更滑溜更滋味。
套餐仲有港人至愛刺身盛合，大大件照燒安格斯肉眼扒，清新佐賀海蜇沙律同有炸蝦天婦羅嘅鍋燒烏冬。無論你係蟹迷定日本菜粉絲，都可以有一個滿足嘅冬天啦。
文：Cathy
隨時接收最新資訊
讚好OpenRice專頁！
