同重視嘅人或喺特別日子聚餐，自然想搵間充滿特色嘅餐廳邊食邊傾，順便影靚相留念。坐落尖沙咀一大型商場嘅fine dining餐廳「Maison Gaia」，裝潢時尚，又注入視覺、聽覺等感官元素，而星期五、六晚上更設有live band表演，帶嚟多元化嘅創意餐飲體驗。餐廳最近由只接待私人宴席轉為對外開放，更嚴選世界各地優質牛肉同海鮮，如日本A4牛肉、美國西冷扒、挪威三文魚等炮製全新半自助午餐/晚餐，配埋免費任食甜品吧。

而家經OpenRice預付訂座，可享82折起優惠。另外餐廳亦有參加餐廳優惠月 滋味無限「祭」，由即日起至2023年4月16日期間訂座同時訂餐，可取得折上折優惠！訂餐時輸入限量優惠碼「BUFFET30」滿$400即減$30，「BUFFET80」則滿$800-$80（名額有限，送完即止）。提提大家，訂座訂餐愈多，有機會贏取港麗酒店咖啡園雙人自助晚餐，或Donki現金禮券。

奢華新式扒房享受四道菜半自助午餐

半自助午餐嘅主菜有成11款選擇，總有一款啱你口味，另外跟配任食精美甜品自助吧，夠晒豐富。

11款主菜以牛肉為主

【前菜+沙律/是日餐湯】

前菜蟹肉番茄莎莎脆多士以初榨橄欖油、海鹽同黑椒調味，食落清爽鮮味。另外沙律同是日餐湯則二選一，前者為牛油果雜果沙律（素），所配嘅柚子醬用新鮮生果汁自家製作，拌勻牛油果、紅邊菜、九芽菜、牛油生菜等蔬果，酸爽醒胃。

蟹肉番茄莎莎脆多士、牛油果雜果沙律（素）

【主菜推介】

烤和牛橫隔肌配黑松露蛋炒飯選用澳洲和牛封門柳，佐以熬煮24小時嘅牛肉燒汁，肉味更濃郁。炒飯則加入黑松露醬、雞蛋同粟米，香噴噴又飽肚。

4oz烤和牛橫隔肌配黑松露蛋炒飯

鍾意海鮮或想輕盈啲，香煎挪威三文魚配時令蔬菜係唔錯嘅選擇。味道微酸嘅檸檬蒔蘿醬，平衡三文魚嘅油香，拍攝當日配上菠菜苗，為呢道菜增添清新感覺。

香煎挪威三文魚配時令蔬菜（晚市半自助晚餐主菜之一）

奢華新式扒房半自助晚餐

半自助晚餐則分為4個主題：海上鮮、海陸雙拼、烤牛扒同豬鞍/春雞，每個主題嘅主菜都有多款選擇，配合唔同客人口味；加埋精選沙律、前菜、配料、餐湯同任食精美甜品沙律自助吧，一定食到捧住個肚走呀～

半自助晚餐嘅自助吧菜式更豐富

【主菜推介】

海鮮類主菜中，以雜錦海鮮拼盤最豐富，有波士頓龍蝦、挪威三文魚、青口、蜆、魷魚、大蝦6款海鮮配時令蔬菜，烤焗後鮮味好突出！

雜錦海鮮拼盤（另加$310）

海陸雙拼嘅香煎12oz美國肉眼扒配燒龍蝦尾啖啖肉，一樣令人好滿足！烹調時加入少量海鹽同黑胡椒調味，鮮味更加突出。另外你亦可以喺4款醬汁中自選1款增加風味，當中以青胡椒燒汁較少見。

香煎12oz美國肉眼扒配燒龍蝦尾（另加$170）

而牛以外，加拿大豬鞍都好啱肉食控，有成12oz，男士食都夠飽肚！配上用美國青蘋果自家製蘋果蓉，有助解油膩感。

12oz加拿大豬鞍配蘋果蓉 

免費任食自助吧

另外增加滿足感嘅自助吧分為兩部分：
- 甜品吧：意式半自助午、晚餐都有供應，款式包括馬卡龍，有檸檬、開心果、朱古力等口味，以及各式蛋糕。
- 沙律吧：僅限晚上供應，除咗Parma Ham、24個月Salami Mortadella等西式冷盤，重有壽司㗎，如加州卷、海藻卷、玉子卷等款式，選擇更多元化。

甜品吧

沙律吧

餐廳以雲石、古銅色同玫瑰金色為設計主軸；而3面大型LED屏幕，會輪流播放世界各地嘅著名景色，轉換動態畫面時，更伴隨互相配襯嘅音樂，浪漫之餘又充滿藝術氣息。

餐廳逢星期五、六，晚上7-10點會安排live band表演，讓大家週末好好放鬆身心。

Maison Gaia  
地址：尖沙咀梳士巴利道18號Victoria Dockside K11 Musea5樓503號舖