香港貴為美食之城，匯聚世界各地嘅美食佳餚，選擇又多又吸引，好似去咗個大型美食嘉年華咁開心！3月30日，一於一人一票，一齊參加呢個美食嘉年華！投票支持心水熱店後，更有機會參加*大抽獎贏取豐富獎品！
今年開飯熱店總共分咗4大類別，分別係菜式組別、新餐廳組別、外賣自取組別同埋網上訂座組別。而菜式組別內新增咗幾個類別，其中一個就係呢篇文章會集中介紹嘅Fine Dining啦。每年都因為摯友生日、情人節或紀念日要揀fine dining餐廳而煩惱嘅朋友仔，可以bookmark下有咩入圍餐廳，留定下年用喎。當然啦，bookmark完都記住要投票啊。
現代感設計法日Fusion菜 Amis 
圖：走精緻路線嘅法日fusion菜， 餐廳裝潢充滿現代感，優雅舒適。餐廳幾乎每月會轉新菜單，令客人長期有新鮮感，又可以品嚐到當季食材。Tasting Menu分六道菜及九道菜，最基本嘅餐包配上煙燻香草牛油，別有一番風味。前菜多以海鮮作主角，新鮮嘅海鮮加上主廚創新嘅料理配搭，令人驚喜。主菜Duo Of Beef選用鹿兒島A4和牛同澳洲和牛面頰肉，前者脂肪豐富且分佈均勻，牛肉風味非常濃郁；後者以牛骨湯慢煮八小時，膠質好豐富，口感軟滑。
正宗釜山風味精緻料理 OOULI
圖：由韓國釜山人Jim Kim開設，身兼老闆同主廚，為咗令香港人一嚐正宗釜山風味創辦咗呢間較少見嘅韓式精緻料理餐廳。餐廳所有新鮮海鮮、食材均由韓國直送，大米更由Jim自家韓國農田直送香港，並於餐廳即場將稻穀脫殼及使用韓國蒸飯機煮製，保留最傳統釜山風味。推介36小時慢煮濟州黑毛豬五花，黑毛豬肉同脂肪各一半，36小時慢煮後保持肉質嫩滑，食法係用芝麻葉包住片五花腩肉同醃蘿蔔片，沾上BBQ醬食，口感豐富但又唔油膩。
精緻歐陸風味菜 Amina Modern European
圖： Oli tam
由幾位有熱誠嘅年輕人開設嘅歐陸Fine Dining，主張以「手工」、「食材」及「堅持」為原則，選材方面堅持由意大利同法國入貨。蒸龍蝦燒賣·鱘魚子醬·小龍蝦龍蒿泡沫·墨魚汁，加入龍蝦肉整成燒賣，彈牙又鮮甜，加上鱘魚子醬使層次更豐富。鵝肝凍·麝香啫喱·竹炭脆片·田園沙律視覺效果100分，鵝肝入口非常幼滑，加上麝香啫喱同竹炭脆片，無論視覺或味覺都多重享受。
招牌威靈頓牛扒 181 FORTNUM & MASON
圖：來自英國嘅品牌，供應傳統英國菜式，仲有無敵海景睇，夠晒浪漫！必試招牌威靈頓牛柳，首先會將原件威靈頓牛柳呈上，然後再於餐車逐片逐片切到碟上，酥皮嘅鬆化脆薄配埋嫩滑嘅牛柳，蘑菇蓉同鴨肝比例得宜，唔會搶咗牛嘅風頭，出色！甜品Crepe Suzette都好推薦，甜酒同香梨嘅搭配比想像中更融為一體，班戟濕潤又軟糯，口感特別。
傳統美式扒房 Morton's of Chicago
圖：想食返傳統嘅西餐，可以考慮下呢間全球擁有超過70多間分店嘅美式扒房，供應來自美國最上乘嘅熟成穀飼牛扒、多種海鮮及其他肉類。餐前嘅洋蔥麵包已令人印象深刻，質感鬆軟綿密，帶有陣陣洋蔥香，加埋自家製牛油無得輸～推介食乾成熟成上等腰肉牛扒，可以試晒菲力同西冷兩個部位，菲力肉質最嫩；西冷油花均勻，富有嚼勁，各有風味。
另外5間入圍嘅西餐仲包括Cafe 103、Amber、ÉPURE、L'Atelier de Joël Robuchon及Roganic，揀啱就快啲去投票啦，你嘅一票將直接影響結果！是次投票共四個投選組別，首3000位參加者於投票期內完成所有投票，合共54票，即可獲得OpenRice 500積分（等值Rice Dollars $50），名額有限，先到先得。 投票期內完成兩個投選組別的參加者即可自動參加*大抽獎，贏取豐富獎品！
活動詳情（按此）
立即投票（按此）
想支持心水餐廳，記得注意返投票日期：2023年3月30日 - 2023年5月3日
*推廣生意的競賽牌照號碼：56879-80
