想開心迎接新一年，快啲睇吓有咩自助餐，book定同屋企人去食大餐，開個好年啦！

新春節慶自助餐、蛇年新春節慶自助晚餐 WM咖啡廳  

自助晚餐每日會供應一系列新春美食，如金柚櫻花蝦沙律、星洲麥片脆蝦、新春紅棗椰汁糕等鹹甜款式，攞足意頭。同時亦有人氣即開時令生蠔、冰鎮海鮮，包括法國麵包蟹、加拿大松葉蟹腳、海螺，仲有油甘魚、阿根廷紅蝦等日式刺身。另外烤美國特選肉眼紅酒燒汁、港式片皮鴨、西班牙白毛豬火腿配蜜瓜都係熱葷首選啊。留意年廿九至大年初三期間則升級為「蛇年新春節慶自助晚餐」，限定新年美食包括賀年魚生撈起、金元寶壽司、迎春開運蛇羹、金腿蟹肉伊麵、金箔桂花凍糕、牛乳天使卷蛋等豐富菜式𠻹。

供應時間：即日起至2025年2月13日（設OpenRice訂座優惠）

冬日珍饈滋養盛筵自助餐、新春賀年珍饈自助餐 Café Circles  

廚師團隊嚴選多款時令養生食材，匯聚成「冬日珍饈滋養盛筵自助餐」，供應雙冬燜羊腩*、炆鮑魚棉花雞煲*、蟲草花螺頭燉湯、鮑魚雞粥等滋補菜式。而「新春賀年珍饈自助餐」則有三文魚撈起、髮菜蠔豉燜豬利、蠔皇花菇扣鵝掌、薑蔥波士頓龍蝦*，以及燜鮑魚棉花雞煲等充滿寓意嘅豐盛菜餚。

供應時間：冬日珍饈滋養盛筵 - 即日起至2025年2月28日（設OpenRice訂座優惠），新春賀年珍饈自助餐 - 2025年1月27日至2月28日（設OpenRice訂座優惠）
*菜單因應季節性調整 / 按指定日子供應

新春自助晚餐 薈景  

新春自助晚餐設有多款新春限定菜式，包括果皮金蒜蒸九孔鮑、新春撈起、磯燒鮑魚三文魚籽熱狗等，寓意包羅萬有、風生水起。而每位食客更可享金蠔多士乙客，再以賀年甜品銅鑼燒餅、錢罌蛋糕作結，喜迎蛇年！留意農曆大年初二晚，自助晚餐顧客會有專人帶領下前往鄰近金紫荊廣場嘅專屬煙花觀賞區內親身感受煙花嘅璀璨同震撼㗎～

供應時間：2025年1月28日至2月2日（設OpenRice訂座優惠）

賀歲自助晚餐 馬哥孛羅咖啡廳  

超豪華嘅賀歲自助晚餐，充滿意頭嘅新春菜式，一定令你大飽口福！推介必試嘅有象徵吉祥如意嘅「錦繡紅袍」，用上上乘海味精心炮製，色香味俱全，令人一試難忘；仲有寓意「年年有餘」嘅古法蒸鱸魚，魚肉嫩滑，帶出食材嘅鮮味。而且凡惠顧賀歲自助晚餐，每兩位賓客仲會免費獲贈一客迷你盆菜！呢個盆菜真係夠哂豐富，有鮑魚、花膠、大蝦、切雞、冬菇、烤鴨、瑤柱、生菜同發菜，意頭十足。

供應時間：2025年1月28日至2月4日（設OpenRice訂座優惠）

矜貴海味自助晚餐 JW咖啡室  

矜貴海味自助晚餐再度載譽回歸，滿載頂級海鮮佳餚，保證令海鮮控食過返尋味！冰鎮海鮮區包括波士頓龍蝦、加拿大鱈場蟹腳、英國麵包蟹等。主題熱葷菜式更係亮點之一，必試推介包括蟹黃雞絲燴素翅，每一啖都充滿濃郁蟹黃香氣，雞絲鮮嫩；仲有海參燜豬蹄筋同燜原隻南非鮑魚，豬蹄筋夠腍，海參同鮑魚啖啖膠原蛋白，養顏又滋補。現場即煎嘅香煎蟹餅絕對唔可以錯過，外層煎得香脆，入面包住啖啖鮮甜蟹肉。最後當然少唔到甜品區同自家製雪糕，為一餐豪華自助餐畫上完美句號。

供應時間：2025年1月16日至2月15日（2025年1月28日至2月1日，以及2月14日除外）

文: Yanica、Cathy