離中秋佳節仲有個零月，但唔少朋友已經蠢蠢欲動準備要買月餅啦，重點係，而家買仲有早鳥優惠添呀！即刻介紹13間特色月餅畀大家。
目錄
小兔系列禮盒+流心茶系八件裝禮盒 Valérie Pastry
以流心月餅聞名嘅餅店，包括流心奶黃、流心宇治抹茶、流心伯爵茶三款口味，奶黃味香甜，宇治抹茶及伯爵茶就有淡淡茶嘅甘香，每一粒月餅切開後流心內餡都會緩緩流下，好吸引！想試晒三隻味可以試下九件裝限量珍藏版嘅兩款禮盒香港小兔及湖畔小兔，邀請咗本地年輕設計師Fay Sze設計㗎。今年更係尖沙咀開設咗實體概念店，
早鳥優惠：即日起至 2023年8月22日
限量珍藏版【香港小兔】 及限量珍藏版【湖畔小兔】 (九件裝) ：原價 $428 早鳥價 $398
流心茶系八件裝禮盒：原價 $408 早鳥價 $348
限定柑桔流心奶黃月餅禮盒 香港麗思卡爾頓酒店
呢間酒店今年就推出四款奢華精緻月餅禮盒，包括「月。澄」迷你蛋黃奶黃月餅八個裝禮盒、M+ 宋懷桂特別展覽限定柑桔流心奶黃月餅禮盒、自家製奶黃月餅八個裝配茶葉禮盒及尊貴燕窩奶黃月餅。限定柑桔流心奶黃月餅禮盒同當代視覺文化博物館M+合作，包裝好有藝術氣息，內裡係柑桔流心奶黃口味，層次豐富。
早鳥優惠：即日起至 2023年8月29日
「月。澄」奶黃月餅八個裝禮盒：原價 $438 早鳥價 $308
M+ 宋懷桂特別展覽限定柑桔流心奶黃月餅八件裝禮盒：原價 $548 早鳥價 $388
天龍軒限量自家製奶黃月餅八個裝配茶葉禮盒： 原價 $828 早鳥價 $729
尊貴燕窩奶黃月餅：原價 $408 早鳥價 $558
立體咖啡三輪車月餅禮盒 Ralph’s Coffee
每年中秋都會推出造型獨特嘅月餅禮盒，今年以品牌咖啡店經典嘅咖啡三輪車作設計靈感！打開禮盒即見到綠白主調顏色嘅三輪車，後方嘅小熊咖啡師捧着一杯熱咖啡迎接你，好可愛，同時佢都係一張心意卡添，單係包裝已經令人心心眼～車身櫃內藏六粒迷你月餅，分別有流心奶黃及流心抹茶味。
早鳥優惠：即日起至 2023年8月20日
Ralph’s Coffee 月餅禮盒：原價 $488 早鳥價 $428
七星伴月禮盒 帝港酒店集團
呢個七星伴月禮盒加入全新手提和箱扣設計，增添古典氣息，送禮都幾啱。入面有經典雙黃白蓮蓉月餅、迷你奶皇流沙月餅、同埋今年新推出嘅迷你抹茶紅豆麻糬月餅及迷你伯爵奶茶月餅，一盒有齊多款口味！
早鳥優惠：即日起至 2023年9月21日
七星伴月禮盒：原價 $708
提早訂購優惠(2023年8月8日至9月11日) $552.2
推廣價(2023年9月12日至9月21日) $566.4
時尚珍品尊尚禮盒系列 國金軒
米芝蓮推介食府今年推出「時尚珍品」尊尚禮盒系列，五福臨門月餅尊尚禮盒一盒集結5款味道！除咗經典雙黃白蓮蓉月餅及雙黃陳皮紅豆月餅，另有三款全新口味桃山柑桔迷你月餅、桃山莓果迷你月餅及桃山綠茶鳳梨迷你月餅，味道相對傳統款較清新。
早鳥優惠：即日起至2023年9月22日
五福臨門月餅禮盒 (8個裝)：8月1-31日早鳥價 $368 9月1-22日早鳥價 $428
星級月餅禮盒 逸東軒
將月餅禮盒打造成優雅時尚嘅首飾盒 ，雙層木盒內展現出金黃色間隔及月餅，食完可以重用夠晒環保～「逸月薈萃」禮盒內有迷你流心奶黄月餅、迷你流心奶黃白蓮蓉月餅及迷你陳皮紅豆沙月餅，滿足唔同口味嘅人。招牌奶皇口味蛋香濃郁、皮薄酥化，難怪咁受歡迎。
早鳥優惠：即日起至2023年8月31日
「逸月薈萃」禮盒：早鳥價 $348
「逸月流金」禮盒：早鳥價 $348
皇至尊月餅禮盒 皇玥
呢間嘅月餅相信大家都唔陌生，2023年有全新嘅燕窩奶黃月餅，全手工製作，燕窩浸發烹調後，融入香滑奶黃餡之中。包裝都好fancy，琥珀橙月餅禮盒附帶鏡子設計，好似個化妝盒咁，高貴優雅。
早鳥優惠：即日起至2023年8月31日
皇至尊月餅禮盒：原價 $1488 早鳥價 $1298
玥至尊月餅禮盒：原價 $888 早鳥價 $838
茗茶月餅及彩虹酥皮月餅 Pâtisserie Jane
鍾意清新簡約風一定鍾意呢間嘅禮盒，全新推出「茗茶月餅」及「彩虹酥皮月餅」兩大系列，彩虹酥皮月餅包括香芋蛋黃酥皮月餅及奶皇蛋黃酥皮月餅兩款口味，為傳統潮州月餅變奏版，以烤焗方式代替傳統油炸，較為健康。禮盒屬清新簡約風，帶有精緻紙雕設計，高貴大方。
早鳥優惠：即日起至2023年8月31日
「茗茶月餅」禮盒：原價 $188 早鳥價 $128
「彩虹酥皮月餅」禮盒：原價 $228 早鳥價 $208
豆漿黑芝麻月餅 「安」(Ān) X Esca
以大豆為重點嘅創新品牌，堅持使用非基因改造有機大豆，將中國古老嘅豆漿傳統同日本豆漿生產技術相結合，自家製作耳目一新嘅豆製品。今個中秋就有豆漿黑芝麻月餅，散發香濃豆香同芝麻香，唔太甜膩好啱送畀長輩。
早鳥優惠：即日起至2023年8月30日
豆漿黑芝麻月餅：原價 $498 早鳥價 $448
迪士尼米奇與好友夢幻系列 Häagen-Dazs™
每到中秋又點少得雪糕月餅呢～今年迪士尼fans要留意啦，今年佢哋推出網店獨家發售嘅限量版迪士尼米奇與好友夢幻系列雪糕月餅，以別緻可愛嘅鐵盒盛載四款經典角色造型月餅，鐵盒更可重用作野餐盒之用，fans要買嚟收藏。另外仲有走華麗路線嘅七星緻月、九星迎月等都好靚㗎。
早鳥優惠：即日起至 2023年8月28日
一般客戶可享低至68折早鳥優惠，特選客戶Häagen-Dazs™ Club金卡、銀卡會員或DBS信用卡持卡人客戶更專享低至65折早鳥優惠。
迪士尼米奇與好友夢幻系列：一般客戶早鳥價 $348 特選客戶早鳥價 $328
七星緻月：一般客戶早鳥價 $538 特選客戶早鳥價 $508
九星迎月：一般客戶早鳥價 $578 特選客戶早鳥價 $548
Moonglow 中秋月餅禮盒 Lady M
以千層蛋糕聞名嘅精品蛋糕店，今年推出設計時尚大方嘅 Moonglow 中秋月餅禮盒，圓拱型禮盒以純素皮革同毛絨仿麂皮製成，食完月餅更可以當首飾盒用。裡面有三款口味嘅迷你月餅，分別係柚子牛奶、抹茶斑蘭同玫瑰荔枝奶黃口味。
早鳥優惠：即日起至 2023年8月31日
Moonglow 中秋月餅禮盒：原價 $688 早鳥價 $618
玉兔戲庭院月餅禮盒 當文歷餅店
名廚 Dominique Ansel 開設嘅餅店推出以傳統四合院建築為主題設計而成嘅玉兔戲庭院月餅禮盒，打開裡面中間更有一台座檯電子燈飾，燈飾可以拆出以獨立使用。大門兩邊就各有 3 件奶黃月餅及 3 件伯爵茶奶黃月餅。
早鳥優惠：即日起至 2023年8月31日
玉兔戲庭院月餅禮盒：原價 $498 早鳥價 $458
豪華月餅茗茶禮盒 LUCKY 7 集團
食得多月餅怕膩，配返杯茶就啱啱好。呢個餐飲集團就推出豪華月餅茗茶禮盒，裡面有六款百分百香港製造月餅：傳統雙黄白蓮蓉、健康白蓮蓉、香濃黑芝麻、幼滑紫薯蓉、惠州梅菜肉乾、橘香五仁，同六款茗茶：白桃烏龍、瑰荔堂皇、鐵觀音、桂花烏龍、茉莉花綠茶、蜜香紅茶。月餅禮券發售及禮盒換領分店包括板神鉄板燒日本料理銅鑼灣店，及京滬佳餚全線分店。
早鳥優惠：即日起至 2023年9月10日
豪華月餅茗茶禮盒：原價 $498 早鳥價 $288
文: Yanica
