大家生日前後會有唔少飯局，同朋友仔大吃大喝，享用唔同菜餚慶祝，但記得用埋生日優惠呀！開飯仔搜羅全港嘅生日優惠，今次整合咗12月生日優惠，部分優惠重橫跨幾個月份，甚至可以重複使用㗎。
百樂酒店Park café 免費聖誕自助午餐、晚餐/下午茶 
生日優惠日期：2023年12月1日至2024年1月2日
尖沙咀百樂酒店Park café嘅聖誕自助午餐、晚餐、莓子可可‧下午茶自助餐，以及心「花」怒放‧海鮮自助晚餐都有生日優惠！午餐供應泰式海鹽焗豬手、冬蔭功海鮮魚柳鍋、D24榴槤卷等；下午茶可品嚐雜莓辣蝦酥盒、士多啤梨香酥骨、即焗雜莓布甸蛋糕等鹹甜點；而晚餐則有红燒花膠鴨掌花菇、花膠蠔餅、花膠海斑素翅湯、花膠椰汁燉蛋白、瑞士MÖVENPICK雪糕等款式，以及無限供應果汁、啤酒。留意聖誕期間（12月16日至1月2日），自助午餐、晚餐會加推慢煮聖誕果香火雞、瑞士烤芝士、聖誕樹頭蛋糕等節日美食。而每4位惠顧，1位當月壽星可以免費享用一次，同行朋友則有85折優惠。
圖：餐廳（FB）
城景國際酒店 - City Café 城景閣 食自助餐送生日蛋糕
生日優惠日期：2023年12月4日至2024年1月1日（12月24-26、31日除外）
City Café嘅「海鮮薈萃‧聖誕自助晚餐」，包括一系列海鮮料理，如四色焗生蠔、花膠蟹子醬焗大蝦、金蒜銀絲蒸扇貝等唔同口味嘅熱食；重有空運生蠔、雪花蟹腳、荷蘭藍青口、日式刺身等鮮味冷盤，重有現場即製嘅阿拉斯加火焰雪山（限時供應）同聖誕特色甜品。另外每位客人可免費獲贈「法式焗波士頓龍蝦米多」一客。而「聖誕自助午餐」則有德國雜肉拼盤、葡萄牙式燒羊髀等多款熱葷，以及聖誕節限定樹頭蛋糕等多元化款式。而家經官方網頁訂座午市/晚市自助餐，可於生日正日以及前後三天獲贈免費生日蛋糕半磅。
圖：餐廳（FB）、Pochurychan
佐賀燒肉谷 壽星免費+送美國和牛蛋糕 
生日優惠日期：2023年12月1日至12月15日
主打日本佐賀農場直送佐賀和牛嘅燒肉放題店，放題餐單分別供應日本和牛、美國牛肉、豬肉、海老以及各種日式料理，款式多元化，照顧唔同食客口味。限時推出嘅生日優惠，凡四人或以上惠顧100或120分鐘放題套餐，其中一位當月壽星即享免費優惠，再額外送美國和牛蛋糕一份，而且優惠適用於星期一至日全日，方便你午、晚市都可以嘆生日大餐！
Harlan's 送deluxe甜品拼盤/汽泡酒/無酒精汽泡酒 
生日優惠日期：2023年10月21日至2023年12月31日
生日梗係要有儀式感啦，一間位於尖沙咀商場高層嘅西餐廳絕對滿足到你～店內嘅落地玻璃窗讓你一邊眺望維港美景，一邊享用高質Fine Dining，好似生蠔會用鋪滿玫瑰乾花嘅碟盛載，IG-able之餘，氣氛夠晒浪漫。用埋OpenRice優惠券，生日當日或一週之內2位惠顧，即送每位汽泡酒/無酒精汽泡酒一杯；4位或以上則送deluxe甜品拼盤一客。
圖：餐廳（Facebook）
緣聚 壽星半價起+再送蛋糕
生日優惠日期：2023年10月5日至2023年12月14日
榻榻米主題新店～元朗一間近月開業嘅日式放題餐廳，可以任食即開生蠔、壽喜燒牛肉鍋、扇貝黃金燒綠茶紅豆忌廉窩夫等美食，重可以升級任飲指定日本啤酒、威士忌梳打，款式多達136品，回本冇難度，又可以打卡影靚相。而家用OpenRice優惠券，4位惠顧即享1位壽星半費，8位惠顧則1位壽星免費，再送蛋糕。
圖：yuchiro
白石燒烤 送金牌乳豬一隻
生日優惠日期：2023年9月30日起，直至餐廳另行通知，欲了解詳情可聯絡餐廳。
秋高氣爽最啱一班人BBQ，位於馬鞍山海邊嘅白石燒烤場，可以吹住海風燒嘢食。如果想再舒服啲，則可預訂海邊燒烤獨立屋，玩埋冷氣房間內嘅娛樂設施，如麻雀、影音系統（需自備影碟或音樂），播放電影或唱卡拉OK都得，重有花園讓你親親大自然㖭。而會員於生日月份堂食消費滿指定金額，可免費獲贈金牌乳豬一隻！留意當月生日嘅新登記會員，要等下一年方可享用生日優惠。
圖：大欖燒烤 送無酒精香檳/莎莉蛋糕同多項優惠
生日優惠日期：2023年9月30日起，直至餐廳另行通知，欲了解詳情可聯絡餐廳。
另一個熱門燒烤地點，就係屯門嘅大欖燒烤場喇～呢度亦有設置燒烤小屋，環境好似小型獨立屋，娛樂設施有埋switch、PS4等，一家大細都啱玩。而數十款任食嘅燒烤食品，包括川/韓/日風味雞翼、黑椒西冷牛扒、台灣麻吉燒等，選擇豐富。如果提前1日預訂並做齊指定動作，正日生日前後7日會送上無酒精香檳/莎莉蛋糕外，重有啤酒塔9折同海鮮拼盤95折優惠。
圖：Holly Brown Coffee Roasters 送生日Danish Toast 
生日優惠日期：2023年8月28日起，直至餐廳另行通知，欲了解詳情可聯絡餐廳。
呢間品牌以多元化嘅咖啡店形象為宗旨，所以咖啡以外，重有各類西式菜餚，其中皮脆肉嫩嘅烤西班牙乳豬係人氣菜式之一。如果預訂晚市時段慶祝生日，凡2位起，當月1位壽星可享免費打卡甜品「Danish Toast」。丹麥吐司上放上gelato、彩色「魚尾」等配料，睇見都開心呀！
圖：8度餐廳Café 8 Degrees 自助晚餐半價+送餐酒/免費生日蛋糕+送餐酒
生日優惠日期：2023年8月1日至2023年12月10日
8度海逸酒店嘅自助餐一向性價比高，而「海鮮狂歡饗宴自助晚餐」自助晚餐有多款海鮮料理，包括每日2款空運到港嘅法國、美國或愛爾蘭即開生蠔、韓式蟹肉粉絲沙律、蒜蓉辣椒焗蠔等前菜同主食，而全新「海鮮」主題更設有現場即製專櫃「自選海鮮市場」，即點即煮海鮮包括青口、花甲、海蝦、扇貝等，配以四川麻辣湯/魚湯，夠晒滋味；另外甜品必食招牌芒果拿破崙、榴槤班戟、Mövenpick雪糕等。而家當月生日嘅朋友預訂4位或以上自助晚餐，壽星可享半價優惠配免費紅/白餐酒1支，或免費生日蛋糕1磅配紅/白餐酒1支。
CHEF STAGE de Eddy Chu 套餐半價再送寫名甜品
生日優惠日期：2023年5月15日至2023年12月31日（特別日子如父親節、聖誕節、平安夜、除夕除外）
生日梗係揀間浪漫又好view嘅餐廳慶祝啦～尖沙咀呢間西餐廳位於大樓嘅19樓，可飽覽城市景色，老闆兼主廚入行逾30年，擅長融合各地菜式，更不時加入新元素帶畀大家新鮮感，例如焗連殼食法國田螺，其實係用麵粉做咗個「殼」，再釀入田螺肉，夠晒心思。而家預先以電話訂座表示慶祝生日，再出示OpenRice優惠券，可半價享用晚市套餐1份，再送寫名甜品。
圖：燒肉 帝 送火山牛肉盤
生日優惠日期：2023年6月1日起，直至餐廳另行通知，欲了解詳情可聯絡餐廳。
嚟緊有牛魔王生日嘅話，不妨去呢間日式燒肉店慶祝，餐廳主打油香十足嘅日本A5和牛，而最豐富嘅放題套餐E有埋和牛刺身𠻹，加上關東煮、明太子雞翼等小食，多達135款食品，一定食到捧住個肚走。而家凡於生日月份提前一日預訂，入座時出示生日日期證明並享用放題套餐C/D/E餐，即送壽星1客火山牛肉盤。
圖：城景國際酒店 - 樂雅軒 食中菜送賀壽蟠桃
生日優惠日期：2023年12月1日至2023年12月31日
樂雅軒係法國藍帶美食協會之公司會員之一，加上中式裝潢簡約清雅，啱晒同鍾意食中菜嘅壽星食生日飯。餐廳以創新意念重新呈現傳統粵菜、老火燉湯等菜式；午市則有多款點心，如鵪鶉蛋燒賣、蜆芥炸鯪魚球、黑毛豬叉燒包等。而家嚟嘆散點菜式嘅話，生日客人以及同行賓客均可獲贈賀壽蟠桃一客，記得需要提早2日訂座並講會用呢個優惠呀。
圖：餐廳官網、Uncle Cheong
巴巴串 送香檳、海鮮+特長放題時段 
生日優惠日期：2023年3月31日起，直至餐廳另行通知，欲了解詳情可聯絡餐廳。
生日有得食又有得玩，點都盡興啲。呢間串燒放題店採用無火電爐，提供串燒同網燒方式，畀大家自行炮製海蝦、蜆、青口、牛、豚等數十款食材；另外自助區域更可任攞凍蝦、焗蠔、馬卡龍等冷熱食品同甜品。而每2/4/8位同行，壽星可以享用特長放題時段，再分別送香檳、鮑魚、扇貝、蛋糕等。
圖：Pillowtalk Restaurant & Bar 免費畫碟服務
生日優惠日期：2023年3月1日起，直至餐廳另行通知，欲了解詳情可聯絡餐廳。
生日想有儀式感，可以喺甜品著手。屯門呢間西餐廳，只要訂座時通知會慶祝生日，當日點嘅甜品會免費提供畫碟服務，重會盡力滿足你嘅圖案要求，好似美國隊長、粉紅兔兔、安妮亞等都畫過，吸引唔少人嚟慶祝生日。而且一系列菜式價格相宜又足料，如避風塘軟殼蟹意粉、頂級安格斯肉眼扒都值得一試。
圖：餐廳（FB）
蝦蝦燒 壽星半價
生日優惠日期：2023年3月1日起星期一至四（公眾假期及其前夕除外），直至餐廳另行通知，欲了解詳情可聯絡餐廳。
有得食又有得玩！蝦蝦燒嘅室內BBQ場，可以涼住冷氣嘆海鮮放題，每檯旁邊都設有蝦缸，畀大家自助捉活蝦；另外自助食品區則供應蜆、鮑魚、肉串、雪糕、汽水等。而家每4位同行，1位當月壽星即享半價，而且免切餅費、開瓶費，可以自備生日蛋糕等盡情慶祝！壽星入座時需出示附圖片身分證明文件作確認，生日優惠唔可以同其他優惠一齊使用。
圖：Dough Bros Pizza & Doughnuts 免費薄餅
生日優惠日期：2023年1月31日起，直至餐廳另行通知，欲了解詳情可聯絡餐廳。
Dough Bros主打doughnut同pizza一直受大家歡迎，皆因前者不時推出創意口味；後者嘅手工酸種薄餅則用歐洲麵粉製作，口感煙韌，有肉類同素食款式照顧唔同食客需要。而家喺官網免費登記為會員，更可以享有免費生日薄餅（口味請向店員查詢）。
圖：餐廳（官網、FB）
半島酒店大堂茶座 1位免費、送生日蛋糕1個
生日優惠日期：2023年12月1日至2023年12月30日（12月24、25日除外）
半島酒店重推性價比高嘅「快樂生辰獎賞」，有齊前菜、主菜同甜品。而家每位壽星喺生日當日惠顧大堂茶座晚餐，2人同行即可獲贈生日蛋糕1個；而4位或以上，則1位免費再送贈生日蛋糕1個。留意返要72小時前訂座；如需取消訂座，則提前最少24小時通知，到場時需出示身份證明文作確認。
圖：RheaChim、餐廳官網
La Famille 免費嘆戚風小蛋糕
生日優惠日期：2023年12月4日至2023年12月6日
La Famille嘅戚風蛋糕唔太甜，口感鬆軟，一直受甜品控歡迎，佢哋每個月重會挑選一日壽星送蛋糕俾佢哋，而今個月嘅幸運兒係12月14日生日嘅你～只要喺12月4日中午12時至12月6日中午12時期間，按以下登記步驟，就會免費換取戚風小蛋糕一件，活動採取先到先得形式，而成功登記嘅壽星會收到電郵通知。
登記步驟：
1. Follow其的Instagram（@lafamillecake）及like Facebook（@lafamillechiffoncake）。
2. 進入網站（按此）填寫並提交個人資料。
3. 成功登記後，你將於48小時內收到成功登記電郵通知，如成功得獎，得獎者將收到獲獎電子換領信，喺揀選咗嘅日期（12月11日至12月14日）去門市兌換蛋糕。
4. 得獎者憑換領信上嘅QR Code於所選擇嘅日期，親臨La Famille分店，並向店員出示有效的身份證明文件核對姓名、出生日期即可換領獎品。
5. 參加者必須年滿11歲、持有香港身份證、並為當月嘅生日之星，而每位參加者只可登記一次。
圖：餐廳Facebook
Mokumoku Yakiton 指定分店各有不同優惠
生日優惠日期：2023年12月1日至2023年12月30日（不適用於2023年12月24、25日）
呢間日式豚肉串燒専門店由日籍料理達人Kei San監修，招牌之一嘅日本岩手縣白金豚，油花分布勻稱；另亦供應本地新鮮豬內臟，如坊間少見嘅豬腰、豬心等串燒都有機會食到。而家當月生日嘅朋友預訂晚市時段，並出示身分證確認本月生日，就可以享用以下生日優惠喇：
尖沙咀店 (4人或以上同行)
1. 全單9折
2. 免切餅費
1. 送指定清酒1壺
圖：Potluck Eatery 壽星自選甜品 
生日優惠日期：2023年11月1日至2023年12月31日
以木系為設計主軸嘅文青風西式cafe，氣氛輕鬆，好啱生日嚟chill下，如果帶埋愛寵，則可以坐戶外座位。主菜分量足料，推介有18oz頂級牛扒、西班牙乳豬、煎焗黑皮鱈魚配酸辣魚湯等選擇；而家用OpenRice優惠券，惠顧晚市嘅壽星，可以自選甜品1客，會免費寫上生日祝福語同你慶祝。
圖：大滾友火鍋 低至約65折
生日優惠日期：2023年9月1日至9月30日（已完結）
今個月可以同其他月分嘅壽星一齊享用慶生優惠喇～呢間中國風裝修嘅港式火鍋店，只要同枱朋友係處女座/巨蟹座/天秤座，中1個星座即享9折；中2個星座即享9折再9折（約81折）；中3個星座即時9折9折再9折（約72折）；如果嗌齊4個以上星座嘅朋友即享約65折，齊齊用優惠價試招牌花膠雞湯底、頂級雪花牛肉、海鮮刺身等鮮味食材～
圖：一幻拉麵 中環店限定送免費/半價拉麵
生日優惠日期：2023年7月1日至2023年8月31日（已完結）
日本過江龍拉麵店一幻拉麵，每日用50公斤蝦頭熬3個鐘製作湯底，令招牌蝦湯拉麵鮮味濃郁。而今個月適逢中環店開業4週年，更推出生日優惠畀7、８月壽星。優惠期內正日生日嘅朋友做齊指定步驟並出示身份證明文件正本，即可享免費品嘗拉麵，而生日月份內惠顧則有半價優惠；另外同行朋友都有8折（此優惠需收取加一服務費）。
Bedu 壽星免費
生日優惠日期：2023年8月1日至2023年8月31日（已完結）
如果生日想試特別菜式，中東菜係唔錯嘅選擇。中環呢間餐廳推出生日優惠，4位或以上惠顧Chef’s Menu套餐，當中1位8月壽星即時免費！套餐包括多款Mezze開胃前菜，如豆香濃郁嘅煙燻鷹嘴豆蓉、風味獨特嘅Tzatziki青瓜乳酪沾醬等；主菜推介啖啖肉嘅烤羊架配蜜餞柑橘同開心果，最後以精選甜品收尾。注意需於用餐前出示出生日期證明方可享用此優惠，透過OpenRice網上訂座，記得註明「August Birthday Guests to Dine for Free Chef Menu」。
上村牧場 薩摩⿊⽑和牛燒肉餐85折
生日優惠日期：2023年3⽉20⽇⾄5⽉31⽇（已完結）
嚟緊有和牛控生日嘅話，不妨試下呢間日本人氣過江龍燒肉店～品牌主打日本自家牧場飼養嘅高質薩摩⿊⽑和牛，供應牛五花、里肌肉等部位。餐廳即將推出限時生日優惠，凡當⽉壽星喺網上訂座時，列明用「生日85折優惠」，並訂座3位以上，薩摩⽜饗宴套餐可享85折！
鳥森 壽星訂座全單8折+300ml清酒買一送一+免切餅費
生日優惠日期：2023年5⽉1⽇⾄5⽉31⽇（已完結）
如果想試特色串燒，銅鑼灣呢間鳥燒主題店，主打一系列以惠比壽雞隻製作嘅串燒，另外部分內臟款式則來自本地新鮮雞。廚師發板包、單點選擇供應提燈、雞冠、日本產雞心元等款式。部分食材更先經過自家熟成再烤製。今個月壽星經OpenRice網上訂座，即享全單9折、300ml清酒買一送一，以及免切餅費。
圖：FireBird 優惠價嘆生日甜品
生日優惠日期：2023年6月5日至6月30日（已完結）
如果你鍾意日式燒物，去銅鑼灣呢間人氣串燒酒吧餐廳慶生係唔錯嘅選擇。全店採用日本進口雞肉、雞蛋、米、日本霜降A4和牛等食材，設計別具特色嘅創意料理，如重量級火焰原隻雞腿、火焰海鮮燒盛盒等；想飲返杯助興，亦提供清酒、採用日本酒調製嘅cocktail。而家經OpenRice網上訂座並註明慶祝生日，惠顧任何主餐牌食品，即可以優惠價$29享用配上祝福字句嘅生日甜品一份。
圖：餐廳（FB）
The Farmhouse咖啡廳 送Prosecco氣泡酒、生日蛋糕
生日優惠日期：2023年6月1日至7月31日（已完結）
北角呢間酒店自助餐餐廳，嚴選可持續並符合道德嘅肉類同海產炮製各種主題美食，現時以地中海風味為題，供應龍蝦燴薏米、即席烹調嘅原條塞拉諾/伊比利火腿、由專人即場調配嘅紅、白Sangria等。另外重有肉蟹等冰鎮海鮮、每日唔同口味/配料嘅旋轉雪糕機，食品款式多籮籮。而當月壽星凡提前48小時預訂：4位或以上成人同行惠顧，可獲贈750毫升Prosecco氣泡酒乙支；6位或以上成人同行並於生日正日惠顧，更可額外獲贈1磅裝原個蛋糕乙個。
