2月24日更新：政府進一步收緊社交距離措施，即日起餐廳每枱最多兩人，並不得舉行宴會。
有時一家人去食飯，始終都係想坐埋一枱一齊食。現時香港嘅餐廳分為四種運作模式，只有D類食肆可以每枱最多四人！今次開飯仔就幫大家精選港九新界、唔同類別嘅D類食肆，同教大家點用「疫苗通行證」！
D類食肆：
1. 每枱最多4人
2. 下午6時後不設堂食
3. 所有堂食顧客必須已接種第一劑疫苗（12歲以下的兒童或經醫生核實因健康理由而未能接種除外；沒有相關二維碼的人士須填妥指定表格，12歲以下有成人陪同的人士除外）
今年2月又凍又潮濕，真係好啱打邊爐暖下胃！呢間港式火鍋放題店一直都好受歡迎，皆因價錢公道，湯底同配料選擇多而平均質素都唔錯。特別係荃灣旗艦店更係佔地13,000呎，設有唔少卡座、坐得舒服唔逼挾。
口碑好高質中菜 神燈海鮮酒家(佐敦) 
佐敦呢間兩層樓高嘅中菜館主打經典懷舊粵菜，巧手小菜同點心出色之餘，眾多海鮮控最愛嘅絕對係佢哋嘅阿拉斯加蟹新派兩食！有齊阿拉斯加蟹甲羅燒同雞油花雕蒸蟹腳，前者會由專人負責堂燒，後者配搭雞油同花雕、鮮味爆發！
東京過江龍居酒屋 權八居酒屋(銅鑼灣) 
銅鑼灣呢間日式居酒屋本店位於東京銀座，香港店走傳統江戶時代風格，裝修以木為主加上日式燈籠，更設榻榻米座位，真係有啲去咗日本嘅Feel㗎。招牌菜式包括一系列嘅日本備長炭炭燒、A5和牛壽喜燒，同日前強勢回歸嘅和風下午茶套餐！
圖: 餐廳Facebook
呢間韓式炸雞店嚟自韓國釜山，天花掛滿星星吊燈，加上有鐵網畀大家掛上情侶鎖，氣氛好好！開業至今咁多好評，一方面當然因為招牌炸雞Keep到皮脆肉滑又香口，另一方面係選擇多元化，由鍋物到紫菜飯卷、特飲到韓國米酒味道都夠地道。
圖: phonebus
音樂主題美式餐廳 The Musicbox Grill House & Bar(銅鑼灣) 
餐廳老闆既係大廚、亦係資深音樂人及著名DJ，所以就開咗呢間糅合音樂同美國菜嘅餐廳，間中會有DJ駐場打碟！主打美國南部地道菜式、海鮮同燒烤，草飼澳洲肉眼牛扒肉香濃郁，香蒜牛油煮蜆大份又夠鮮甜。
露天平台嘆西餐 LAB EAT Restaurant & Bar(旺角)
旺角呢間西餐廳位於商場五樓，露天平台空氣更流通，室內座位亦有落地大玻璃。餐廳大廚曾任職於多間Fine Dining，海膽多士、阿拉斯加蟹肉海膽扁意粉、12小時慢煮澳洲M5和牛牛小排等都係推介，熱溶芝士火腿沙律更會即席加上熱溶芝士！
要搵D類食肆嘅話好簡單，到OpenRice用「進階搜尋」，喺「特別條件」揀返「餐廳運作模式 - D類」就得。
無論係而家要到D類食肆、或2月24號起到任何餐廳堂食，都必須使用安心出行及「疫苗通行證」，即需要出示疫苗接種紀錄或醫學豁免QR Code以供掃瞄。可使用「安心出行」、「智方便」、「醫健通」apps或紙本疫苗紀錄上面嘅QR Code。
可以用「安心出行」apps儲存疫苗接種紀錄
唔少餐廳都位於商場裡面，最新版本嘅「安心出行」apps就加入「返回上一個場所」按鍵，所以大家進入商場要Scan一次，進入餐廳堂食要再Scan一次，而離開餐廳時就可以「返回上一個場所」，咁就唔驚無咗商場嘅記錄啦。
最後都提提大家，純粹購買或領取外賣食物或飲品可獲豁免出示「疫苗通行證」。
