臨近年尾，通常唔同groups嘅朋友仔都會約下出嚟，借慶祝聖誕之名食餐好嘅。飯局數量多咗，揀餐廳同埋荷包嘅煩惱都多咗。不過，作為精明嘅飯局搞手，當然就有方法揀到啲又靚裝、又好食仲著數多多嘅餐廳啦。例如可以購買OpenRice餐飲券，享用折扣優惠，埋單時再用DBS信用卡經OpenRice Pay簽賬等，即可享有多重折上折。記得睇到最尾，話你知點樣得到DBS「一扣即享」高達50%折扣。　

閨蜜聚會，往往都係不停打卡，然後不停傾偈，所以一間餐廳嘅裝修格局同氣氛就好重要嘞。介紹間喺中環蘭桂芳嘅CAFÉ畀大家，（要有下場都好方便），呢間樓上咖啡店，以波希米亞風為主題，木系搭乾花同織繩擺設嘅佈置，完全係為各位打卡迷而設，輕易就影到同閨蜜好似去咗旅行嘅相。餐廳仲好識做咁添置多張韆鞦椅，唔影返 十張八張相都對唔住自己。

食物方面，除咗一般café正常供應嘅輕食同意粉外，呢度更特別設計咗幾款素食同生酮菜式，on緊diet嘅朋友仔都絕對有啖好食。好似生酮全日早餐咁，全部都係低碳食物，包括羽衣甘藍沙律、烤雞胸、意大利煙腩、芝士扒大菇、牛油果同忌廉炒蛋，唔食carbs 一樣都可以好豐富好飽肚。

另一款keto菜式有煙三文魚翠玉瓜麵，呢款幾特別，煙三文魚捲成玫瑰花，而一條條綠色嘅「麵條」食落異常爽脆，原來唔係麵嚟㗎，係翠玉瓜切絲而成，青醬味濃郁。

至於必食推介，首選威靈頓三文魚配牛油忌廉汁。外層酥皮香脆，包住厚肉得嚟又嫩滑嘅三文魚，就算唔點牛油忌廉汁都已經好香口呢。

金箔蟹膏蟹肉意大利飯係最近新推出嘅菜式，除咗面頭嘅蟹肉同蟹膏，師傅亦特意加入蟹肉、蟹膏同蟹油同飯粒一齊熬煮，所以啲飯係索晒蟹香嘅精華，啖啖都有鮮甜惹味嘅膏香。

各位DBS信用卡客戶有福了，DBS「一扣即享」現已登陸OpenRice，有高達50%折扣。喺推廣期內，凡喺OpenRice以DBS信用卡訂購外賣自取/餐飲券/訂座預付套餐或使用OpenRice Pay堂食結賬後，並根據以上4個步驟完成簡單登記，就可以即時使用「一扣即享」功能對銷簽賬，賺取優惠：

優惠1：首次簽賬滿HK$100扣減HK$50 (毋須使用DBS$ / COMPASS Dollar扣減)
優惠2：其後簽賬DBS$1 / $1 COMPASS Dollar = HK$2 (以此兌換率對銷簽賬享50%折扣)

*優惠名額有限，先到先得，額滿即止

另外，DBS信用卡客戶將可專享連續三星期低至7折嘅餐飲券快閃優惠（12月開售），記住留意呀。
推廣期：2021年11月22日 – 2022年1月31日

即睇更多優惠詳情：（按此）

角落咖啡廳        
地址: 中環德己立街23號晉逸蘭桂坊精品酒店2樓