人生中總有一兩個令自己引頸以待嘅projects，<West口west臉eat好west>絕對是一個籌備以久，上山下海橫越十八區留盡腳毛嘅大企劃。另一個已持續創作兩年，將會繼續創作嘅project
1. 鹿鳴春飯店
<什錦冷盤+五香醬蹄>
下馬威咁啦。醬蹄我特別欣賞，唔會死咸太濃，剛好夠味，口感佳，點mustard掂啊。
<鹽爆管庭>
手工嘢啊！黎鹿記當然有做過功課啦。同枱嘅人都唔知管庭係咩，其實是豬歌氣管，補補佢先lol 原來係禁爽口。
<糟溜鴨肝>
呢個正，特色野啊！Off menu。鴨肝火喉剛好，內軟外層微硬，配上充滿甜味同黃酒香嘅醬汁，香氣四溢很irresistible。
<北京填鴨>
寫北京菜篇，隻鴨佔嘅分數絕對唔少。如果係咁，我認為鹿鳴春分數都唔低。贏並非贏在有表演睇，或用炭火烤嘅classic做法，而係呢間嘅油香最標青，最令人感到欲罷不能。係咁架啦，越邪惡就越難拒絕架啦。
🉐RamenGorRating -- 🍜🍜🍜🍜MUST try
2. 老掌櫃東北菜館
假若我真係能夠將<West口west臉eat好west-香港篇>集結成書，相信記錄低背後隠藏嘅每段感情同經歷，比起介紹餐廳嘅本義，黎得更重要。鹿嗚春同老掌櫃，同為我喺香港食北京烤鴨嘅首選s。前者油香十足，肥瘦分明，後者雖然瘦身，但肉嫩無比，肉味甚至更勝對手。薄而脆嘅鴨皮亦較瘦身，油份恰到好處。蘋果拔絲係我食過最好食嘅，韭菜餃挺不錯，黃金南瓜係surprisingly好好食。其實，佢同鹿嗚春喺味道上的確各有千秋。鹿嗚春專食𠮩𠹌嘢，好多道菜都新穎有趣，老掌櫃就簡簡單單，亦有感情分加。不過感情還感情，我係見過無數餐廳立即跌watt，但熟客仍然死忠到底嘅cases，我自問唔係呢種人，所以對餐廳永遠持保守態度。所以，呢個評分雖然係one-off，但若然真金不怕紅爐火，一定唔會淨係得我覺得抵撐，亦即係，如果個個都話唔得，又點會係無的放矢？
🉐RamenGorRating -- 🍜🍜🍜🍜MUST try
※上述內容純屬作者個人意見，不代表本網立場。※