一秒變居家廚神！懶人煮食包/套餐集合文3.0

疫情下多咗機會留喺屋企開飯，除咗睇下食譜學下易煮料理之外，亦可以考慮買餐廳推出嘅懶人煮食包！由小食、點心、拉麵到三道菜套餐都應有盡有，化身廚神煮出餐廳水準無難度。

呢間羅宋湯專門店推出四款加熱即食急凍湯包，牛腩羅宋湯用大量牛腩熬煮，豬髀肉羅宋湯、豬髀肉紅菜頭湯就適合唔食牛嘅朋友，紅菜頭素湯就係新出畀素食人士嘅。全部都從自設工場每日新鮮製作，不含任何反式脂肪、添加劑或人造色素！

回家蒸原籠點心大圍小館

呢間今年成為米芝蓮必比登新上榜推介嘅粵菜館新推「回家蒸」外賣自取，一籠有齊每日新鮮製作嘅流沙飽、鮮筍蝦餃、手打墨魚燒賣、桃花餃、懷舊蘿蔔餃各兩件。最重要嘅係連埋保冷袋同本地人手編織嘅竹蒸籠！想食嘅時候原籠隔水大火蒸7分鐘就食得。

訂購方法：致電、WhatsApp或Signal至54064438或到店預訂

雞翼DIY懶人包雞翼山

圖: 餐廳Facebook

而炸雞翼專門店就將招牌文青風玫瑰雞翼同酸辣惹味嘅慢煮冬蔭功雞翼變成DIY懶人包，一包12隻雞翼連埋炸粉同醬汁。佢哋用嘅雞翼都係無激素或抗生素，喺本地自家工場醃製。特別推介文青風玫瑰雞翼，淡淡玫瑰花香同蜜糖甜味好夾。

訂購方法：親身到分店購買

地道印尼菜真空包峇里堂

尖沙咀呢間走文青Cafe風嘅印尼菜館推出真空外賣包，多款招牌菜式包括招牌巴東牛𦟌肉、印尼燜豬仔骨、香料咖哩牛腩等，連同薑黃飯都變成真空包，隔水蒸熱就食到同餐廳一樣嘅味道！而且未開封嘅真空包放喺雪櫃冰格可儲存約兩個禮拜，好方便。

訂購方法：致電98591579，或DM餐廳Facebook/Instagram訂購，滿指定金額可安排運送

無味精冷凍加餸包 GoodDay Solar

位於啟德、今年2月嘅新開嘅Cafe亦推出無味精冷凍加餸包，有日式味增慢燉牛肋條、16小時慢煮日式叉燒、韓式燴豬軟骨、普羅旺斯紅酒燴髀等共六款選擇。放喺雪櫃冰格可儲存約一個月，食之前一日放落0-4℃雪櫃解凍再翻熱就得，名副其實加餸最啱。

訂購方法：DM餐廳Facebook或到店預訂

本港製造加餸包凍星人

圖: 餐廳Instagram

同樣係加餸包，呢間小店唔單止係本地製造，重標榜無添加味精同無需解凍、加熱20分鐘即食（可以參考佢哋嘅示範短片）！第一次可以試皇牌套餐，有齊花雕杞子醉燻蹄、蜜汁叉燒、瑞士汁雞中翼、紅酒炆牛肋條，同意式香草肉醬呢五款招牌菜。

訂購方法：填寫表格落單，確定訂單後會在3-5天內送貨到紅磡、黃埔、土瓜灣區

將屋企變成居酒屋慢煮屋

圖: 餐廳Facebook

觀塘呢間主打平價慢煮丼飯嘅日式餐廳就出咗以「家中居酒屋風味」為主題、真空處理嘅即食包，無味精或防腐劑，放0-10℃雪櫃可儲存3-4日，食之前簡單翻熱就得。有糖漬溫泉蛋、自家製福袋等小食，亦有洋蔥和牛燒漢堡、酒煮海鮮等主菜唷。

訂購方法：兩日前填寫表格落單，到店自取或安排送貨（另收運費）

居家抗疫懶人包 Green Common

本地Plant-based產品平台首次推出居家抗疫懶人包，共有11款選擇，當中兩款係養生純素湯水，另外九款係經典家常菜式，好似冬菇馬蹄蒸新豬肉餅、西蘭花炒植物雞柳。隨懶人包附上簡易食譜，最快15分鐘同五個步驟就可以輕鬆煮出足2-3人享用嘅菜式啦！

訂購方法：填寫表格落單，確定訂單後會於指定日期送貨上門，首階段送貨服務只限將軍澳市中心、寶林、坑口、調景嶺、日出康城及將軍澳工業邨

外賣拉麵Easy Pack t2P (The Second Phase)

由一班年輕人開設嘅Fusion菜館就將拉麵做成Easy Pack，用熱水煮同加熱重現堂食嘅味道得，自己發揮創意加入唔同配料變成唔同味道亦得，得咗！有「麻•花椒」同「京•醬油」兩款湯底選擇，開飯仔私心推介前者，有花膠麻勁但唔會太辣，係坊間少見嘅風味啊。

訂購方法：WhatsApp或Signal至96655630，到天后本店/北角古月自取或安排送貨（另收運費）

酒店級家倍滋味美食包晶荷軒

位於香港迪士尼樂園度假區嘅餐廳重推「家倍滋味」真空美食包系列，由獲獎大廚主理嘅佳餚，只要喺屋企簡單加熱就食到！而且有多款選擇，例如西餐有蟹肉濃湯、白汁蘑菇燴黑毛豬豬面頰配煙肉馬鈴薯球，中菜亦有川味家常牛小排、鮑汁海參花菇扣鵝掌等。

訂購方法：最少三日前透過餐廳網站或致電35106000訂購，到店自取或安排送貨（另收運費）

「宝箱」材料理包 Bifteck

由經驗豐富嘅行政總廚Ken Kwok主理嘅呢間法日扒房將於3月14號推出「BIFTECK 宝箱（Takarabako）」食材料理包，有齊優質食材同簡介教大家點煮，就算係入廚新手都可以簡單做出前菜、湯品、主菜及甜品，嘆住招牌牛扒，瞬間將屋企變成扒房！

訂購方法：最少一日前WhatsApp至92598208或3月14日起透過餐廳網站訂購

星級三道菜套餐 Roganic

至今連續三年奪得米芝蓮一星嘅英國菜餐廳再度推出「Simon Rogan at home」三道菜外送餐單，每個星期都有唔同菜式，令大家安坐家中都能夠盡享時令美食！隨食材會附上加熱方法及示範片段，跟住短片整就包無失手啦。

訂購方法：透過餐廳網站訂購，只限星期五至星期日供應

文: Cathy.H