踏入春季，唔少酒店嘅自助餐廳都換上新主題，而呢個3月大部分以香港人最愛之一海鮮為主：松葉蟹、深海魚、龍蝦等美食任拎任食。以前話春天不是讀書天，計開飯仔話春季不是減肥天至啱！
 

和牛+松葉蟹料理　　花月庭

松葉蟹每年11月至3月當造，想任食最後一批時令松葉蟹菜式，就可以考慮嚟旺角呢間酒店餐廳。自助晚餐以櫻花、和牛同松葉蟹做主題，供應凍梅湯櫻花赤麵伴松葉蟹肉、櫻花漬松葉蟹肉茶碗蒸，同和牛涮涮鍋等非常有春天氣息嘅料理。冰鎮海鮮同一系列季節限定壽司都係回本位！最後食埋創新嘅櫻花甜品滿足埋甜品胃，咁先叫完滿嘅一餐嘛。
 

櫻花和牛松葉蟹自助晚餐
供應日期：即日起至2018年5月1日
價錢：
星期日至四
全時段（18:00-23:00）成人$628/位，3-11歲小童$418/位，65歲或以上長者$478/位；第一優惠時段（17:45-20:15）成人$508/位，3-11歲小童$338/位；第二優惠時段（20:30-23:00）成人$528/位，3-11歲小童$348/位
星期五、六、公眾假期及前夕
全時段（18:00-23:00）成人$668/位，3-11歲小童$448/位，65歲或以上長者$508/位；第一優惠時段（17:45-20:15）成人$528/位，3-11歲小童$348/位；第二優惠時段（20:30-23:00）成人$548/位，3-11歲小童$358/位
*用OpenRice優惠券可享分段低至$398/位（條款及細則），或全時段4人同行7折優惠（條款及細則）

 

矜貴鮑魚花膠任食　　城景閣

鮑魚花膠唔單止名貴，仲有滋補嘅效用！油麻地呢間餐廳3月繼續以鮑魚、花膠同海鮮做主題。每位客人免費獲贈一客法式鮑魚科米多，而其他菜式亦非常多元化，包括花膠黃醬海膽烘扇貝、花膠煙三文魚山葵紫菜卷、迷你鮑魚野菌撻、金箔法式鮑螺海皇燉蛋等。鍾意海鮮嘅就唔好錯過美國及紐西蘭生蠔、鱈場蟹腳、澳洲凍蝦同各式刺身啦。
 

鮑魚花膠薈‧海鮮自助晚餐
供應日期：即日起至2018年3月31日
供應時間：18:30-21:30
價錢：星期一至四成人$438/位，4-11歲小童$288/位，65歲或以上長者$368/位；星期五至日及公眾假期成人$458/位，4-11歲小童$288/位，65歲或以上長者$388/位
*用OpenRice優惠券可享最高75折優惠（條款及細則）

 

即場劏宰原條深海魚　　咖啡亭

而家食自助餐唔單止係味覺嘅滿足，同時有表演睇！講緊嘅係尖沙咀呢間餐廳新推出嘅鮮魚主題自助晚餐，每晚輪流供應唔同種類深海魚，包括最高重達50公斤嘅深海吞拿魚同日本北海道油甘魚等，由大廚即席大顯身手劏宰，即製刺身或多款佳餚，例如鮮魚牛油果他他、厚切魚扒等。即煮海鮮廚房亦可以幫大家按個人喜好烹調扇貝、象拔蚌、鮑魚等海鮮。
 

鮮魚盛宴自助晚餐
供應日期：即日起至2018年3月31日
價錢：
星期一至五
全時段（18:00-23:00）成人$648/位，3-11歲小童，或65歲或以上長者$488/位；首輪（18:00-20:00）成人$588/位，3-11歲小童，或65歲或以上長者$428/位；次輪（20:30-23:00）成人$608/位，3-11歲小童$428/位
星期六及日
全時段（18:00-23:00）成人$688/位，3-11歲小童，或65歲或以上長者$488/位；首輪（18:00-20:00）成人$588/位，3-11歲小童，或65歲或以上長者$448/位；次輪（20:30-23:00）成人$608/位，3-11歲小童$448/位
*隆堡鑽石卡及Rhombus Dining餐飲應用程式會員可享7折優惠，詳情請向餐廳查詢

 

多國風味龍蝦盛宴　　倚窗閣

鮮嫩彈牙嘅龍蝦相信亦係唔少海鮮迷嘅心頭好！尖沙咀區呢間餐廳新自助餐以龍蝦為主，配合多國唔同特色烹調方法，好似傳統意式嘅香草鮮茄燴龍蝦、馬介休及海鮮，中式上湯龍蝦鉗伊麵，法式干邑海鮮龍蝦湯，同新派英式焗龍蝦班尼迪燉蛋。而嚟到甜品環境，就有充滿春天氣息嘅櫻花紅桑子卷蛋同櫻花三重奏蛋糕選擇。
 

嘗鮮 • 龍蝦自助晚餐
供應日期：即日起至2018年5月31日
供應時間：18:00-21:30
價錢：星期一至四成人$528/位，4-11歲小童，或65歲或以上長者$378/位；星期五及星期日成人$548/位，4-11歲小童，或65歲或以上長者$398/位；星期六或公衆假期及其前夕成人$578/位，4-11歲小童，或65歲或以上長者$398/位
*酒店網上商店優惠價低至$388/位起，詳情請到網站查詢

 

選用可持續發展海鮮　　Promenade 西餐廳

滿足口福之餘亦要關心地球，紅磡呢間餐廳特別引入Foundation Fish & Season可持續發展海鮮，糅合中西唔同烹調手法，供應例如避風塘炒黃蓋鰈魚、頭盤如涼拌麻辣黑木耳西班牙蟶子等美食。其他推介包括金黃香脆嘅荷蘭海鮮吉列拼盤、香辣惹味嘅泰式咖喱炒銀花魚、荷蘭煙鯖魚慕斯柳脆脆筒同森林菌牛肝菌汁意大利飯。
 

「鮮」氣不凡自助晚餐
供應日期：即日起至2018年3月31日
供應時間：18:30-22:30
*用OpenRice優惠券可享最高75折優惠（條款及細則）

 

意式海鮮半自助餐　　forte

而觀塘呢間酒店餐廳3月就以意大利為主題供應半自助晚餐，當中都有唔少海鮮菜式！好似主菜有龍蝦汁香煎帶子意大利雲吞、海鮮意大利飯釀魷魚筒同意式孜然香辣烤石斑魚柳等。而食肉獸亦有澳洲穀飼牛肉眼扒同鹽燒美國頂級牛仔骨等選擇。而任食美食亦包括即開新鮮生蠔、阿拉斯加皇后蟹腳、冰島大蝦、時令刺身、即場炮製火焰卡邦尼意粉等。
 

「意戀情迷」半自助晚餐
供應日期：即日起至2018年3月31日
供應時間：18:30-21:30
價錢：星期一至四成人$428/位，3-11歲小童，或65歲或以上長者$228/位；星期五至日、公眾假期及前夕成人$458/位，3-11歲小童，或65歲或以上長者$258/位
*用OpenRice優惠券可享最高82折優惠（條款及細則）

文：Cathy