相信有留意新聞嘅大家都知道，香港已經連續21日本地零確診啦！非常開心終於見到疫情之中嘅一線曙光呀。有見及此，四間酒店決定重開自助餐！當然大家同時亦要遵守防疫指引，保持社交距離同個人衛生。希望除咗餐廳之外，香港人嘅生活都可以慢慢重回正常軌道啦。
雅苑座 送鮑魚+珍寶帶子 
召喚一眾海鮮迷！呢間酒店推出海鮮自助晚餐，每位客人同時可享翡翠蠔皇花菇扣鮑魚(兩隻)及香煎日本珍寶帶子配紅花汁各一客！當然唔少得新鮮海鮮，包括加拿大長腳蟹、龍蝦、澳洲黑青口、即切魚生等。而且仲有師傅現場即點即做嘅日式爐端燒。最後仲有酒店皇牌蝴蝶酥同雜果拿破崙等，同唔同口味嘅Haagen-Dazs雪糕。
海鮮盛宴自助晚餐
供應日期﹕4月30日起
供應時間﹕18:30-22:00
價錢﹕星期一至四 成人$618、小童$488；星期五至日、公眾假期及前夕 成人$698、小童$528
優惠券：惠顧自助晚餐低至65折；及可半價購買人氣腰果酥或7折購買馳名蝴蝶酥一罐
Alva House 270呎長自助餐桌+開放式廚房
沙田呢間酒店嘅自助餐同樣載譽歸來，主打喺270呎長餐桌上擺滿唔同地方嘅美食，真係花多眼亂！唔少仲係開放式廚房或者即煮攤位，一目了然睇住點整感覺安心啲。回本必食即開生蠔、香烤美國戰斧牛扒、原隻西班牙乳豬、京式片皮鴨，特別啲嘅亦有沙田特色乳鴿、雞粥。食埋Mövenpick雪糕同山水豆腐花做甜品，夠滿足。
「環球美食巡禮」自助晚餐
供應日期﹕5月5日起
供應時間﹕18:00-21:30
價錢﹕星期日至四 成人$638、小童$418；星期五、六及公眾假期 成人$698、小童$448
優惠券：「環球美食巡禮」自助晚餐 (18:00 – 21:30) 淨價每位$480起
大灣咖啡廳 大嘆可持續發展海鮮
呢間酒店今次就主打環保主題，選用可持續發展海鮮，設有午市同晚市自助餐。提供超多款嚟自世界各地嘅海鮮，好似有麵包蟹､龍蝦､鱈蟹腳､大蝦等，保證總有一款啱你口味！除此之外又點少得各式嘅時令刺身呢？由廚師即叫即切，保證夠晒衛生啦。
大灣咖啡廳環保海鮮自助餐
供應日期﹕4月30日至6月30日
供應時間﹕逢星期一至五12:00-14:30；周末 12:00-15:30；每天18:00-21:30
價錢﹕官方網站
Café Kool 環球美食巡禮
呢間酒店同樣提供午市同晚市自助餐，設有12個開放式廚房，提供嘅海鮮款式都相當豐富，好似晚市就有麵包蟹、原隻開邊龍蝦等。凍海鮮之外，熟食亦同樣吸引，有人氣龍蝦喇沙、北京填鴨、惹味印度菜、日式車輪餅等，真係咩國家嘅菜式都有，絕對滿足到你想出國旅行嘅心呀（應該）！
環球海鮮自助餐
供應日期﹕4月30日至5月31日
供應時間﹕12:00-14:30；18:30-21:30
價錢﹕官方網站
文：Kiko