政府防疫措施再次收緊，由明天開始所有餐廳全日禁止堂食。無得堂食，唔係個個都識自己煮，外賣食物多數都較油膩及偏重口味，如果正處於減肥或增肌期間想食得健康啲，可以睇睇開飯仔介紹嘅呢4間餐廳供應嘅便當，健康有營之餘仲有埋外賣送上門服務，真係好貼心。

天然有機食材 AMGD

來自新加坡嘅AMGD，餐廳喺2017年進軍香港，供應多款健康飯盒。每款餐盒都由專業廚師同營養師設計，選用有機天然食材，不含防腐劑，超過八十款選擇。最貼心係每款飯盒都有標明卡路里，而且分類都好仔細，除咗可跟據個人喜好選擇雞、牛或海鮮為主嘅餐盒外，仲有供應高蛋白質餐、減肥餐同素食餐，無論係減肥人士、運動人士抑或素食者都總有一款啱。

訂購方法：https://amgd.hk/

好味又健康 Paleo Taste

食得健康又唔一定淨係食菜同沙律嘅～Paleo Taste供應嘅便當可以從餐單睇得出佢地嘅誠意，選用未經加工嘅優質新鮮食材，包括草食牛肉、羊肉同當地種植蔬菜。並將我哋平時食開嘅餐單以健康方式呈現出嚟，包括雞肉薄餅、十小時慢煮豬肉、印度咖喱雞肉及辣青檸雞配芒果沙沙醬等菜式。

訂購方法：http://www.paleotaste.com.hk/

健康小點心 Youni

Goji Studios嘅內部健康食品供應商，有一週、四週及十二週的膳食計劃，三餐中會有一餐以米飯或麵為主食，咁就唔怕唔夠飽。除咗每日供應早、午、晚三餐外，最特別係供應埋自家湯水同小食，好似柚子鬆餅、低脂椰子菠蘿撻及自製紫薯能量球等，等大家戒口時期仍然可以享用小點心！

訂購方法：https://www.youni.com.hk/

個人化餐單 Eatology

呢間有供應多款餐單，如無麩質低碳膳食、極致增肌膳食、素食計劃及生酮計劃等。如果全部都唔啱你，仲有得幫你設計個人化餐單，營養師會根據每個人的營養需求、餐數同日數，設計最適合你嘅餐盒～

訂購方法：https://www.eatologyasia.com/

文: Yanica

相: 餐廳官方網站及facebook